Philipi 4:8 - Matu Chin New Testament 2006

⁸ Aboetna ah ka boenhui thli, nangmi lawng na thinkaw te aka theen tih thangpawm koei ataktang thaihu, aphu aka awm thaihu, aka soeng tih aciim thaihu, lungna koei thaihu, hinyah koei thaihu oen be sak uh.

Matu Bible

⁸ A tloihsoi la manuca rhoek aw, a thuem aka om boeih, a hin aka om boeih, aka dueng boeih, aka cuem boeih, lungloeinah koi boeih, thang aka then boeih, khoboethen neh koehnah ham a mai atah he he poek uh.

Philipi 4:8 Iomraidhean Croise

Mathai 22:16

Tecoengah amami kah hubang khatsut hue oen Herod kah thlaang khatsut hue te Jesuh tengla a tuih u tih, ahimi lawng,” Saya, nang lawngtah awl doeng na thui tila ka ming u. Pathen kah kawngaihna a kawng he khaw thlaang lawng metila a poek ti khaw rih ohla na cang puei tih a-u kah mik-hai khaw na bueh nawh.

Marku 6:20

Herod lawngtah Johan te thlaangdoeng oen thlaang ciim ni tila a ming dawngah a rih tih ading apuek cala a khueh. Herod lawng ahih kah awlthui te hutung ham a ngaih. Tede a awlthui te a yaak veng roekk ah awmngaih thai nawh.

Luka 16:15

Jesuh lawng ahimi nala te, “Nangmi lawng thlaangtloe kah mik huh atah thlaangdoeng la na sa u, tede nangmi kah thinkaw lungbui te Pathen lawng a ming. Metihtiah thlaang lawngah phutlo tangkiik la a poek thaihu thli he Pathen mik huh atah a phu awm nawh.

Luka 2:25

Tevengah te Simeon aka miingna thlaang pakhat te Jerusalem ah awm. Ahih tah thlaangdoeng, Pathen aka rih thlaang la awm tih Israel thlaangphun thlawn la a awmna tue te a ring khuep. Ahih te ciim muithla lawng a awm puei tih,

Luka 23:50

Judah peng Arimatia khaaw kah Josep aka miingna thlaang pakhat awm. Ahih tah hinyah koei thlaangdoeng pakhat la awm tih Pathen Ram a lawna tue te a ring.

Johan 7:18

Amah kah saithaina aka thui thlaang tah amah ham ruep-awmna dang ham aka yawm thlaang ni. Tede ahih te aka tuihkung kah ruep-awmna aka tlap thlaang tah boe a ngaai tih ahih dawngah thawlhpalhna khat khaw awm nawh.

Caeltueih 10:22

Ahimi lawng, “Raalbawi Kornilias lawng n'tuih u. Ahih tah Pathen aka bok thlaang theen pakhat la awm tih Judah thlaang boeih lawngah a hinyah tangkiik u. Nang lawng na thui thli te ahih lawng a yaakna hamla Pathen kah vanthlaang pakhat lawng nang te amah im ah ceh puei ham a thui pe.” a tina u.

Caeltueih 22:12

Te khawpui khuiah Ananias aka miingna thlaang pakhat awm, ahih tah bokna ben ah tlungmu tih mami kah Phungawl te a vai, te ah aka awm Judah thlaang boeih lawng a hinyah tangkiik u.

Caeltueih 6:3

Tedawngah maya manau thli, Cuihna oen Ciim Muithla oen ah aka betoet namami timkah thlaang pasarih ah tuek uh, ahimi te he kah thaihu kawng khawkhankung la ka khueh u ai.

Rom 13:13

Hingthun khawse ah aka awm thlaang thli angla mami lawng akoeih avaihla hing u sih, khawpaw rang au la awm u boel, yuuruui buh hah oen awm tlaih u boel, hutaa tawngpa thawlhna, boethe halangna awm boel seh, tawhsina oen uett-eena awm boel seh.

Rom 13:3

Theenna aka sai hue lawngtah ukkung bawi thli he rih hamla awm nawh, tede athe aka sai thli lawng ni rih ham a awm. Nang lawng aana khuehkung thli te rih ohla awm ham na ngaih atah theenna te sai lah, nang te ahih lawng n'koeh ai.

Rom 14:18

He tila Khrih kah bii te aka bi lawngtah Pathen te a awmngaih sak tih thlaang lawngkhaw a koeh.

Rom 2:29

Akhuiben ah Judah thlaang la awm tih thinkaw khuiah yahhuivuen aka reet te ni Judah thlaang tangtang a miingna. Te ngoen tah kut oen thut Phungawl kah bii saina nawh tih Pathen Muithla kah bii bina ni. Te ang thlaang te tah thlaanghing ben kah nawh tih Pathen benkah thangtheenna aka dang thlaang ni.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 13:7

Nangmi lawng thawlhpalhna te na sai nawh ham Pathen tengah ka thangthui u, kaimi lawng noekdakna te ka taa tite tueng sak ham nawh ni, tede kaimi he aka tlim dingri angla ka awm mai cakhaw nangmi lawngtah asoeng thaihu te na saina ham ni.

