Rom 1:20 - Matu Chin New Testament 2006

²⁰ Pathen lawngah dilai a suen cuek veng kalawng huh thai nawh la aka awm dungyan a tharana oen dungyan Pathen la a awmna tah aciimphanla tueng poen. Pathen kah thaihu sai dawngah ahimi lawng a huh thai. Tedawngah thlaanghing lawng a thawlhna te thuh phah thai manawh.

Matu Bible

²⁰ Diklai suentae lamkah a kutngo hmuhmueh te phaeng a tueng la n'yakming. A thaomnah neh Pathen a coengnah tah dungyan la om. Te dongah amih te basa tloel om.

Rom 1:20 Iomraidhean Croise

Mathai 5:45

Te atah Vaan ram ah aka awm na Pa kah a ca la na awm u ai. Ahih lawng atah thlaangthe thlaang theen sawah avan at la khaw a see sak, atheen aka sai oen athe aka sai sawah avan at la khaw a tlan sak.

Marku 10:6

Tede acuekca ah dilai a suen vengah te caciim lawng a thui angla Pathen lawng tawngpa oen hutaa a sai.

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 15:22

Kai he ka law nawh tih ahimi tengah te ka thui pe nawh kawinih ahimi lawng thawlhna khueh u nawh sui; tede tahe tah ahimi lawng amami thawlhna peelnangna ham n'tu khaw khueh u tlaih nawh.

Caeltueih 17:29

Mami tah Pathen kah ca-anau la n'awm u dawngah thlaanghing kah cuihna, thoemthaina oen a sai muei asam sui, ngun, lungto kutsaimueime oen ah Pathen he lo u tila mami lawng poek ham awm nawh.

Caeltueih 22:1

“Maya manau thli oen a pa hue, nangmi haiah kamah ka phungtuna awl he hutung u lah!” a tina.

Rom 1:19

Thlaanghing lawng Pathen he ming thai koei la awm ti he aciimla a tueng poen dawngah Pathen lawng ahimi te dan a peek; metihtiah Pathen amah roe lawng a tueng sak ni.

Rom 16:26

Tede, tahe ah te kah awl tah tawngha thli kah cathut rang oen avan pha sak poen; thlaang boeih lawng awltak te a oeng tih a vai thaina ham dungyan Pathen kah awlpeek rang oen thlaangphun boeih tengah a phawng poen.

Rom 2:1

Tedawngah ka paya, a-u nang khaw thlaangtloe sawah awl na cek vengah namah oen namah te na thlipdah u thai nawh. Metihtiah thlaangtloe awl na cek vengah ahimi angla nang lawngkhaw thawlhna na sai van dawngah namah oen namah ni awl na cek u.

Rom 2:15

Phungawl lawng sai a tite a thinkaw ah thut la awm poen tila amami kah khawboe ramlang lawngah a tueng sak. Amami kah poekna lawngah meveng ah nuem tah ahimi te a pai puei vengah soeng tila amami kah athetheen pekbona thinkaw oen a tueng sak.

1Korin 1:20

Tedawngah thlaangcuih thli te mela a awm ai? Thoemthaina aka khueh thlaang thli te mela a awm u? He dilai han kah calthai thli mela a awm u? He dilai dawngkah cuihna he tah ngau-athuuna ni tite Pathen lawng a tueng sak poen!

Kolosa 1:15

Khrih tah huh thai nawh Pathen kah huh thai mueisam ni. Ahih tah a Capa camiing la awm tih a sai thaihu boeih lak ah asangluet la awm.

Kolosa 2:9

Metihtiah Khrih thlaanghing pumsa dawngah Pathen kah pumsa asoepbirla awm tih,

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

1Timothy 6:16

Ahih bueng he ni aka duek thai nawh; a-u lawngkhaw a tengah yoeii mare thai nawh aangna khuiah te awm. Ahih te a-u lawngkhaw hu vai nawh; a-u lawngkhaw hu thai manawh. Amah tengah hinyahna oen dungyan ukna aana tah awm hawn seh! Amen.

Hebrew 11:27

Mosi lawng sengpahrang kah thinsana te rih tlaih ohla Iyipt ram a pooeng taak te tah oengna rang oen ni. Huh nawh Pathen te ahih lawng hu nooek ang a ti maila mel koep ham a thana.

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.