Philipi 2:9 - Matu Chin New Testament 2006

⁹ Tedawngah Pathen lawng ahih te asaw sang koek huen ah a pawmsang tih miing tloe boeih lak ah miing luekoek a peek.

Matu Bible

⁹ Te dongah Pathen long khaw anih te a pomsang tih ming boeih soah ming tanglue te anih a paek.

Philipi 2:9 Iomraidhean Croise

Mathai 11:27

“Apa lawng thaihu soeprep boeih m'peek poen. Apa nawh tah a-u lawngkhaw Capa te ming nawh. Capa oen amah te m'ming seh tila Capa lawng a tueng sak thlaang thli teng bueng nawh atah a-u lawngkhaw a Pa te ming u manawh.

Mathai 28:18

Jesuh lawng ahimi tengla cet phai tih. “Dilai oen vaan kah saithaina aana boeih kai m'peek poen.

Luka 10:22

“A Pa lawng thaihu soeprep boeih m'peek poen. Capa he a-u ti khaw Pa nawh atah a-u lawngkhaw ming nawh. Amah te tueng sak hamla Capa lawng a tuek thlaang oen Capa amah lawng nawh atah Pa te a-u lawngkhaw ming u nawh.

Johan 13:3

Jesuh lawngah tharana cungkuem ana Pa lawng a peek te a ming; ahih lawngah Pathen tengkah ka law tih Pathen tengla ka cet ai ti khaw a ming.

Johan 17:11

Tahe tah na tengla ka law poen ai; dilai ah ka awm tlaih manawh, tede ahimi tah dilai ah awm ai. Aka ciim a Pa! nang oen kai tah pumkhat la n'awm van angla ahimi khaw pumkhat la a awm u van ham nang lawngah nan peek huham tharana namah miing oen ah te ading asuekla thlipdah lah.

Johan 17:12

Ahimi oen ka awm vengah he nang lawng nan peek huham tharana namah miing oen ah te ahimi he ading asuekla ka thlip ka dah tih ka khoem. Thlaangha pataam la nuen tangte thlaang pakhat te thui muehla tah pakhat khaw ha-ata nawh.

Johan 17:5

A Pa! Dilai sai thlan ah namah oen awm haih vengkah ruep-awmna te ang van te tahe namah haiah ruep-awmna te m'pe lah.

Caeltueih 5:31

Israel thlaang thli te a thawlhna yut sak ham oen ahimi kah thawlhna te khawdawp ngaai pe ham ahih tah Pathen lawngah a bantang ben ah Mawtkung oen Thlawnkung la a pawmsang poen.

Ephesa 1:10

Pathen lawng atue akhoek vengah soep sak ham a ngaih tah vaan oen dilai dawngah aka awm soeprep a sai boeih te thik at la cawitun tih Khrih te a luu la khueh sak ham te ni.

Kolosa 1:18

Khrih tah amah kah pum la aka awm khrihcabu kah a luu ni; Ahih tah pum kah hingna kungpui la awm. Ahih tah camiing la awm tih thaihu boeih dawngah ahih bueng lawng lamhacuekla awmna huen a khuehna ham duekna kalawng a thawh sak poen.

2Thessalonika 1:12

He tila te mami Bawipa Jesuh miing lawngah nangmi rang oen ah ruep-awmna te a dang vetih, mami kah Pathen oen Bawipa Jesuh Khrih kah lungvatna rang oen nangmi lawngkhaw amah teng kah ruep-awmna te na dang u van ai.

Hebrew 1:4

Pathen lawng a Capa miing a sak he tah vanthlaang thli kah miing lak ah asang van angla a capa khaw vanthlaang thli lak ah bawilen ngai.

Hebrew 1:9

Nang lawngtah adoeng te na ngaih tih aka soeng nawh te na thina. Tedawngah nang kah Pathen la aka awm Pathen lawng nang te n'tuek tih na paya laikoei thli a peek lak ah hinyahna oen awmngaihna te nang m'peek tila a thui.

Hebrew 12:2

Mami kah oengna atongna kalawng aboetna toe apangtungna thinglam dawng duekna te rih nawh! Te thinglam dawng duekna voel ah awmngaihna lawng a ring poen dawngah thinglam dawng duekna te yahpawhna tila poek nawh tih tahe ah Pathen kah bawi ngawlhcoen bantang ben ah te ngawl poen.

Hebrew 2:9

Tede mami lawngah Pathen kah lungvatna oen thlaang boeih ham duek hamla vanthlaang thli lak ah ahem bet la aka awm Jesuh te n'huh u. Te tila te duekna patang a khangna rang oen tahe atah ruep-awmna oen hinyahna lumuek te a muek poen tite n'huh u.

1Peter 3:22

Ahih tah vaan la luui tih Pathen bantang ben ah te awm tih vanthlaang boeih oen vaan ah saithaina aana khuehkung boeih oen ah huham tharana boeih te a uk.

2Peter 1:17

Ruep-awm Sawsangkoek teng kalawng “Ahih he ka lungna ka Capa ni, ahih sawah ka kaw hoe tangkiik tila ahih tengah awl va law tih Pa Pathen lawng hinyahna oen ruep-awmna a peek vengah te kaimi khaw te huen ah te ka awm u.

3Johan 1:7

Ahimi lawng Khrih kah bii bina ah khawlawng ceh a tongcuek u vengah aka oeng nawh thli tengah bawmcemna thaihu khat khaw lawh ohla khawlawng cet u.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 11:15

Tecoengah pasarihna vanthlaang lawng pengsara a tum tih angaihhlangla aka humm vaan kah awl lawng, “Dilai ukna huham tharana tah mami kah Bawipa oen amah kah Messiah tengah tahe ah awm poen tih dungyan toela a uk poen ai!” tila a thui.

Olphong 19:16

A himbaidung oen a phai dawngah: “sengpahrang boeih kah Sengpahrang oen bawi boeih kah Bawi,” tila a thut.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.

Olphong 5:12

angaihhlangla laa a sak u tih: “A ngawn u Tuuca lawngah Huham tharana oen kuirangna, Cuihna oen tharana, hinyahna oen ruep-awmna oen ah thangpawmna tah dang hamla tuueng ta-ngak,” ti u.