Philipi 3:19 - Matu Chin New Testament 2006

¹⁹ Ahimi tah hell ah a lawngpui boet ai, metihtiah ahimi kah pathen tah amami kah pumsa ngaihna te ni. Ahimi lawngah yahna koei thaihu dawngah te oekthloen u tih dilai thaihu koeva thli bueng he a poek u.

Matu Bible

¹⁹ Amih kah a bawtnah tah pocinah ni. Amih kah pathen tah bungpuei la poeh tih thangpomnah tah amih kah yahkoi dongah a om pah. Te rhoek loh diklai koe te a poek uh.

Philipi 3:19 Iomraidhean Croise

Mathai 16:23

Jesuh lawng Piter te a mang thil ket tih, “Seitan! Ka teng kalawng cet lah, na poekna he Pathen teng kah law nawh tih thlaanghing ben kalawng a law dawngah, ka cehna lawngpui kanghalhkung la na awm,” a tina.

Mathai 25:41

“Tecoengah Sengpahrang lawng a banvoei benkah aka awm hue tengah ‘Nangmi Pathen lawng a kawsina’ thlaang thli ka teng kalawng atloela cet uh. Seitan oen a hubang hue ham aroek abah pe sut dungyan haialh khuila cet uh.

Luka 12:19

Tecoengah kamah oen kamah te nang yotheen kam-awm thlaang! Kum san hlang ham na ngoe thaihu theen boeih te na khueh poen! Thayoeidoh la awm lah, Ca langtah aw lah, ngaimawng ngaitoe la awm lah, ka ti ai’ ti.

Luka 16:19

Voei khat tah kuirang thlaang pakhat awm tih hinaak himbai phutlo oen thoekcau u tih hin roekk ah awmtheen a boenn.

Luka 18:4

Awlcekbawi lawng a thana khiing de aboet lam atah, ‘Kai lawng Pathen Pateng ka rih nawh tih thlaang khaw ka hinyah nawh,

Rom 16:18

Metihtiah te ang thaihu aka sai hue te tah mami Bawipa Khrih kah bii aka bi nawh ni, amami kawngaih ni a sai u. Ahimi lawngah awlding awltheen oen koehna awl oen ah tu khaw aka ming nawh thlaang-thli te athai alatna u.

Rom 6:21

Tahe ah nangmi lawng na yah puei thaihu na sai u te hoeikhangna awm aw? Te thaihu thli kah aphu tah duekna ni!

1Korin 3:3

metihtiah nangmi tah tahe toe he dilai thlaang thli angla ni khaw na sak u hun. Nangmi tim ah uett-eena awm tih khat oen khat na tawh na thaam u vengah te nangmi tah dilai thlaang la na awm u tih dilai phung la khaw na sak u tite tueng sak nawh aw?

1Korin 5:2

Tedawngah metila nangmi na oekk u thai dai lauh mai? Tetih ohla nangmi tah na kaw the u vetih te ang thaihu aka sai thlaang thli te namami kah bu khui kalawng na hek u ham awm de ta.

1Korin 5:6

Nangmi lawngah na oekthloen u ham awm roe nawh! Nangmi lawngah, “Tawlru yoehca lawng ta-ekk hawl at te a rawi sak.” a ti awl te na ming u.

2Korin 11:12

“Celtuih” la ka awm u van aka ti hue lawngah te, ahimi kah a bi angla kaimi lawngkhaw ka bi thai van tila a oekthloenna thai nawh hamla tahe kah ka sai he poe ka sai ai.

2Korin 11:15

tedawngah ahih kah tuihyoeihthlaang thli lawngah doengna biibikung angla a sa u te kawpoek rai ham awm nawh. Aboetna atah ahimi lawngah amami kah saina angla ating atawk te a dang u ngaai ai.

Galati 6:13

Yahhuivuen aka reet thlaang thli lawng pateng khaw Phungawl te vai u nawh; ahimi lawngah yahhuivuen reet sak ham a ngaih u te tah, nangmi lawngah pumsa dawngah noekna a ngaih u tite ahimi lawng oekthloenna thaai ham mai ni.

Philipi 2:21

Tlaang tloe hue tah amami kah bii bueng te a khuituuk u, Jesuh Khrih kah bii te bi u nawh.

Kolosa 3:2

He dilai sawkah thaihu dawngah thinkaw khueh ohla vaan ah aka awm thaihu dawngah na thinkaw te arapcatla khueh uh.

