Rom 10:12 - Matu Chin New Testament 2006

¹² Metihtiah Judah oen Gental thlaangphun pekthlena a awm tlaih nawh dawngah thlaang boeih thuum poen; Pathen tah thlaang boeih kah Bawipa la awm tih amah te aka khue boeih tah yotheen kawthawina yahawh hlang a lun thil.

Matu Bible

¹² Judah neh Greek laklo ah hlihloehnah a om moenih. Boeipa amah tah hlang boeih kah ni. Amah aka phoei rhoek boeih taengah a khuehtawn sak.

Rom 10:12 Iomraidhean Croise

Caeltueih 7:59

Ahimi lawng lungto oen a de u lii vengah te Stefen lawng Bawipa tengah, “Bawipa Jesuh, ka muithla he nang lawng lo mai loeih!” a tina.

Caeltueih 9:14

Tecoengah nang aka bok thlaang boeih tuuk hamla khawsoeih ahaamca thli tengkah aana oen ni a law.” a tina.

Rom 14:9

Metihtiah thlaang duek oen thlaanghing boeih kah Bawipa la awm ham Khrih tah duek tih tho koep poen.

Rom 15:12

Tecoengah Isaiah lawng, “Jesi kah cadil pakhat law ai; ahih tah Gental thlaangphun uk hamla law vetih ahimi lawng ahih dawngah ngaiuepna a khueh u ai,” tila a thui.

Rom 2:4

Tihnawhtah Pathen kah alentloe reenna, khawdawp ngaaina, kawdawna thli te tula khaw na sak u nawh aw? Pathen kah lungvatna te thawlh yutna ham lawngpui nuehkung ni tite ataktangla na ming u.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

1Korin 1:2

Pathen kah thlaangciim la awm ham khue la aka awm tih Jesuh Khrih oen tuhkaina rang oen ah amah kah a koe la aka awm Kawrin khaaw kah Pathen Khrihcabu, mami oen ahimi kah Bawipa la aka awm Jesuh Khrih te a bok tih khaaw tawm ram tawm ah aka awm thlaang thli tengah khaw, naangmi tengah khaw ca kavan pat u:

1Korin 15:47

Adam lamhacuek te dilai a sai tih dilai dawng kalawng va law; Adam apabena tah vaan kalawng ni a law.

2Korin 8:9

nangmi lawng mami Bawipa Jesuh Khrih kah lungvatna te na ming u; ahih tah bawi soeh mai de nangmi kah theenna ham khawdeng thlaang la coengg, he tila khawdeng la a awmna oen ah nangmi te kuirang thlaanglen la coengg sak ham a ngaih dawngah ni.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Ephesa 1:7

Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Ephesa 2:4

Tede Pathen kah reenna tah yahawh tih mami n'lungna te tah abo tangkiik dawngah,

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Ephesa 3:16

Nangmi kah akhuiben thinkaw tharana ham amah Muithla rang oen ah a ruep-awm bawilenna dawngkah tharana te nangmi m'peekna ham ka bih tih,

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Philipi 2:11

Pa Pathen ruep-awmna ham Jesuh Khrih tah Bawipa ni tila boeih a phawng u ai.

Philipi 4:19

Kai kah Pathen lawng amah kah bawilen kuirangna oen nangmi kah ngoena boeih te Khrih Jesuh rang oen ah m'peek ai.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 3:11

Te tila mingna dawng atah Gental oen Judah, yahhuivuen reet oen reet nawh, thlaangngau paathuu, n'tu khaw aka ming nawh thlaang, sal oen thlaangcuem tila ahimi laklaw ah pekbona awm tlaih nawh; Khrih tah soeprep tih soeprep dawngah Khrih tah awm.

1Timothy 2:5

Metihtiah Pathen tah pakhat bueng awm tih Pathen oen thlaanghing laklaw ah roeproeina saikung thlaanghing boeih tlang ham hingna pekung thlaang Khrih Jesuh pakhat bueng awm.

Olphong 17:14

Ahimi lawngah Tuuca te a teek u ai, tede tuuca oen amah lawng a khue tih a tuek thlaang thli oen uep-awm hubang thlaang thli lawngah ahimi te a taa ai, metihtiah ahih tah bawi boeih kah Bawipa oen sengpahrang boeih kah Sengpahrang la awm,” tila te a thui.

Olphong 19:16

A himbaidung oen a phai dawngah: “sengpahrang boeih kah Sengpahrang oen bawi boeih kah Bawi,” tila a thut.