Philipi 3:14 - Matu Chin New Testament 2006

¹⁴ Tedawngah kutdo dang hamla lansak benla te adoengla poe ka heng, te kutdo tah sawben hingna ah Khrih Jesuh rang oen Pathen kah khuena te ni.

Matu Bible

¹⁴ Khrih Jesuh dongah Pathen kah khuenah, soben kah kutdoe ham ni paelkinah te ka hnuktlak.

Philipi 3:14 Iomraidhean Croise

Luka 16:16

Mosi kah Phungawl oen tawngha thli kah cathut te tah Baptisma pekung Johan dung toe ah ni a cak; tecoeng kalawng tah Pathen Ram kawng Awlthang Theen te a phawng u tih thlaang boeih lawng toklekla kuun u.

Rom 11:29

Pathen lawngtah a tuek thlaang thli oen yotheen kam-awm a peek thlaang thli kawngah a kawpoek thloet nawh.

1Korin 9:24

Loehlang heengna poei ah thlaang yahawh lawngah loeh u de pakhat lawng ni kutdo a dang tite na ming u. Tedawngah kutdo huh hamla heeng u lah.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

Philipi 3:3

Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

Kolosa 2:18

Huhthlaam sangthloei ka huh ti u tih thlaangtloe lak ah asangla aka ngaai u thlaang thli, asoeng nawh komyomna, m'mah kah pum he phep hamla awm aka ti thlaang thli a-u lawngkhaw nangmi te n'sal'phaam boel seh. Te ang thlaang thli tah thuingaihna tangtang aka awm nawh thlaanghing poekna angla a poek te oen ah oekthloen u.

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

Hebrew 6:1

Tedawngah haila cawh u sih, lamhacuek kah khrihca kawng cangna te ceh taak u poen silang tah aka soep cangna ben la te cawh u sih. Aphu aka awm nawh bii ceh taak tangte te khaw, Pathen oengna te khaw, akung kalawng tong koep tlaih boel sih;

1Peter 1:13

Tedawngah bii bi hamla na thinkaw te roekbah oepsoeh uh. Ahuertuela awm u lang, Jesuh Khrih a tueng vengah na dang ham koei lungvatna kutdo dawngah na ngaiuepna te khueh uh.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.