Philipi 4:3 - Matu Chin New Testament 2006

³ Tecoengah, uep-awm biibipuei, thli nangmi lawngkhaw, he hutaa rawi he na bawm u hamla ka ngaih; metihtiah Klimen oen atloe biibipuei haih, Pathen kah hingna cabu khuiah a miing aka thuum thli boeih oen awlthang theen a puungna ham kai oen haih tha a huer hih tih bii aka bi rawi ni.

Matu Bible

³ Ue namah khaw kan dawt. Hmantang ah yingyawn lamtah amih te talong pai. Amih loh olthangthen dongah kai taengah m'puei uh coeng. Kalemen neh a tloe rhoek te khaw kamah kah bibipuei rhoek pai ni. Amih kah ming tah hingnah cabu dongah om coeng.

Philipi 4:3 Iomraidhean Croise

Luka 10:20

Tede raaithe thli lawng nangmi awl te a ngaai u dawngah awmngaih u boel; vaan ah nangmi kah miing a thut u dawngah te awmngaih uh.” a tina.

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

Rom 16:12

Bawipa bii aka bi Traifina oen Traifosa khaw kan toei hih tih, Bawipa ham bii yahawh ngaai aka bi ka lungna ka paya Persis khaw kan toei.

Rom 16:9

Khrih kah bii dawngah biibipuei Urbanas oen ka lungna paya Stakhis khaw kan toei hih.

Philipi 1:12

Maya manau thli, ka tengah aka thoeng thaihu he awlthang theen a puungna ham aka bawmcem tangtang la coengg ti he nangmi ming sak ka ngaih.

Philipi 1:16

Ahimi lawngtah lungna oen a thui u, metihtiah awlthang theen paipueina bii he Pathen lawng kai m'peek te a ming u dawngah ni.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 1:5

Metihtiah awlthang theen bii bina ah a tong cuek kalawng tahe toe nangmi lawng nan bawm u dawngah ni.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Philipi 4:2

Eodia oen Sintikhe, reenna kavan bih, Bawipa ah boeinau la na awm hih van angla thinkaw thik-at ham yawm hih.

Kolosa 1:7

Nangmi lawng Epafras teng kalawng Pathen kah lungvatna te na ming u, Ahih tah kaimi lawng ka lungna biibipuei haih kaimi yuengah uep-awm la Khrih kah biibikung ni.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 17:8

Nang lawng na huh satluung te n'cui atah hing de, tahe tah hing tlaih nawh; Ahih tah boetna aka awm nawh ungrawm khui kalawng thoeng hang vetih ngawn la awm ai. Dilai he a suen thlan veng kalawng hingna cabu khuiah miing aka thuum nawh dilai han thlaang thli lawng, n'hu vengah hing de tahe ah aka hing tlaih nawh tih aka hing koep ham koei satluung te a huh u vengah a kawpoek rai u ai.

Olphong 20:12

Tecoengah thlaangduek ayiit abo bawingawlhcoen haiah a pai u te ka huh. Cabu thli te a daih, tecoengah cabu tloe hingna cabu te a daih u. Te cabu dawngah amami kah saina khawboe ramlang a thut pe van angla thlaangduek thli te awl a cek u.

Olphong 20:15

Hingna cabu dawngah a miing a thut nawh thlaang boeih te tah haituilii khuila a voeih u.

Olphong 21:27

Tede, te khawpui khuiah aka ciim nawh tah khatca khaw kuun thai manawh, yarau thaihu aka sai thli oen hoem awl aka thui boeih khaw kuun thai manawh. Tuuca kah hingna cabu khuiah miing aka thuum thli bueng khawpui khuiah kuun thai ai.

Olphong 3:5

Taakung la aka awm hue lawngtah he ang himbai bawk a bai u vetih ka thlaang ni ka tina ai.