Philipi 3:6 - Matu Chin New Testament 2006

⁶ Kai tah ka tha thlue akcak tih khrihcabu te ka heem ka tek. Phungawl dawngkah awlpeek thli te vaina rang oen thlaangdoeng la awmna ben ah kai tah thawlhna roe awm nawh.

Matu Bible

⁶ Kohlopnah neh hlangboel te ka hnaemtaek. Olkhueng dongkah duengnah neh cuemthuek la ka om.

Philipi 3:6 Iomraidhean Croise

Mathai 23:25

“Phungawl cangpueikung oen Farasi hue, nangmi ham khawmap tangkiik. Nangmi thlaangthaipalat hue! Nangmi lawng boengloeng oen beel te asaw ahan tah na silh u tih akhui tah athe thaihu, mah kawngaih saina oen betoet.

Mathai 5:20

Tecoengah kavan thui u, Pathen kawngaih saina dawngah phungawl cangpueikung thli oen Farasi thli lak ah uep-awm ngaai la na awm u nawh atah Vaan ram khuiah na kuun thai manawh.

Luka 1:6

Ahih rawi tah Pathen mik huh ah thlaangdoeng la bok awm hih tih Bawipa kah phungawl oen awlpeek boeih te asoepcala a vai hih.

Caeltueih 21:20

Ahih awl te a hutung u coeng atah ahimi boeih lawng Pathen te a thangpawm u. Tecoengah ahimi lawng, “Maya Pawl, Judah thlaangphun toeklek nawh oengca la awm u poen tih ahimi lawng Phungawl a thintlawhna mangkhak te na ming poen.

Caeltueih 22:5

Kai lawng awltak ka thui tite Khawsoeih Bawi oen awlcekna Khonsil ah aka thuum boeih aka mingkung sausi la awm. Ahimi lawngah Damaskas khaw kah Judah thlaang thli tengah a thut pe u ca te khaw kai lawng ka lawh, tecoeng atah te kah thlaang thli te tuuk hamla, ahimi te thiirui oen khih tih dan tat ham Jerusalem la koep van khuen hamla te ka cet.” a tina.

Caeltueih 26:5

Ahimi lawng kai he asan hlang m'ming u poen, acuekca veng kalawng kai tah kamami kah bokna ben ah arai koek Farasi thlaang pakhat la ka awm te a ngaih u atah a thui u thai.

Caeltueih 8:3

Tede Sawl lawngtah khrihcabu te phe ham a yawm; im pakhat coeng pakhat ah cet tih oengca thli te hutaa khaw, tawngpa khaw akhup athalla a mawt tih ahimi te thongim ah a thlaak.

Rom 7:9

Kai kamah roe he n'cui vengah Phungawl ohla khaw ka sak, tede awlpeek te a law vengah tah thawlhna lawng hing tih kai tah ka duek.

1Korin 10:32

Judah thlaang khaw, Gental thlaang khaw, Pathen Khrihcabu khaw, awlpuung kaacaan thuitheetna a awmna nawh ham te tila te na khawsakna te awm sak uh.

1Korin 15:9

Metihtiah celtuih boeih khuiah kai tah cawmthawk nawh koek la ka awm, kai lawng Pathen khrihcabu te ka heem ka tek dawngah celtuih ti ham pateng ka koeih nawh.

Philipi 2:15

te tila te he dilai dawngah aka awm thlaangthe thli oen thlaangthawlh thli lakli ah Pathen kah thlaangsoep ca anau angla thawlhna aka awm nawh, aciim acaih thlaang la nangmi tah na awm u ai, hingna awl te ahimi na peek vengah te ahimi tim ah vaan ah aka vaang aisi angla aang u lah.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

1Timothy 1:13

N'cui vengah ahih te kai lawng athela ka thui, ka heem ka tek tih thekha la ka sai, kai lawng oengna ka khueh nawh dawngah n'tu ka sai ti khaw ka ming nawh, tede Pathen lawngtah kai he n'reen.