Philipi 4:14 - Matu Chin New Testament 2006

¹⁴ Tede raina ka tawng vengah nan bawm u he nangmi kah theenna ni.

Matu Bible

¹⁴ Tedae kai kah phacip phabaem dongah na thum uh te a thuem ni na saii uh.

Philipi 4:14 Iomraidhean Croise

Mathai 25:21

A bawi lawng ‘Nang tah, ueppangna koei tuihyoeihthlaang la na awm! Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law langtah ka awmngaihna khuiah kuun van,’ a tina.

Rom 15:27

Te tila awltloekna a khueh u te tah amami kah kawthawh oen ni; tede ataktang atah ahimi lawng-khaw, khawdeng thli bawm ham te a sai koei bii van ni. Judah thlaangphun lawng Muithla ben kah yotheenna te Gental hue tengah arek ara van angla Gental hue lawngkhaw amami kah thaihu thaiha yotheenna a dang te oen Judah thlaangphun te a bawm van ham awm.

Galati 6:6

Khrih kah awlthang aka cang thlaang pakhat lawngah thaihu theen a khueh toen boeih te ahih cangpueikung saya te pe lem seh.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Philipi 4:18

Tecoengah nangmi kah thaihu pat boeih tite kavan thut tih akhoek anoen lak ah yahawh ngaaila navan pat u! Nangmi kah kutdo boeih te Epafroditas lawng avan khuen tih tahe atah ka ngoe boeih te ka khueh poen. Te ang thli boeih te Pathen lawng a ngaih tih a do luciik, Pathen tengah nawn la aka awm riimtuui angla awm.

1Timothy 6:18

Ahimi lawngah atheen thaihu sai ham, bii theen te bina oen kuirang la awmna u ham, moeihoeihla thlaangtloe a do adan thaina u ham van thui peh.

Hebrew 10:33

Nangmi lawng alakvai atah rangpui haiah thekhana oen heemtekna te na tawng u. Alakvai vengah thlaangtloe hue tetih van la thekha heemtekna a tawng u vengah nangmi lawngkhaw thekhana tawng van ham oepsoehla na kamtoen u.

Hebrew 10:34

Nangmi lawng thongtla thli te patang na khang puei tih na khueh thaihu boeih te avan rot u vengah na sung na deuh te awmngaih oen na ueh u. Metihtiah te ang thli lak ah atheen ngaai dungyan thaihu awm tila na ming u dawngah ni.

Hebrew 13:16

Nangmi lawng pakhat oen khat bawmcemna oen atheen sai hamla te hilh u boel, metihtiah he ang he tah Pathen te kaw aka hoe sak thawthuengna ni.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.