Rom 1:7 - Matu Chin New Testament 2006

⁷ Tedawngah Pathen lawng a lungna tih a thlaang la coengg ham a ceel Rom khawpui ah aka awm nangmi boeih tengah he ca he kavan pat. Pathen oen Bawipa Jesuh Khrih kah lungvatna oen ngaimawngna tah nangmi tengah awm hawn seh.

Matu Bible

⁷ Rom ah aka om tih Pathen kah thintlo, hlangcim la a khue rhoek boeih, nangmih taengah mamih kah Pa Pathen neh Boeipa Jesuh Khrih lamkah ngaimongnah neh lungvatnah soep saeh.

Rom 1:7 Iomraidhean Croise

Mathai 5:16

Tetihvan la nangmi kah aangna te thlaang haiah aang sak ham awm, te tila thaihu theen na sai u te ahimi lawng a huh u vetih vaan ah aka awm nangmi na Pa te a thangpawm u thai ai.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Caeltueih 15:23

Ahih rawi kut ah te a dangkah angla ca a pat pe u: “Nangmi kah maya manau la aka awm kaimi celtuih thli oen ahaamca thli lawng Antiok, Siria oen Cilicia ah aka awm Gental phun maya manau thli te kan toei u.

Caeltueih 9:13

Ananias lawng, “Bawipa, thlaang yahawh lawngah he kah thlaang kawng khaw, Jerusalem kah na thlaang thli tengah rih-awm thaihu a sai boeih kawng te khaw avan thui u.

Rom 1:6

Te kah Rom khawpui ah aka awm nangmi khaw Jesuh Khrih kah a koe la awm ham Pathen kah khuena ah na thuum u van.

Rom 5:1

Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Rom 5:5

Pathen lawng a lungna te mami thinkaw khuiah Pathen amah kah kutdo Ciim Muithla oen ah avan toi poen dawngah he ngaiuepna lawng mami he kawpoek boet sak nawh.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

Rom 9:25

He tah Hosi cabu khuiah a thui te ni: “Ka thlaang la ka awm nawh thli te ‘Ka thlaang,’ ka tina ai. Ka lungna nawh thlaangphun te, ‘Ka lungna thlaangphun,’ ka tina ai.

1Korin 1:24

tede Gental thlaang khaw, Judah thlaang khaw seh Pathen lawng a khue thlaang thli ham tah te awlthang te tah Pathen kah cuihna oen tharana la aka awm Khrih te ni.

1Korin 16:23

Bawipa Jesuh kah lungvatna tah nangmi boeih sawah awm hawn seh.

Galati 6:18

Maya manau thli, mami Bawipa Jesuh Khrih kah lungvatna tah nangmi boeih sawah awm hawn seh. Amen.

Ephesa 1:2

Mami kah Pa Pathen oen Bawipa Jesuh Khrih lawngah nangmi te lungvatna, ngaimawngna te m'pe hawn seh.

Ephesa 6:23

Pa Pathen oen Bawipa Jesuh Khrih lawngah khrihca maya manau boeih tengah ngaimawngna oen lungna, oengna te m'pe hawn seh.

Philipi 1:2

Mami kah Pathen oen Bawipa Jesuh Khrih lawng lungvatna, ngaimawngna te m'pe hawn seh.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Philipi 4:20

Mami kah Pa oen Pathen tengah ruep-awmna tah dungyan toe awm hawn seh! Amen.

Philipi 4:23

Bawipa Jesuh Khrih kah lungvatna tah nangmi boeih sawah awm hawn seh.

Kolosa 1:2

Khrih oen pumkhatla awmna ah uep-awm maya manau Kolosa khaw kah Pathen thlaang thli tengah ca kavan pat: Mami kah Pa Pathen lawng lungvatna ngaimawngna te nangmi m'pe hawn seh.

Kolosa 3:12

Nangmi tah Pathen thlaang la na awm u; amah lawng nangmi te n'lungna tih amah hamla nangmi te n'tuek. Tedawngah thlaang kah hailam poekna, reenna, komyomna, boe-ngaaina, kawdawna oen ah khukdah u lah.

Kolosa 3:15

Khrih kah peek ngaimawngna tah nangmi lawng awltloekna na saina ah nangmi te lawngpui aka tueng sak ham ni; metihtiah he ngaimawngna khuiah awm haih hamla Pathen lawng pum pakhat dawngah nangmi te n'khue u. Tedawngah awmngaih uh.

1Thessalonika 1:1

Pawl, Silas oen Timote lawngah Pa Pathen oen Bawipa Jesuh Khrih kah thlaang la aka awm Tesalon khaw kah khrihcabu tengah ca kavan pat u. A lungvatna, ngaimawngna tah nangmi tengah awm hawn seh.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

1Thessalonika 1:4

Maya manau thli, Pathen lawng nangmi n'lungna tih amah kah thlaang la awm ham n'tuek u poen.

1Thessalonika 4:7

Pathen lawng mami he cuk-halhna dawngah bawlneeng sak hamla n'khue nawh tih aciim acaihla awm ham ni n'khue u.

