Philipi 3:3 - Matu Chin New Testament 2006

³ Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

Matu Bible

³ Mamih tah yahvinrhetnah neh n'om uh. Pathen kah Mueihla neh tho aka thueng uh tih Khrih Jesuh ah aka pomsang uh neh pumsa ah aka pangtung pawt rhoek ni.

Philipi 3:3 Iomraidhean Croise

Rom 1:9

A Capa kawng Awlthang Theen te ka thinkaw lungbui boeih oen ka thui tih a bii ka bi he soeng tila Pathen tah kai kah sausi la awm. Ka thangthui roekk ah nangmi kan poek yoeyah te Pathen lawng a ming.

Rom 15:17

Tedawngah Khrih Jesuh oen pumkhat-la awmna rang oen Pathen bii ka bi he ka pawmsang u.

Rom 7:6

Tede tahe tah Phungawl kah piinna thong khuiah te n'duek u poen dawngah Phungawl dawng kalawng n'loeih u poen. Tahe atah ca oen a thut phungawl lawngpui ruem ah bii m'bi u tlaih nawh tih Muithla ben kah lawngpui thaai ah ni bii m'bi u poen.

Rom 8:15

Metihtiah Pathen lawng m'peek u Muithla tah nangmi te sal la coengg sak ham oen ah birih ngaihuet sak ham nawh tih; te Muithla lawngtah nangmi te Pathen kah ca-anau la sai ham ni. Te Muithla kah tharana rang oen Pathen te, “A Pa! a Pa!” tila n'khue thai.

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

Rom 9:6

Israel thlaang thli he apumboeihla Pathen thlaangtuek la a awm aih nawh dawngah Pathen awlkam tah apoei-oep poen ni tila ka thui ngaihna nawh ni. Metihtiah Israel thlaang boeih he khaw Pathen kah thlaang boeih aih nawh ni.

2Korin 11:18

Tede thlaanghing kah akawng-alam mailai dawngah te thlaang yahawh lawng a oekthloen u dawngah kai khaw te tila ka oekthloen u van lah ai.

Galati 5:25

Muithla lawngah mami he hingna n'peek poen; ahih lawng mami kah hingna he khaw a mawt ham awm.

Galati 6:16

Amami kah hingna dawngah he phung-alam aka vai thlaang thli tengah ngaimawngna oen reenna te awm hawn seh, Pathen thlaang thli boeih tengah khaw awm seh.

Ephesa 6:18

He ang boeih he thangthuina oen sai u lang Pathen kah bawmcemna te bih uh. Muithla kah mawtna angla me ang atue atang vengah khaw thangthui uh. Tedawngah ahuertuela awm uh, thathepakla awm u boel; Pathen thlaang boeih ham thangthui yoeyah uh.

Philipi 1:1

Khrih Jesuh kah tuihyoeihthlaang Pawl oen Timote lawng, Khrih Jesuh ah pumkhat la aka awm Filipi khaaw kah Pathen thlaang boeih khrihcabu mawtkung hue oen bawmkung boeih tengah ca kavan pat.

Philipi 3:12

He ang thli dawngah he taana ka khueh poen, thlaangsoep la ka awm poen tina nawh ni. Khrih Jesuh lawng amah hamla kai he n'tuuk khak poen tih kai hamla avan khueh kutdo te dang hamla tha ka huer.

Philipi 3:14

Tedawngah kutdo dang hamla lansak benla te adoengla poe ka heng, te kutdo tah sawben hingna ah Khrih Jesuh rang oen Pathen kah khuena te ni.

Kolosa 2:11

Khrih oen pumkhatla awmna dawngah nangmi lawng yahhuivuen-reetna u, thlaanghing kah sai yahhuivuen na reet u nawh tih Khrih kah sai yahhuivuen-reetna oen ni. Te tah he pumsa kah thawlh tharana kalawng loeihna te ni.

Jude 1:20

Tede ka paya thli, nangmi tah namami kah aciim oengna dawngah namami oen namami tawm athap patoeng uh. Aciim Muithla tharana oen thangthui uh.