Rom 1:8 - Matu Chin New Testament 2006

⁸ Dilai pum ah nangmi kah oengna kawng te a yaak boeih u poen dawngah Jesuh Khrih rang oen Pathen tengah lamhacuekla awmngaih ciil ka thui.

Matu Bible

⁸ Nangmih kah tangnah te diklai boeih ah a doek uh dongah nangmih boeih ham Jesuh Khrih lamloh ka Pathen te lamhma la ka uem.

Rom 1:8 Iomraidhean Croise

Mathai 24:14

Tecoengah thlaangphun boeih kah sausi la a awmna ham Vaan Ram kawng Awlthang Theen he dilai pum kah thlaangphun boeih tengah a phawng u vetih tecoengah aboetna te a pha ti.

Luka 2:1

Tevengah te Sengpahrang sangluel Awkastas lawng Rom ram pum ah thlaangmi soep hamla awl a peek.

Caeltueih 11:28

Akabas aka miingna ahimi timkah thlaang pakhat te pai tih dilai pum ah he khawthe khawkha awm ai tila Muithla kah huham tharana oen oepsoehla a thui. (Klaudias te sengpahrang sangluel la a awm vengah khawthe khawkhana te awm.)

Caeltueih 28:22

Tede peng tawm ah he bu he athela a thui u dawngah namah kah poekna te kaimi lawng yaak ham ka ngaih u.” a tina.

Rom 10:18

Tede awldoet ka ngaih tah: ahimi lawng awlthang he ya u nawh tangtang aw? A yaak u ta; Metihtiah Caciim lawng, “Ahimi kah paang awl lawng dilai pum ah thaang khok tih ahimi awl tah dilai boetna toe kheng a pha,” tila a thui.

Rom 16:19

Nangmi lawng awlthang theen dawngah ueppang koeila na awm u te thlaang boeih lawng a yaak u, tedawngah he kawngah he nangmi sawah ka kaw hoe tangkiik. Nangmi te theenna ben atah thlaangcuih la awm ham, tede athe ben atah tu khaw aka ming nawh angla awm sak ham ka ngaih.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

1Korin 1:4

Khrih Jesuh rang oen lungvatna te nangmi m'peek dawngah Pathen tengah awmngaih awl ka thui poepa.

2Korin 2:14

Tecakhaw Pathen tengah thang-theenna awm hawn seh! Metihtiah Khrih oen pumkhat la awmna rang oen ah Khrih kah taana ah aka cet thlaangping tim ah thongtla thlaang angla Pathen lawng mami he m'mawt u. Khrih kawng mingna te riimtuui baw angla ram tawm ah a puungna ham mami he Pathen lawng n'hawna.

Ephesa 1:15

Nangmi lawng Bawipa Jesuh na oengna, Pathen kah thlaang boeih na lungna u kawng te ka yaak cuek veng kalawng,

Ephesa 1:16

Pathen tengah nangmi ham awmngaih ciil thui he ka toeng nawh. Ka thangthuina dawngah nangmi te kan hilh nawh,

Ephesa 3:21

Pathen tengah khrihcabu rang oen Khrih Jesuh rang oen ah yoeyahla dungyan toe ruep-awmna awm hawn seh! Amen.

Ephesa 5:20

Mami kah Bawipa Jesuh Khrih miing oen ah soeprep boeih dawngah Pa Pathen tengah awmngaih ciil thui yoeyah uh.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Philipi 1:3

Nangmi kan poek vengah nangmi ham awmngaih awl ka thui poepa;

Kolosa 1:3

Nangmi ham ka thangthui u vengah mami kah Bawipa Jesuh Khrih kah ana Pa tengah awmngaih ciil ka thui u poepa.

1Thessalonika 1:2

Nangmi boeih ham Pathen tengah awmngaih ciil ka thui u poepa tih ka thangthuina u vengah khaw nangmi te kan poek u yoeyah.

1Thessalonika 2:13

Kaimi lawngah Pathen tengah awmngaih ciil ka thuina kawng atloe awm hun. Kaimi lawng Pathen awl te nangmi tengla kavan khuen vengah thlaanghing kah awl angla nawh tih, Pathen kah awl angla te na hutung u tih na do u, te tah ataktang ni. Metihtiah aka oeng nangmi tengah Pathen lawng bii a bi.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

2Timothy 1:3

Patuer thli lawngah bii a bi pe angla kai lawngkhaw thinkaw ciim oen ka bi pe van Pathen tengah awmngaih awl ka thui. Yiin oen daai ka thangthuina dawngah nang te kan poek yoeyah tih awmngaih ciil ka thui.

Philemon 1:4

Ka manau Filemon, ka thangthui veng roekk ah nang kawng ka thui tih ka Pathen tengah awmngaih ciil ka thui.

Hebrew 13:15

Tedawngah amah thangpawmna te mami kah luciik angla Jesuh rang oen Pathen tengah nawn poepa u sih. Te thangpawmna tah huikaa oen ah thawthuengna tih ahih tah Bawipa ni tila phawngna ni.

1Peter 2:5

Nangmi khaw aka hing lunghiim angla law u langtah, namami roe te muithla ben kah tempal bok-im sakna la sai u lah. Te huen ah te aciim khawsoeih angla bii na bi u vetih Pathen lawng a do ham koei muithla ben kah luciik te Jesuh Khrih rang oen Pathen tengah na nawn u ai.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.