2Korin 6:8

Kaimi lawng hinyahna khaw ka tawng u tih thekhana khaw ka tawng u; sal-aphaamna khaw ka tawng u tih koehna khaw ka tawng u. Kaimi he thlaangthaipalat la n'ngaai u de awltak ka thui u;

2Korin 8:18

Ahih oen aka awlthang theen thuina bii a bina dawngah khrihcabu boeih lawng a hinyah tangkiik boenhui pakhat te kaimi lawng kavan tuih ai.

2Korin 8:21

Kaimi lawng atah Bawipa kah mik huh bueng ah nawh tih thlaanghing kah mik huh ah khaw aka doeng thaihu te ni sai hamla ka kamthlah u.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 4:25

Tedawngah hoemthui thlaang awm tlaih boel seh! Thlaang boeih lawng aka oeng paya laikoei tengah awltak tang te thui seh; metihtiah mami boeih tah Khrih pum dawngah thik at la aka thuum boeih ni.

Ephesa 5:9

Metihtiah te tila khawsakna lawngtah athaih-apai theenna phun soeprep, doengna phun soeprep oen awltak phun soeprep te a thoeng sak.

Ephesa 6:14

Tedawngah ngaithuen oepsoeh uh, awltak te cihin angla na hingcen dawng-ah acakla na lah, doengna te kahkawng angla daan langtah,

Philipi 3:1

Maya manau thli, awlcuina ah thui ka ngaih tah Bawipa oen pumkhat la awmna dawngah awmngaih u lah. Acuek ah kavan thut tangte te thut koep he n'tu la ka poei sak mai nawh, he tila kavan thut koep he tah nangmi na deemna ham ni.

Kolosa 4:5

Aka oeng nawh thlaang thli tengah cuihna oen tho tat u lang atue theen na khueh boeih te hawna uh.

1Thessalonika 4:12

Te atah aka oeng nawh thlaang thli lawngah n'hinyah u vetih na ngoena boeih ah te thlaangtloe sawah pangtung ham ngoe manawh.

1Timothy 2:2

Mami lawng ading asuekla awmna ham, Pathen hinyahna oen ngaimawngla khaw sak tih khawboe ramlang theenna oen awm thaina ham ah sengpahrang thli oen saithaina aana aka khueh boeih ham thangthui uh.

1Timothy 3:11

A yu thli khaw khawboe ramlang aka theen, thlaang theet awl aka thui nawh, mah oen mah aka uk u thai, soeprep ah thlaangdoeng la aka awm thlaang seh.

1Timothy 3:4

amah imkhuikaw ham atheenla khawkhanna aka sai thai oen a ca anau thli lawng hinyahna oen awl a ngaai pe thlaang seh.

1Timothy 4:12

Roengthaai kum no la na awm dawngah nang te a-u lawngkhaw dapsit la n'hu boel seh; tede na awlthui thingkaa khaw, na khawboe ramlang khaw, lungna, oengna oen ciimcaihna khaw aka oeng thlaang thli ham oett koei la awm seh.

1Timothy 5:10

Thaihu theen saina, ca-anau thli atheenla cawm-acahna, kamyin kam lai lungna, khrihca paya laikoei thli ham bii aka yawm, khawdeng lungma thlaang aka bawm, thaihu theen saina dawngah miing theenna aka dang huhainu te thuum seh.

1Timothy 5:2

kum haam hutaa thli te na nu angla ngaai langtah, kum no hutaa thli te kawpoek ciim oen na ngannu angla ngaai lang voemtoei lah.

Titus 1:8

Ahih tah kamyin aka lungna oen thaihu theen aka ngaih thlaang seh. Ahih tah amah oen amah kuemsuem thai, thlaangdoeng, thlaangciim oen khawboe aka theen thlaang seh.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Titus 2:2

Tawngpa kum haam hue te amah oen amah kuemsuem uh, asoeng oengna dawngah awm uh, lungna oen uehthaina khueh uh, tila te thuituen.

Titus 2:7

Soeprep boeih ah namah roeroe he khawboe ramlang theen ben ah oett koeila awm. Hinyah koei la awm lang na cangpueina dawngah ataktangla awm.

Titus 3:14

Mami kah thlaang thli te bii theen a bi tih angoe taktak dangna ham cang puei uh. Ahimi lawng poei-oepla awm mailai u boel seh.

Hebrew 11:2

Yan vengkah thlaang thli lawng oengna oen ni Pathen kaw a tawng u.

Hebrew 13:18

Kaimi ham thangthui yoeyah uh. Asoeng thaihu te sai hamla ka ngaih yoeyah u dawngah athe atheen pekbona thinkaw ciim te ka khueh u tila ka ming.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 4:8

Atloe boeih lak ah pakhat oen khat thinkaw tak oen lung uh, metihtiah lungna lawngtah thawlhna boeih te a khuk a dah dawngah ni.

2Peter 3:1

Ka lungna ka paya thli, tahe nangmi tengah ca kavan pat he voeihihna capat poen ni. Capat pahih bok dawngah ka ngaihna tah nangmi thinkaw khuiah poekna ciim awm sak hamla ni, tedawngah nangmi tengah he thaihu he kavan thui u.

1Johan 3:18

Ka ca ka nau thli mami kah lungna he tah awlkaa hong mai ohla bii lawh thawhtatna dawngah aka tueng lungna taktak la a awm ham awm.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.