Philipi 4:11 - Matu Chin New Testament 2006

¹¹ Nangmi lawng kai he nan ngaai nan laakna tlaih nawh tila ka poek dawngah he tila ka thui moenih, metihtiah kai tah ka khueh duen oen ka ngaai atluepna thai ham ka cang poen dawngah ni.

Matu Bible

¹¹ Ka vawtthoek bangla te khaw ka thui moenih. Kai tah mebang ka tong vaengah khaw ngaikhuek la om ham ka cang coeng.

Philipi 4:11 Iomraidhean Croise

Luka 3:14

Raalkap khatsut lawngah khaw, “Kaimi ta, n'tu ka sai u ai?” tila ahih te a doet u. Ahih lawngah, “A-u tengkah khaw tangka te rot boel, a-u khaw asoeng nawh la ngah ngah thawlh peel boel. Namami kah thapang oen na ngaai tluep sak uh.” a tina.

2Korin 11:27

Thatlawh thaboepla bii sai ham koei awm, ih mueh ih naai la ka awm taitu; buhpawng tuihalh la ka awm poepa; kuepyingna im khueh mueh la, caak awkk khoeknoen khaw khueh ohla, nakbai khaw khueh ohla ka awm poepa.

2Korin 6:10

Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

2Korin 8:9

nangmi lawng mami Bawipa Jesuh Khrih kah lungvatna te na ming u; ahih tah bawi soeh mai de nangmi kah theenna ham khawdeng thlaang la coengg, he tila khawdeng la a awmna oen ah nangmi te kuirang thlaanglen la coengg sak ham a ngaih dawngah ni.

2Korin 9:8

Tecoengah Pathen lawngtah na ngoena lak ah athloeila m'peek thai tih namami ham na ngoe boeih te na khueh na toen yoeyah vetih thaihu theen na saina boeih dawngah akhoek anoen lak ah a thloeila na dang ai.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

Hebrew 10:34

Nangmi lawng thongtla thli te patang na khang puei tih na khueh thaihu boeih te avan rot u vengah na sung na deuh te awmngaih oen na ueh u. Metihtiah te ang thli lak ah atheen ngaai dungyan thaihu awm tila na ming u dawngah ni.