2Thessalonika 1:9

Ahimi lawng dungyan rawkna, dantat patangna te a khang u ai, Bawipa lawng amah kah thlaang boeih teng kah ruep-awmna oen ah amah aka oeng thlaang boeih tengkah hinyahna te dang ham,

2Thessalonika 2:12

Awltak aka tangna nawh tih thawlhna dawngah awmtheen aka boenn thlaang boeih tah awlcekna te a dang ai.

2Thessalonika 2:8

Tecoengah Thlaangthe Pui te phumpho ai, Tede Bawipa Jesuh a law vengah a kaa khuikah a hill oen Thlaangthe Pui te a ngawn vetih amah kah ruep-awm aangna oen a phe ai.

1Timothy 6:5

he tila aka awm thli tah kawpoek soeng tlaih nawh tih awltak te aka khueh tlaih nawh thlaang poen ni. Ahimi lawngah bokna he kuirang la coenggna lawngpui la a poek u.

2Timothy 3:4

ahimi tah awl aka cak nawh thlaang, maru-marat thintoi thlaang, kawpoek sang oen aka hoell u thlaang la awm u vetih; Pathen te lungna lak ah awmtheen awmyaal boenn-atlaak te a lungna ngaai ai,

James 4:16

Tede tahe ah nangmi lawngtah na hal-auh u tih na oekk na thloen u; he ang oekthloenna boeih te tah aka soeng nawh ni.

2Peter 2:1

Yan veng Israel thlaang thli tim ah asoeng nawh tawngha thli pho. Tetih van angla nangmi tim ah asoeng nawh cangpueikung thli va thoeng ai. Ahimi lawng thlaang thek-yakna asoeng nawh oengnakungpui te avan khuen u vetih ahimi aka tlangkung Manghai Bawi te a hoett u ai, te tila amami sawah kawlkalhca ah rawkna te a pha sak ai.

2Peter 2:13

Ahimi lawng thlaangtloe sawah raina a thoeng sak angla amami sawah raina oen a thung pe van ai. Ahimi ham tah nawmna ti he hingthuntaang ah pumsa kah hue-ngaihna soeprep sai he ni. Amami kah thailatna lawngpui ah te awmtheen u tih nangmi oen buh a veel haih u vengah khaw, haithelatt oen yarau aka thoeng sak la awm u.

2Peter 2:3

Aka soeng nawh cangpueikung hue lawngtah amami kah apueh ngaih soeh te dang ham a ngaih u dawngah a suen coplap ciil te nangmi tengah avan thui ai. Aruem veng kalawng tahe toe ahimi Awlcekna te awm oepsoeh poen tih ahimi aka Phekung tah huertuela hak!

Jude 1:10

Tede he kah thlaang thli lawngtah amami kah yaakming nawh pakhat khat te the a phoei thil u; ramsa angla amami kah thang puei cuihna oen a ming u thaihu thli lawngah ahimi te a phe u poen.

Jude 1:16

He thlaang thli lawng caitoek khuep u tih thlaangtloe te a theet u; amami kah athe kawngaih te a vai u; amami oen amami te pawmsang u tih amami ngaihna dang ham tah thlaangtloe te thluethlue a koeh u.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 18:7

Amah oen amah thangpawm u tih a awmtheenna taring ah patang raina oen kopaangna te pe u van. Metihtiah a kaw dang oen ah, ‘Sengpahrang bawinu la ka ngawl, Kai tah huhainu nawh ni Kawthena mevengah khaw ka ming roe manawh,’ ti.

Olphong 19:20

Satluung oen ah ahih kah haiah kawpoekraina aka sai tawngha rawlrap te a tuuk haih tih thong ah a thlaak u. (Te kah tawngha rawlrap tah satluung miknoekna aka khueh thli oen satluung kah kutsaimuei aka bok thli te kawpoekrai saina oen aka thailatnakung te ni) Satluung oen tawngha rawlrap te pahih bokla kat hai-alh khuiah a hing sailapla a dawng.

Olphong 21:8

Tede riyawp thlaang thli, paipi aka thleep thlaang thli, tuiilehkap thinkaw aka khueh thli, Thlaang aka ngawn thli, thlaanghalh paadak thli, Caamna oen mu-uih caakna aka hawna thli, kutsaimuei aka bok thli oen ah hoem awl aka thui boeih hamla ahuen amawl te tah kat hai-alh te ni, te tah apabe duekna ni,” tila a thui.

Olphong 22:15

Te cakhaw cet thawlh lawnghang thli, caam oen mu-uih caakna aka hawna thli, hutaa tawngpa thawlhna aka sai thli, thlaang aka ngawn thli, kutsaimuei aka bok thli, saina oen khawseh, hoem awl thui oen khawseh thlaangthaipalat thli tah khawpui adauben ah awm u ai.