Philipi 3:15 - Matu Chin New Testament 2006

¹⁵ Mami boeih muithla ben ah kawpoek soep la aka awm lawngtah he ang kawpoek he khueh roe hamla awm, tede nangmi timkah thlaang khatsut lawng poekna tloe na khueh u atah te poekna te Pathen lawng nangmi tengah aciimphanla avan tueng sak ai.

Matu Bible

¹⁵ Te dongah lungcuei rhoek boeih long tah he tlam he poek uh sih. Pakhat khaw a hlinghlang la na poek uh koinih, te pataeng Pathen loh nangmih taengah a pumphoe sak ni.

Philipi 3:15 Iomraidhean Croise

Mathai 5:48

Vaan kah na Pa a soep van angla nangmi khaw na soep u van ham awm.”

Luka 11:13

Thlaangthe la na awm u de ta, na ca thli te thaihu theen peek ham na ming u. Te atah vaan ah aka awm Pa lawng atah Ciim Muithla te aka bih boeih tengah a peek tare ai ta!” a tina.

Johan 6:45

Tawngha thli lawng, “Thlaang boeih te Pathen lawng a cang puei ai” tila a thut. A-u khaw Pa awl te a yaak tih aka cang tah ka tengla law u.

Johan 7:17

A-u khaw Pathen kawngaih te sai ham aka ngaih lawngtah kan cang puei u he Pathen tengah aka law aw, tihnawhtah kamah kah saithaina aana oen ka thui aw ti he a ming ai.

Rom 15:1

Mami oengna tha aka ra hue lawngah amami kah thalrih phueih ham tha aka yoek thli te talawng takai ham awm. Mami lawng mah bueng kah ngaikhuekna te sai ham awm nawh.

1Korin 14:20

Maya manau thli, kawpoekna dawngah camaw angla awm u boel; the-arana nawh ben atah camaw la awm uh, kawpoekna ben atah poekna aka soep lungcuih thlaang la awm uh.

1Korin 2:6

Te cakhaw muithla ben ah poekna aka soep thlaang thli teng atah cuihna awl te ka thui pe. Tede te awl te tah he dilai dawngkah cuihna nawh ni, he dilai ukkung thli kah aka khum tharana te nawh ni.

Galati 5:10

Tede nangmi kawngah te tahetoe ka ngaitluep hun. Mami kah hingna Bawipa oen pumkhatla awmna lawngah he nangmi te poekna tloe n'khueh sak tang manawh tila ka ngai a tluep sak tih a-u khawseh nangmi te khup pletla aka sai te tah Pathen lawng dan a tat ai.

Ephesa 1:17

mami Bawipa Jesuh Khrih kah Pathen, mami kah ruep-awm m'Pa tengah nangmi te Muithla m'peekna hamla ka bih poepa, te Muithla lawngtah nangmi te n'cuih sak vetih Pathen te nangmi tengah avan tueng sak ai, te atah Pathen te na ming u ai.

Kolosa 1:28

Tedawngah kaimi lawng thlaang boeih tengah Khrih kawng he ka thui u. Thlaang boeih lawng Khrih oen pumkhatla awmna ah pakhat rip te thlaangsoep la Pathen haiah pha puei ham cuihna boeih oen ngaithuenna ka peek u tih ka cang puei u.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

1Thessalonika 4:9

Nangmi lawng aka oeng na paya laikoei thli lungna ham a kawng te capat kavan thut ham ngoe nawh. Nangmi khat oen khat lung u ham Pathen lawng namami te n'cang puei u poen.

2Timothy 3:17

te ah ni Pathen bii aka bi thlaang lawngah thoemthaina soep vetih thaihu theen phun soeprep sai hamla phawlip te asoepcala a khueh ai.

Hebrew 5:14

Buh aka haam te tah kum haam thlaangsoep ham ni; ahimi lawngtah tuukkiik u tih athe atheen te a pek abo thai.

1Johan 2:5

Tede, a-u khaw a awl te a vai atah Pathen kah lungna oen ahih te soep tangtang poen. Pathen oen mami pumkhatla ng'awm tite mingna tah he tila ni,