Rom 1:17 - Matu Chin New Testament 2006

¹⁷ Pathen lawng thlaanghing he metila thlaangdoeng la a khueh tite Awlthang Theen lawng a tueng sak. “Pathen lawng thlaangdoeng la a khueh thlaang te lawngtah oengna oen hing ai.” tila Caciim lawng a thui angla te doengna tah acuekca veng kalawng aboet toe oengna rang oen ni.

Matu Bible

¹⁷ “Hlang dueng tah tangnah loh a hing sak ni," tila a daek. Te dongah Pathen kah duengnah tah tangnah lamloh tangnah dongah pumphoe coeng.

Rom 1:17 Iomraidhean Croise

Johan 3:36

A-u khaw a Capa te aka tangna boeih tah dungyan hingna a khueh; a-u khaw a Capa awl te aka ngai nawh tah hingna te khueh nawh vetih Pathen thinsana te a sawah poe awm ai.

Rom 10:3

Pathen lawng thlaang he me ang along a-im oen amah oen ah a roep u sak ti he ahimi lawng ming u nawh, amami kah lawngpui te sai ham a yawm u dai, tedawngah Pathen lawng amah oen thlaanghing roepna a sai lawngpui te paang u nawh.

Rom 3:21

Tede, tahe ah Pathen lawng thlaanghing he amah oen haih thlaangdoeng la a khuehna lawngpui tah a tueng sak poen. Te kah doengna te Mosi kah Phungawl oen tawngha thli lawng sausi a deng u de phungawl oen tuhkai u nawh.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

Rom 3:3

Tede Judah thlaang thli khatsut hue lawng uep-awm nawh la a awm atah metila a awm ai? Pathen khaw ahimi tengah uep-awm nawh la awm van ai aw?

Rom 9:30

Tedawngah kaimi lawng ka thui tah Pathen oen roeproei ham aka yawm nawh Gental thlaangphun lawngah oengna rang oen ah Pathen oen roeproei u poen;

2Korin 3:9

Thlaanghing awlcekna avan khuen te te tila ruep-awm tangkiik atah thlawnna akavan khuen bii saina te tah metihtlukla ruep-awm tare ai.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Galati 3:11

Caciim lawng, “Thlaang he oengna oen ah Pathen oen roeproeina aka khueh bueng te ni a hing ai,” a ti dawngah, tahe atah a-u khaw Phungawl vaina rang oen ah Pathen oen roeproeina awm nawh tite aciimla tueng poen.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

Hebrew 10:38

Tede, ka thlaangdoeng thli tah oengna oen hing ai; A-u khaw hu benla aka nawng tah, ahih tengah ka kaw hoe manawh” tila a thui.