Philipi 4:7 - Matu Chin New Testament 2006

⁷ Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

Matu Bible

⁷ Te vaengah lungbuei boeih lakah aka tanglue Pathen kah ngaimongnah loh nangmih kah thinko neh nangmih kah poeknah te Khrih Jesuh dongah a khoembael bitni.

Philipi 4:7 Iomraidhean Croise

Luka 1:79

duekna thlip yiinna khuiah aka awm thlaang boeih te vaan kalawng avan thue ai, ngaimawngna lawngpui ah mami he m'mawt ai” tila a thui.

Luka 2:14

“Vaan asang koek ah Pathen thangpawm u hawn seh, a lungna thlaang thli a awmna dilai dawngah roepna awm hawn seh,” tila a thui u.

Johan 14:27

Ngaimawngna kavan ceh taak u, te tah kamah kah ngaimawngna te ni kan peek u. Dilai kah peek te ang te kan pe nawh. Ngaihang lakueng oen khawthe boepla awm u boel; rihsakna khaw khueh u boel.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Rom 1:7

Tedawngah Pathen lawng a lungna tih a thlaang la coengg ham a ceel Rom khawpui ah aka awm nangmi boeih tengah he ca he kavan pat. Pathen oen Bawipa Jesuh Khrih kah lungvatna oen ngaimawngna tah nangmi tengah awm hawn seh.

Rom 14:17

Metihtiah Pathen kah Ram tah caak awkk dawng awm nawh tih Ciim Muithla kah peek doengna, ngaimawngna oen awmngaihna dawngah ni a awm.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 5:1

Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Rom 8:6

Pumsa ngaihna ah khawsak phu tah duekna ni. Muithla ngaihna ah khawsak phu tah hingna oen ngaimawngna ni.

2Korin 10:5

Pathen kah cuihna te kanghalhkung la aka awm oekthloenna boeih boeih te ka phe u; thlaanghing kah poekna boeih te tamnaa angla ka tuuk u tih Khrih awl te ka ngaai sak u.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 3:19

Ahih kah lungna te meveng khaw asoepla ming thai koeila awm nawh de, nangmi lawng a lungna te na ming u ngai ai, tedawngah Pathen pumsa soepna boeih oen nangmi na betoet u ham ka thangthui.

Philipi 1:1

Khrih Jesuh kah tuihyoeihthlaang Pawl oen Timote lawng, Khrih Jesuh ah pumkhat la aka awm Filipi khaaw kah Pathen thlaang boeih khrihcabu mawtkung hue oen bawmkung boeih tengah ca kavan pat.

Philipi 1:2

Mami kah Pathen oen Bawipa Jesuh Khrih lawng lungvatna, ngaimawngna te m'pe hawn seh.

Philipi 4:19

Kai kah Pathen lawng amah kah bawilen kuirangna oen nangmi kah ngoena boeih te Khrih Jesuh rang oen ah m'peek ai.

Philipi 4:21

Khrih Jesuh kah a koe la aka awm, Pathen kah thlaang nangmi pakhat rip te kan toei u. He ah he kai oen aka awm haih boenhui hue lawngkhaw nangmi te n'toei u,

Philipi 4:9

Kai tengkah na cang u tih na dang u te ka awlthui dawngkah khawseh, ka saina dawngkah khaw pahih bokla sai u van. teahtah mami ngaimawngna pekung Pathen te nangmi oen haih awm ai.

Kolosa 3:15

Khrih kah peek ngaimawngna tah nangmi lawng awltloekna na saina ah nangmi te lawngpui aka tueng sak ham ni; metihtiah he ngaimawngna khuiah awm haih hamla Pathen lawng pum pakhat dawngah nangmi te n'khue u. Tedawngah awmngaih uh.

2Thessalonika 3:16

Ngaimawngna kungpui Bawipa amah lawngah metuek tue vengah khawseh along a-im phun soeprep oen ah ngaimawngna m'pe hawn seh.

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah:

Olphong 1:4

Johan teng kalawng, Asia ram khuiah aka awm Khrihcabu pasarih tengah: Aka awm lii, aka awm poen tih aka awm poe ham koei Pathen teng kalawng amah ngawlhcoen hai kah Muithla pasarih teng kalawng,

Olphong 2:17

“Yaakna haa aka khueh lawngtah Khrihcabu thli tengah Muithla lawng a thui awl he ya hawn seh! “Taakung la aka awm thli tah thuh elh la aka awm manna takawi te ka peek ai. Ahimi boeih te lungto abawk pakhat ah rip ka peek ai, te dawngkah a thut miing athaai te a-u lawngkhaw thuingaihna ming nawh vetih te lungto aka dang hue bueng lawng ni a ming ai.