Philipi 3:12 - Matu Chin New Testament 2006

¹² He ang thli dawngah he taana ka khueh poen, thlaangsoep la ka awm poen tina nawh ni. Khrih Jesuh lawng amah hamla kai he n'tuuk khak poen tih kai hamla avan khueh kutdo te dang hamla tha ka huer.

Matu Bible

¹² Ka dang tangtae tih ka rhuemtuet tangtae ngawn moenih. Tedae ka hnuktlak van atah ka pom van ni. Te ham te Khrih Jesuh rhangneh ka pom van coeng.

Philipi 3:12 Iomraidhean Croise

Mathai 5:48

Vaan kah na Pa a soep van angla nangmi khaw na soep u van ham awm.”

Caeltueih 9:15

Bawipa lawng ahih nala te, “Cet mai hawn, metihtiah kamah kah bii aka bi hamla, Gental thlaang thli, sengpahrang thli oen Israel thlaang thli tengah ka miing aka tueng sak ham ahih te ka tuek poen.

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

1Korin 13:10

tede asoepbirna te avan pha veng atah avaang athal la aka awm boeih he tah ha-ata boeih ai.

1Korin 13:12

Tahe ah mami lawng thaihu n'huh u he tah thlalang dawngah arui araila muei ame aka tueng angla ni a awm; vuenvai ah ngoen tah haitang heet la n'hu poen ai. Tahe ah kai lawng ka ming he avaang athal mai ni; Pathen lawng kai m'mingna he asoepbir van angla vuenvai ah ngoen tah asoepcala ka ming van ai.

1Korin 9:24

Loehlang heengna poei ah thlaang yahawh lawngah loeh u de pakhat lawng ni kutdo a dang tite na ming u. Tedawngah kutdo huh hamla heeng u lah.

2Korin 13:9

Kaimi ka tha a yoek u vengah nangmi tah na tha a ra u dawngah ka awmngaih. Tedawngah nangmi thlaangsoep la na awmna thai ham kaimi lawngkhaw nangmi hamla ka thangthui u.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Galati 5:17

Metihtiah, mami thlaanghing pumsa ngaihna tah Muithla kah ngaihna lawng a oel tih Muithla kah ngaihna te khaw mami kah thlaanghing pumsa ngaihna lawng a oel van. He rawi pahih he tah raal hih tih thui ngaihna tah sai ham na ngaih te na sai thai nawh tina ni.

Ephesa 1:4

Mami he amah haiah aka ciim tih cawttbauh kap nawh la awm ham, Khrih oen mami pumkhatla awmna rang oen ah amah koe la awm ham ah dilai he a suen thlan vengah, Pathen lawng mami he n'tuek poen. Amah lawng n'lungna dawngah,

Ephesa 4:12

He tila a sai he tah Khrih kah pum te a roengna ham Pathen kah thlaang boeih lawngah Khrihca bii te bi hamla roekbahna ni.

Philipi 1:1

Khrih Jesuh kah tuihyoeihthlaang Pawl oen Timote lawng, Khrih Jesuh ah pumkhat la aka awm Filipi khaaw kah Pathen thlaang boeih khrihcabu mawtkung hue oen bawmkung boeih tengah ca kavan pat.

Philipi 3:16

Me tih khawseh, mami lawng tahetoe ah n'vai u phung alam angla te hai benla cet u lah sih.

Philipi 3:3

Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

1Thessalonika 5:15

A-u lawngkhaw athe te athe van oen thung u boel, khat oen khat sawah khawseh, thlaang boeih sawah khaw seh theenna te sai hamla poek yoeyah uh.

2Thessalonika 2:13

Bawipa lawng a lungna maya manau thli, nangmi kawngah kaimi lawng Bawipa tengah awmngaih awl thui poepa ham awm. Metihtiah Muithla kah huham tharana rang oen Pathen kah aciim thlaanghing la coeng ham oen ah nangmi lawng awltak te na oengna rang oen thlawnna te na dangna u ham Pathen lawng nangmi te lamhacuekla n'tuek u.

1Timothy 5:10

Thaihu theen saina, ca-anau thli atheenla cawm-acahna, kamyin kam lai lungna, khrihca paya laikoei thli ham bii aka yawm, khawdeng lungma thlaang aka bawm, thaihu theen saina dawngah miing theenna aka dang huhainu te thuum seh.

1Timothy 6:19

He tila te ahimi lawngah kaawntheen te amami ham a tung asep u vetih te tah hailam ben ham akung cak ai. Te tila ahimi lawng hingna te a dang thai vetih te tah hingna tangtang la awm ai.

Hebrew 12:14

Thlaang boeih oen roeproeicala awm ham yawm u lang aciim hingna oen hing hamla yawm uh, metihtiah aciim hingna nawh atah a-u lawngkhaw Bawipa te hu manawh.

Hebrew 12:23

Vaan ah miing thut la aka awm Pathen kah a ca camiing hue awmngaih kawhoe la a tunna ah nangmi tah na law u. Thlaang boeih awlcekkung oen thlaangdoeng thli kah muithla thlaangsoep la aka sai Pathen tengla te na law u.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

James 3:2

Mami boeih lawngah thawlhpalhna te hau n'sai poepa. Awlcal thingkaa ah aka cal thawlh nawh tah thlaangsoep la awm tih a pum araw boeih te aka uk thai thlaang la awm.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.