Rom 11:12 - Matu Chin New Testament 2006

¹² Judah thlaang thli kah thawlhna lawng dilai ah yotheen kam-awmna yahawh avan khuen tih ahimi kah sung-adeuhna lawng Gental hue hamla yotheen kam-awmna yahawh hlang avan khuen. Tecoengah Judah thlaang yahawh lawng asoepcala a thuum u van veng atah yotheen kam-awmna te metihtlukla asoep tare ai!

Matu Bible

¹² Tedae amih kah tholhdalhnah te diklai kah khuehtawn la, a hloonah tah namtom kah khuehtawn la om koinih a soepnah aisat te metlam muep a om eh.

Rom 11:12 Iomraidhean Croise

Caeltueih 3:21

Yan vengkah aciim tawngha thli hawna oen Pathen lawng a thui poen angla soeprep boeih he athaaila saina atue te a pha thlantoe ahih te vaan ah awm hun ai.

Rom 11:15

Metihtiah ahimi te hoett sut la a awm vengah thlaangtloe boeih te Pathen kah raal la awmna kalawng a paya laikoei la a sai. Tedawngah ahimi Judah thlaangphun te a do koep veng atah metila a awm tare ai? Thlaangduek thli ham hingna la coengg ai.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 11:33

Pathen tah len kueng tangkiik mah aw! A cuihna oen a mingna tah dung tangkiik mah aw! A awltloekna he a-u lawng a thuicaih thai ai? A thaihu sai along a-im he a-u lawng a yaakming thai lek ai?

Rom 9:23

Tecoengah amah kah aka soep ruep-awmna te tueng sak a ngaih tih amah kah reenna aka dang mami sawah a ruep-awmna te avan toi, mami he a ruep-awmna dang hamla a roek a bah tangte poen ni.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.