Rom 11:1 - Matu Chin New Testament 2006

¹ Tetih atah Pathen lawng a thlaang thli te a hoett poen aw? Hoett roe roe nawh! Kai kamah khaw Israel thlaang, Abraham cadil, Benjamin phun ni.

Matu Bible

¹ Pathen loh a pilnam te a tueihno moenih a ka ti. Te tlamte om mahpawh. Kai khaw, Israel hlang, Abraham kah tiingan lamkah Benjamin koca ni.

Rom 11:1 Iomraidhean Croise

Luka 20:16

Ahih te law vetih te kah thlaang thli te a ngawn coeng atah misurdum te thlaangtloe a vat ai.” tila a thui pe. Thlaangping lawng he awl he a yaak u vengah, “Te tila te awm roe mai boel seh!” ti u.

Caeltueih 22:3

“Kai he Cilicia ram Tarsas khaaw kah Judah thlaang ni, tede, Jerusalem ah he ka roeng hang tih Gamaliel kah sengcamoe la ka awm. Kai lawng mami patuer hue kah Phungawl oen thuituen-na te ka dang tih tihin ah he kah aka awm nangmi boeih angla Pathen tengah ka tlungmu van.

Caeltueih 26:4

Kai he ka camaw veng kalawng metila ka awm ka ih ti he Judah thlaang boeih lawng a ming u. Kai he lamhacuek ah kamah ram khuiah khaw ka sak tih tecoengah Jerusalem ah ka awm te ahimi lawng a ming u.

Rom 11:11

Tetih atah awl kan doet u lah ai: Judah thlaang thli lawng a tlim u vengah rawk poe taktak poen aw? A rawk tang aih moenih. Ahimi lawng a thawlh u dawngah Gental thlaang thli tengah thlawnna te va law. Tedawngah Judah thlaang thli lawng uett-eena ahimi sawah a khueh u.

Rom 3:4

Tih nawh ni, Thlaang boeih lawng hoem awl thui mai cakhaw Pathen tah soeng tih uep-awm la awm toeng toeng. Caciim lawng, “Awl na thui vengah na awlthui te soeng tila na tueng sak vetih awlcek la na awm vengah taya cawina te na taa ai,” tila a thui.

Rom 9:3

Ahimi hamla atheen koei atah kai lawng Pathen kawsi yawkk tih Khrih oen pek u ham pateng ka ngaih ngaai.

2Korin 11:22

Ahimi te Hebru thlaangphun aw? Kai khaw Hebru thlaangphun van ni. Ahimi te Israel thlaangphun aw? Kai khaw Israel thlaangphun van ni. Ahimi te Abraham kah cadil thli aw? Kai khaw Abraham cadil van ni.

Philipi 3:5

Kai tah hin reetna khawhin ah yahhuivuen reet la ka awm, thlaangphun ben ah Israel thlaang, Benjamin phun, Hebru thlaangciim la ka awm. Judah hue kah Phungawl vaina ben ah Farasi la ka awm,