Rom 10:17 - Matu Chin New Testament 2006

¹⁷ Tedawngah oengna tah awlthang yaakna dawng kalawng va law tih awlthang tah Khrih te thuina dawng kalawng va law.

Matu Bible

¹⁷ Te dongah tangnah tah hnavue lamloh, hnavue tah Khrih kah olka lamloh ha om.

Rom 10:17 Iomraidhean Croise

Marku 4:24

Tecoengah Jesuh lawng ahimi nala, “Na yaak u te anepla poek uh! Thlaangtloe awlcekna ham na hawna a taring van te nang awlcekna ham Pathen lawng a hawna van ai, te lak ah anauh ngaai la a hawna tare ai.

Luka 11:28

Tede Jesuh lawngah, “Pathen awl te a yaak tih aka vai tah metihtlukla a awmngaih tare ai!” a tina.

Luka 8:11

“Thuidoetna awl thuingaihna tah he tila awm: Caangti tah Pathen kah awl te ni.

Luka 8:21

Jesuh lawng ahimi boeih nala te, “Pathen awl te a yaak tih aka vai thlaang boeih tah ka manu oen ka manau la awm.” a tina.

Johan 1:37

He tila a thui te a hubang rawi lawng a yaak tih Jesuh te a hu ah a vai hih.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

Rom 10:14

Tede ahimi lawng a tangna nawh atah bawmna dang ham metila a miing te a khue thai ai? Ahimi lawng awlthang te a yaak nawh atah metila a tangna thai ai? Awlthang te a thui nawh atah metila ahimi lawng a yaak thai ai?

2Korin 2:17

Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

Galati 3:2

He thaihu khat he van thui u lah: Nangmi lawng Pathen Muithla te Phungawl lawng a kuek te na sai u dawngah aw na dang u, tih nawh atah awlthang theen te na yaak tih na oeng dawngah aw na dang u?

Galati 3:5

Pathen lawng nangmi te Muithla m'peek u tih nangmi tim ah kawpoek rai a sai te, Phungawl lawng a kuek te na sai u dawngah aw, te tihnawhtah awlthang theen te na yaak u tih na tangna u dawngah aw?

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

1Thessalonika 2:13

Kaimi lawngah Pathen tengah awmngaih ciil ka thuina kawng atloe awm hun. Kaimi lawng Pathen awl te nangmi tengla kavan khuen vengah thlaanghing kah awl angla nawh tih, Pathen kah awl angla te na hutung u tih na do u, te tah ataktang ni. Metihtiah aka oeng nangmi tengah Pathen lawng bii a bi.

Hebrew 4:2

Metihtiah ahimi lawng a yaak u angla, mami lawng Awlthang Then te n'yaak u poen. Tede, Ahimi lawng a yaak u awlthang te oengna oen a do u nawh dawngah ahimi ham hoeikhangna awm nawh.

1Peter 1:23

Tedawngah aka hing tih dungyan aka cak Pathen awl rang oen nangmi tah na thangthaai u poen; aka duek thai nu oen pa kah ca-anau angla nawh tih aka duek thai nawh kah ca-anau la na awm u.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.