Philipi 3:8 - Matu Chin New Testament 2006

⁸ Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

Matu Bible

⁸ Te lakah ka Boeipa Jesuh Khrih mingnah tanglue kongah a cungkuem te sungdaehnah la om ham ni ka poek bal. Amah ham ka ti ah a cungkuem te ka hlong. Tedae te te aek bangla ka poek daengah ni Khrih te ka dang vetih amah dongah m'hmuh eh.

Philipi 3:8 Iomraidhean Croise

Luka 1:43

He ang aka lentloe thaihu he n'tu kawngah ka teng avan pha tih ka Bawipa kah a manu he ka tengla a yingyawi kai?

Luka 11:20

Tetih nawh ni, kai lawngah Pathen kah huham tharana oen raaithe ka hek tih, te lawngah te Pathen Ram nangmi teng avan pha poen tite a tueng sak.

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 14:7

Tahe ah kai he nan ming u poen, nangmi lawng a Pa te khaw na ming u; tahe veng kalawng ah nangmi lawng ahih te na ming u poen tih na huh u poen” a tina.

Johan 16:3

Ahimi lawngah kai he khaw, a Pa khaw a ming u nawh dawngah he ang thli he nangmi sawah a sai u ai.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 17:8

Nang lawng nan peek awl te ahimi ka peek tih ahimi lawng a do u; kai he nang teng kalawng ka law ti he soeng tangtang tila a ming u tih kai he nang lawng nan tuih ni tila a tangna u.

Johan 20:13

Ahih rawi lawngah, “Hutaa nang, n'tu ah na rah khiing?” a tina hih. Ahih lawngah, “Ka Bawipa he a khuen u poen, mela nuem a khueh u ka ming nawh he!” a tina.

Johan 20:28

Tawmas lawng, “Ka Bawipa oen ka Pathen” a tina.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Rom 8:18

Tahe veng mami kah patang palai khangna he hai benkah mami tengah aka thoeng ham koei ruep-awmna oen ah nuehtah koei nawh ni tila ka poek.

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

1Korin 2:2

Metihtiah nangmi oen n'awm haih u vengah te awlpuila thinglam dawngah Jesuh Khrih kah a duekna kawng nawh atah soeprep boeih te hilh bangtlang tih thui tlaih nawh ham thinkaw ka melh rap poen.

1Korin 9:10

Te tila a thui te kaimi he thuingaihna tang tang nawh aw? Kaimi ham ni a thut. Laithawl aka sai thlaang oen caang aka aat thlaang lawngah a huh ham tuueng caangthaih te a ngaiuep tih a bi u.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Galati 1:16

Gental thlaangphun tengah amah kawng Awlthang Theen phawng hamla amah capa te kai tengah avan tueng sak vengah te a-u tengah khaw poekna bih ham ka cet nawh.

Ephesa 4:13

Tedawngah mami boeih lawng oengna dawngah khaw, Pathen capa mingna dawngah khaw pakhatla te avan-at la ng'awm u ai; mami lawng poekna aka soep thlaang la ng'awm vetih Khrih kah asoepna tangtang asang koek te m'pha van ai.

Philipi 1:1

Khrih Jesuh kah tuihyoeihthlaang Pawl oen Timote lawng, Khrih Jesuh ah pumkhat la aka awm Filipi khaaw kah Pathen thlaang boeih khrihcabu mawtkung hue oen bawmkung boeih tengah ca kavan pat.

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.

Philipi 3:12

He ang thli dawngah he taana ka khueh poen, thlaangsoep la ka awm poen tina nawh ni. Khrih Jesuh lawng amah hamla kai he n'tuuk khak poen tih kai hamla avan khueh kutdo te dang hamla tha ka huer.

Philipi 3:7

Tede he thaihu boeih he kai ham thaawnna ni tila ka poek koei te tahe tah sungna ni tila Khrih rang oen ah ka poek poen.

2Timothy 4:6

Kai ham tah ka hingna he luciik la thawthueng ham atue apha poen; he dilai hingna he ceh taak ham tahe ah atue khoek poen.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

1Peter 2:7

He Lunghiim he aka tangna mami ham tah phutlo tangkiik la awm, tede aka tangna nawh thlaang thli ham tah; “Imsakung hue lawng aphu aka awm nawh angla a hoett u lunghiim tah, te thli boeih lak ah awlpui koek lunghiim la awm poen.” tila a thui.

2Peter 1:2

Pathen oen mami kah Bawipa Jesuh te na mingna rang oen ah lungvatna oen ngaimawngna tah asoepla nangmi tengah awm hawn seh.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

2Peter 1:8

He thli he nangmi lawng na ngoe thaihu ni, he ang he yahawh ngaai na khueh u atah mami kah Bawipa Jesuh Khrih na mingna dawngah tha avan thlue sak vetih theenna avan thoeng sak ai.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.