Rom 10:3 - Matu Chin New Testament 2006

³ Pathen lawng thlaang he me ang along a-im oen amah oen ah a roep u sak ti he ahimi lawng ming u nawh, amami kah lawngpui te sai ham a yawm u dai, tedawngah Pathen lawng amah oen thlaanghing roepna a sai lawngpui te paang u nawh.

Matu Bible

³ Pathen kah duengnah vik te a mangvawt uh tih amah kah duengnah thoh ham ni a toem uh. Te dongah Pathen kah duengnah dongah boe a ngai uh moenih.

Rom 10:3 Iomraidhean Croise

Luka 10:29

Tede Phungawl cangpueikung lawng amah oen amah te thlaangdoeng la a poek u dawngah, “Ka imbe lovaai te a-u nuem?” tila Jesuh te a doet.

Luka 16:15

Jesuh lawng ahimi nala te, “Nangmi lawng thlaangtloe kah mik huh atah thlaangdoeng la na sa u, tede nangmi kah thinkaw lungbui te Pathen lawng a ming. Metihtiah thlaang lawngah phutlo tangkiik la a poek thaihu thli he Pathen mik huh atah a phu awm nawh.

Rom 1:17

Pathen lawng thlaanghing he metila thlaangdoeng la a khueh tite Awlthang Theen lawng a tueng sak. “Pathen lawng thlaangdoeng la a khueh thlaang te lawngtah oengna oen hing ai.” tila Caciim lawng a thui angla te doengna tah acuekca veng kalawng aboet toe oengna rang oen ni.

Rom 10:2

Ahimi lawng a thinkaw te Pathen a peek tangtang tila nangmi tengah ka thui rapcaat thai; tede ahimi kah thinkaw a peek he cuihna taktak dawngah kung asut moenih.

Rom 10:20

Tong-aa ohla Isaiah lawng thincakla a thui tah, “Kai aka tlap nawh thlaang thli lawng ng'huh u; Kai he aka thoel-alang nawh thlaang thli tengah ka phumpho pe,” tila a thui.

Rom 11:7

Tetih atah metila a awm? Israel hue lawng a tlap te hu u nawh. Pathen lawng a tuek ayawlca bueng lawng ni a huh; atloe hue tah a haa pang malhtalh tih Pathen kah khuena awl te ya nawh.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

Rom 3:26

tede, tahe tue veng atah amah kah doengna te a tuengna ham thlaanghing thawlhna te a pho sak. He-tila Pathen lawng amah thlaangdoeng la a awmna a tueng sak tih Jesuh aka oeng boeih tah thlaangdoeng la a khueh.

Rom 5:19

Thlaang pakhat kah awlngaaina nawh lawng thlaang boeih te thlaangthawlh la a coeng sak, tetih van angla thlaang pakhat kah awlngaaina rang oen thlaang boeih te Pathen lawng thlaangdoeng la a khueh ai.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah: