Rom 10:19 - Matu Chin New Testament 2006

¹⁹ Koep kan doet lah ai: Israel thlaang-thli lawng yaakming u nawh aw? Lamhacuekla awl aka thung ham tah Mosi amah ni. Ahih lawng, “Ka thlaangphun te uett-ee hamla, thlaangphun la toeksam nawh te ka hawna vetih, thlaang ngau paathuu phun rang oen ka thlaangphun te a thin ka sa sak ai,” tila a thui.

Matu Bible

¹⁹ Tedae, “Israel loh ming pawt nim?” ka ti. Moses loh lamhma la, “Kai tah namtom pawt nen khaw nangmih kan thatlai thil ni. Lungmong namtom rhangneh nangmih kan sai sak ni,” a ti.

Rom 10:19 Iomraidhean Croise

Rom 10:18

Tede awldoet ka ngaih tah: ahimi lawng awlthang he ya u nawh tangtang aw? A yaak u ta; Metihtiah Caciim lawng, “Ahimi kah paang awl lawng dilai pum ah thaang khok tih ahimi awl tah dilai boetna toe kheng a pha,” tila a thui.

Rom 11:11

Tetih atah awl kan doet u lah ai: Judah thlaang thli lawng a tlim u vengah rawk poe taktak poen aw? A rawk tang aih moenih. Ahimi lawng a thawlh u dawngah Gental thlaang thli tengah thlawnna te va law. Tedawngah Judah thlaang thli lawng uett-eena ahimi sawah a khueh u.

Rom 11:14

Ka thlaangphun thli te uett-eena thinkaw a khueh sak he tah thlaangvaang mai khaw thlawn thaina ham ni.

Rom 3:26

tede, tahe tue veng atah amah kah doengna te a tuengna ham thlaanghing thawlhna te a pho sak. He-tila Pathen lawng amah thlaangdoeng la a awmna a tueng sak tih Jesuh aka oeng boeih tah thlaangdoeng la a khueh.

1Korin 1:12

Ka thui ngaih tah he ni: Nangmi pakhat rip lawngah athloek athloekla na thui u. Pakhat lawngah “Kai tah Pawl kah hubang ni” ti tih atloe khat lawngah, “Kai tah Apollos kah hubang ni,” ti, atloe khat lawngah, “Kai tah Piter hubang ni,” ti tih atloe khat lawng, “Kai tah Khrih hubang ni.” tila a thui u ti he ni.

1Korin 10:19

He tila ka thui he kutsaimuei, tihnawhtah kutsaimuei tengah a nawn caak awkk te atheenna khaw awm van tila ka thuingaihna aw?

1Korin 11:22

Nangmi lawng na caak na awkk na ham im na khueh u nawh aw? Te tila na awm u te Pathen kah Khrihcabu te yah bai ham na ngaih u tih voetna aka awm thlaang thli te yahpawh sak ham na ngaih u aw? He kawngah he nangmi tengah kai lawng n'tu avan thui ai tila na ngaiuep u? Nangmi te kan koeh ai aw? Kan koeh roeroe nawh mue!

1Korin 12:2

Nangmi lukih la na awm u vengah te hingna aka khueh nawh kutsaimuei bokna lawnghang na vai u te na ming.

1Korin 15:50

Maya manau thli ka thuingaihna tah thi-asa oen a sai pum lawngah he Pathen Ram te paang thai manawh, tecoengah aka duek thai lawngah aka duek thai nawh te khueh thai manawh.

1Korin 7:29

Maya manau thli, ka thuingaihna tah he tila ni: atue san hlang awm hang tlaih manawh, tedawngah tahe kalawng tah yu khueh thlaang lawngah yu khueh nawh thlaang angla awm seh;

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

1Peter 2:10

N'hu veng atah nangmi he Pathen kah thlaang la na awm u nawh de tahe atah nangmi he amah kah thlaang la na awm u poen; anoekbuet atah Pathen kah reenna te na ming u nawh de tahe atah a reenna te na dang u poen.