1Thessalonika 5:28

Bawipa Jesuh Khrih kah lungvatna tah nangmi boeih sawah awm hawn seh.

2Thessalonika 1:2

Mami kah Pa Pathen oen Bawipa Jesuh Khrih lawngah nangmi te lungvatna, ngaimawngna m'pe hawn seh.

2Thessalonika 3:16

Ngaimawngna kungpui Bawipa amah lawngah metuek tue vengah khawseh along a-im phun soeprep oen ah ngaimawngna m'pe hawn seh.

2Thessalonika 3:18

Mami Bawipa Jesuh Khrih kah lungvatna tah nangmi boeih sawah awm hawn seh.

1Timothy 1:2

Oengna ah ka capa tangtang la aka awm Timote nang hamla ca kavan pat. Pa Pathen oen Bawipa Jesuh Khrih lawngah lungvatna, reenna oen ngaimawngna te m'pe hawn seh.

1Timothy 6:2

Bawimanghai thli te khrihca la a awm u atah ahimi khaw mami kah maya manau la awm van poen ti u boel selang sal thli lawngah te hinyah ohla awm u boel seh. Ahimi kah bii te atheenla a bi pe tare ham awm. Metihtiah ahimi kah biibina rang oen hoeikhangna aka dang te tah ahimi lawng a lungna khrihca thli van ni.

2Timothy 1:2

Ka lungna ka capa Timote nang tengah ca kavan pat: Pa Pathen oen mami Bawipa Khrih Jesuh lawngah nang te lungvatna, reenna, oen ngaimawngna te m'pe hawn seh.

2Timothy 4:22

Bawipa tah na thinkaw lungbui ah awm seh. Pathen lungvatna nangmi boeih sawah awm seh.

Titus 1:4

Mami cuutna u oengna dawngah ka ca taktakla aka awm Titas, nang tengah ca kavan pat. Pa Pathen oen mami thlawnkung Jesuh Khrih lawngah lungvatna, ngaimawngna te m'pe hawn seh.

Philemon 1:3

Pa Pathen oen Bawipa Jesuh Khrih lawng a lungvatna, ngaimawngna m'pe u hawn seh.

James 1:1

Pathen oen Bawipa Jesuh Khrih kah tuihyoeihthlaang Jeem lawngah dilai peng tawm ah aka yan khonghak Pathen thlaang thli te kan toei u.

1Peter 1:15

Nangmi khuekung Pathen te aciim van angla nangmi khaw na saina boeih dawngah aciimla awm uh.

1Johan 3:1

Pathen lawng ningmi n'lungna tangkiik he poek u lah! A lungna tah bo tangkiik tih mami he Pathen amah kah Ca-anau ti poen, te tila te awm tangtang. He kawng ah ni dilai lawng mami he m'ming u nawh: Pathen khaw ming u nawh.

2Johan 1:3

Pa Pathen oen Pa kah Capa Jesuh Khrih lawng lungvatna, reenna oen ngaimawngna te m'pe selang awltak oen lungna tah mami tengah awm yoeyah seh.

Olphong 2:1

“Efesa khaaw, Khrihcabu tengah he tila thut lah: A bantang kut ah aisi pasarih aka pawm tih sui haivangna pasarih tim ah aka yingyawi kah awl te tah he tila ni.

Olphong 2:12

Perkamum khaaw Khrihcabu kah vanthlaang tengah he tila thut lah: “He awl tah voei vang aka hatt samsen khuehkung kah awl ni.

Olphong 2:18

Tiatira khaaw Khrihcabu kah van-thlaang tengah he tila thut lah! “Pathen Capa, a mik rawi hai angla alh tih a khow rawi tah ruhum thuut heet angla thlup aka pha kah awl uen tah he tila awm.

Olphong 2:29

“Yaakna haa aka khueh lawngtah Khrihcabu tengah Muithla lawng a thui awl te ya hawn seh.” a tina.

Olphong 2:8

“Smarna khaaw Khrihcabu kah vanthlaang tengah he tila thut lah: “Lamhacuek oen hukhueng koek la aka awm; duek tih aka tho koep kah awl uen tah he tila awm.

Olphong 22:21

Bawipa Jesuh Khrih kah lungvatna tah thlaang boeih sawah awm seh. Amen.

Olphong 3:14

“Laudisia khaaw Khrihcabu kah vanthlaang tengah he tila thut lah: “Pathen lawng a suen thaihu boeih kah akungcuek la aka awm tih uep-awm oen ah ataktang sausi la aka awm Amen teng kah awl uenna tah he tila awm.

Olphong 3:22

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh!”

Olphong 3:7

“Filadelfia khaaw Khrihcabu kah vanthlaang tengah he tila thut lah: “He awl he tah aka ciim tih ataktang la aka awm tengkah awl ni. Ahih tah Devid kah caabi tukung la awm tih, ahih lawng thawhka a awng veng atah a-u lawngkhaw khai khoep thai nawh vetih ahih lawng thawhka a khaih khoep atah, a-u lawngkhaw awng thai manawh.