Philipi 4:19 - Matu Chin New Testament 2006

¹⁹ Kai kah Pathen lawng amah kah bawilen kuirangna oen nangmi kah ngoena boeih te Khrih Jesuh rang oen ah m'peek ai.

Matu Bible

¹⁹ Tedae ka Pathen loh Khrih Jesuh dongkah thangpomnah neh amah kah khuehtawn tarhing ah na ngoe boeih te han cung sak bitni.

Philipi 4:19 Iomraidhean Croise

Mathai 6:32

He ang thaihu he Pathen aka bok nawh hue kah thoehtham thaihu ni, he ang thaihu na ngoe boeih te vaan kah nangmi na Pa lawng a ming boeih.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Johan 20:27

Tecoengah Tawmas nala te, “Na kutdawn thli te ka kut dawngah khueh langtah ka kut he bueh lah; na kut te yueng langtah ka vee he yutt yam lah. Uepvoet tlaih boel, tangna loeih!” a tina.

Rom 1:8

Dilai pum ah nangmi kah oengna kawng te a yaak boeih u poen dawngah Jesuh Khrih rang oen Pathen tengah lamhacuekla awmngaih ciil ka thui.

Rom 11:33

Pathen tah len kueng tangkiik mah aw! A cuihna oen a mingna tah dung tangkiik mah aw! A awltloekna he a-u lawng a thuicaih thai ai? A thaihu sai along a-im he a-u lawng a yaakming thai lek ai?

Rom 2:4

Tihnawhtah Pathen kah alentloe reenna, khawdawp ngaaina, kawdawna thli te tula khaw na sak u nawh aw? Pathen kah lungvatna te thawlh yutna ham lawngpui nuehkung ni tite ataktangla na ming u.

Rom 8:18

Tahe veng mami kah patang palai khangna he hai benkah mami tengah aka thoeng ham koei ruep-awmna oen ah nuehtah koei nawh ni tila ka poek.

Rom 9:23

Tecoengah amah kah aka soep ruep-awmna te tueng sak a ngaih tih amah kah reenna aka dang mami sawah a ruep-awmna te avan toi, mami he a ruep-awmna dang hamla a roek a bah tangte poen ni.

2Korin 12:21

Nangmi tengla ka law koep vengah te ka Pathen lawng nangmi haiah yaraula n'khueh hau vetih n'hu vengah aka thawlh thlaang thli oen thinkaw ciimcaihna nawh boeih oen amami kah a sai pumsa hue-ngaihna, hutaa tawngpa thawlhna a yut u nawh dawngah te ka rap hau ai tite ka lakueng.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

Ephesa 1:18

Nangmi te me ang ngaiuep sak ham n'khue tih a thlaang thli hamla a kam pe kawpoek rai yotheen kam-awmna te metihtlukla a yahawh tih,

Ephesa 1:7

Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Ephesa 3:16

Nangmi kah akhuiben thinkaw tharana ham amah Muithla rang oen ah a ruep-awm bawilenna dawngkah tharana te nangmi m'peekna ham ka bih tih,

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Philipi 4:7

Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

1Timothy 6:17

He hing khuiah thaihu thaiha khuehtoenna oen aka len muep thli te oekthloen nawh ham van thui peh. Te ang ueptapna aka awm nawh thaihu khuehtoenna dawngah ngaiuepna khueh u boel seh. Tede mami awmngaihna ham haih muehla soeprep pekung Pathen dawngah te ngaiuepna khueh u seh.

Philemon 1:4

Ka manau Filemon, ka thangthui veng roekk ah nang kawng ka thui tih ka Pathen tengah awmngaih ciil ka thui.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.