Philipi 3:2 - Matu Chin New Testament 2006

² Athe thaihu aka sai thli, pumsa yahhuivuen reetna aka thui mangkhak thlaang thli ui hue te ngaithuen uh.

Matu Bible

² Ui rhoek te dawn uh, bibikung thae rhoek te dawn uh, maehsah rhoek te dawn uh.

Philipi 3:2 Iomraidhean Croise

Mathai 24:10

Tevengah thlaang broe lawng a oengna te a hoett u ai. Ahimi lawng pakhat oen pakhat sawah paipi a thleep u vetih pakhat oen pakhat thi u patoeng ai.

Mathai 7:15

“Tawngha rawlrap hue te ngaithuen uh; Ahimi lawngah nangmi tengla te ahan huhna atah tuu angla law u vetih a thinkaw khui atah metaang tluung angla awm u ai.

Mathai 7:6

“Aciim thaihu te ui pe boel. Te thli lawng va meel vetkat vetih namah te ng'ngeh ai. Awk haiah latha te tloeng pe boel. A khow oen ni a caawt mailai poen ai.

Rom 2:28

Ataktang atah a-u nuem Judah thlaang taktak tih yahhuivuen aka reet tangtang? Ahan atah Judah thlaang la awm tih yahhuivuen reetna te pumsa ah sai la a awm atah Judah thlaang tangtang nawh ni.

2Korin 11:13

Te ang thlaang thli te celtuih tangtang nawh ni, ahimi tah celtuih rawlrap thli ni, amami kah biibina kawngah hoem a thui u tih Khrih kah celtuih tangtang angla aka sa u mai ni.

Galati 5:13

Maya manau thli, nangmi te loeih sak hamla ni n'khue u. Tede, te loeihna te namami kah pumsa hue-ngaihna a dipna ham hawna u boel. Te lak atah lungna oen ah nangmi khat oen khat bawmcem uh.

Galati 5:15

Tede nangmi lawngah ramsa aka sann angla na awm u tih khat oen khat te na ngeet u tih na khoelh u atah, an noek mai lah, namami oen namami te na phe u kang poen ai.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Philipi 3:19

Ahimi tah hell ah a lawngpui boet ai, metihtiah ahimi kah pathen tah amami kah pumsa ngaihna te ni. Ahimi lawngah yahna koei thaihu dawngah te oekthloen u tih dilai thaihu koeva thli bueng he a poek u.

Philipi 3:3

Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

1Timothy 1:19

Thlaang khatsut lawng athetheen mingna kawpoek te n'tu la sak u nawh tih amami kah a oengna te a phe u.

Titus 1:16

Amami lawngtah Pathen ka ming ti u de a saina oen a hoett u, thaihu theen khat khaw sai ham aka koeih tlaih nawh thlaang thli poen ni.

2Peter 2:22

“Ui lawngah a lawkk a caak koep” tina awl oen “Awk lawngah tui thluk coengah nawng a nelh koep” tila a thui tatuk-awl soeng tangtang ti he ahimi lawng a tueng sak.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.

Olphong 3:9

Hutung lah! Judah thlaang la ka awm ti u tih Judah thlaang tak nawh hoem thui hue te tah Seitan kah thlaang thli te nangmi haiah kavan law sak vetih na khow kungah ka buekuep sak ai. Nang kan lungna te ahimi boeih lawng a ming ai.