Philipi 4:9 - Matu Chin New Testament 2006

⁹ Kai tengkah na cang u tih na dang u te ka awlthui dawngkah khawseh, ka saina dawngkah khaw pahih bokla sai u van. teahtah mami ngaimawngna pekung Pathen te nangmi oen haih awm ai.

Matu Bible

⁹ Te te kai taengah na cang uh tih na dang uh coeng, na yaak uh tih na hmuh uh coeng. Te te saii uh lamtah ngaimongnah Pathen loh nangmih taengah ha om bitni.

Philipi 4:9 Iomraidhean Croise

Mathai 1:23

Hulaa cuem pakhat tah vawn vetih capa a cuun ai, a miing tah Immanu-el a sak u ai” (Immanu-el thuingaihna tah “Pathen mami tengah tengah awm” tina ni.)

Mathai 28:20

Kai lawng awl kan peek boeih te a vaina u ham cang puei uh. Dilai tue aboettoe nangmi oen haih ka awm poe ai,” a tina.

Mathai 7:21

“Bawipa, Bawipa tila ka tengah aka ti thlaang boeih lawng Vaan ram khuiah kuun boeih manawh, tede Vaan ah aka awm a Pa kawngaih aka sai thli bueng lawngah kuun ai.

Luka 6:46

“Kai lawng kavan thui te tah na sai u nawh maiah, n'tu ah nangmi lawng, ‘Bawipa, Bawipa’ nan tina u?

Luka 8:21

Jesuh lawng ahimi boeih nala te, “Pathen awl te a yaak tih aka vai thlaang boeih tah ka manu oen ka manau la awm.” a tina.

Johan 13:17

Tahe tah awltak he na ming u poen, ataktangla aka sai tah metihtlukla a awmngaih ai!

Johan 15:14

Nangmi lawng ka awlpeek he na sai u atah ka paya la na awm u.

Johan 2:5

Tecoeng atah Jesuh kah a manu lawng tuihyoeihthlaang thli nala te, “Ahih lawng a thui boeih te sai uh” a tina.

Caeltueih 9:6

Tede tho langtah khawpui khuila te cet lah, te ah te na sai ham koei te avan thui ai.” a tina.

Rom 15:33

Mami ngaimawngna kungpui Pathen tah nangmi boeih tengah awm hawn seh. Amen.

Rom 16:20

Mami kah ngaimawngna kungpui Pathen lawngah Seitan te nangmi kah khowtang ah a neet yue poen ai. Mami Bawipa Jesuh kah lungvatna tah nangmi tengah awm hawn seh.

1Korin 10:31

Theen ngoen ta, na sai boeih te khaw, na caak na awkk te khaw seh apum boeih la Pathen ruep-awmna ham sai uh.

1Korin 14:33

Metihtiah mami he khawpaw rang-au la awm ham Pathen lawng ngaih nawh, roeproeina oen ding asuek la awm sak ham ni a ngaih.

1Korin 4:16

Tedawngah kai kah khawboe ramlang he na oett u hamla kan ceel u.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

Philipi 3:17

Maya manau thli, ka hingna he nangmi lawng oett u lah. Kai lawng nangmi ham kavan khueh oett koei theenna aka vai thlaang thli te dan u lah.

Philipi 4:7

Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

1Thessalonika 1:6

Nangmi lawng kaimi oen Bawipa kah moeiboe te na oett u, patangraina yahawh hlang na tawng u vengah khaw, Ciim Muithla tengkah aka law awlthang te awmngaih oen na do u.

1Thessalonika 2:14

Maya manau thli, Judia ram kah Pathen khrihcabu boeih oen Khrih Jesuh kah thlaang thli lawng a tawng u te ang van te, Judah thlaangphun lawng ahimi te a heem a tek van angla nangmi khaw namami ram khui thlaang thli kah heemtekna patang te na khang u.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

2Thessalonika 3:4

Bawipa lawng kaimi he nangmi te ueppangna ham m'peek tih kan uepna, kaimi lawng kavan thui te tahe ah na sai u angla hailam ben ah khaw na sai poe u poen ai tila ka tangna.

2Timothy 4:22

Bawipa tah na thinkaw lungbui ah awm seh. Pathen lungvatna nangmi boeih sawah awm seh.

James 1:22

A awl te hutung doek hong mai oen namah oen namah te thai-alat u boel. A awl te ataktangla hawna lah.

2Peter 1:10

Tedawngah maya manau hue, Pathen kah khuena oen tuekna te acakna poe ham tha huer tare uh; te tila tha na huer u atah thawlhna dawngah na tlim u manawh.

1Johan 3:22

Mami lawng amah kah awlpeek te n'vai tih a kawngaih te n'sai dawngah mami lawng amah tengkah m'bih boeih te n'dang u.