Philipi 2:6 - Matu Chin New Testament 2006

⁶ Ahih tah Pathen pumsa oen soep yoeyah, tede Pathen oen avan at la awm ham te yawm mangkhak ham poek nawh.

Matu Bible

⁶ Amah tah Pathen kah mueimae la aka om loh Pathen neh vanat la a om te laikoeinah ham a poek moenih.

Philipi 2:6 Iomraidhean Croise

Mathai 1:23

Hulaa cuem pakhat tah vawn vetih capa a cuun ai, a miing tah Immanu-el a sak u ai” (Immanu-el thuingaihna tah “Pathen mami tengah tengah awm” tina ni.)

Johan 1:18

Pathen he a-u khat lawngkhaw hu u vai nawh. Pathen amah oen van at la haih, ana Pa tengah aka awm a capa khat bueng lawngah he ana Pa te a tueng sak poen.

Johan 10:30

A Pa oen kai he tah pakhat ni.” a tina.

Johan 10:33

Ahimi lawngah, “Thaihu theen na sai dawngah nang he lungto oen de ham ka ngaih u moenih, tede Pathen thekhana awl na thui dawngah ni! Nang he thlaangthoet mailai ni, tede namah oen namah te Pathen la na sa u.” a tina u.

Johan 10:38

Tede te thli te ka sai atah, nangmi lawng kai he nan tangna u nawh mai cakhaw, a Pa tah kai ah awm tih kai khaw a Pa ah ka awm te na mingna u hamla ka sai thaihu thli he tah na tangna u ham awm.” a tina.

Johan 14:28

‘Kai tah ka cet ai, tede nangmi tengla ka law koep ai, kan tina te na yaak u poen.’ Kai he nan lungna u atah a Pa tengla ka cet ai ka ti he na awmngaih ham awm; metihtiah ahih tah kai lak ah aka lenduet ni.

Johan 14:9

Jesuh lawngah, “Nangmi tengah asan hlang ka awm poen, nan ming thlan aw, Filip? A-u khaw kai he aka hu tah a Pa te a huh poen. Tetih atah n'tu ah, “Na Pa te kaimi n'huh sak lah na ti.

Johan 17:5

A Pa! Dilai sai thlan ah namah oen awm haih vengkah ruep-awmna te ang van te tahe namah haiah ruep-awmna te m'pe lah.

Johan 20:28

Tawmas lawng, “Ka Bawipa oen ka Pathen” a tina.

Johan 5:18

Ahih lawng Sabbath phung te a phe bueng muehla Pathen te amah kah ana Pa la a thui tih amah te Pathen oen van at la a khueh, a awl thui lawngah aana khuehkung Judah thlaang boeih te a thin a phawh pe tare tih ahih te ngawn hamla a teeng u.

Johan 5:23

Ahimi lawng ana Pa te a hinyahna van angla thlaang boeih lawng a Capa te a hinyahna van ham ni. A-u khaw Capa te a hinyah nawh atah ahih tuihkung ana Pa te hinyah nawh.

Rom 9:5

Ahimi tah Hebru thlaangphun cuunkung patuer miingthang thli kah cadil la awm u, thlaanghing ben atah Khrih pateng ahimi kah a phun ni. Soeprep boeih ukkung Pathen tah yoeyahla a thaang theen hawn seh! Amen.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Korin 8:9

nangmi lawng mami Bawipa Jesuh Khrih kah lungvatna te na ming u; ahih tah bawi soeh mai de nangmi kah theenna ham khawdeng thlaang la coengg, he tila khawdeng la a awmna oen ah nangmi te kuirang thlaanglen la coengg sak ham a ngaih dawngah ni.

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

Hebrew 1:3

Ahih tah Pathen kah ruep-awmna aangna aka tueng sak tih Pathen amah coenggna oen aka lo u taktak ni. Huham tharana aka awm awl oen khawhipuempa he a khawl acuui tih a cak sak. Thlaanghing ham thawlh khawdawp ngaaina oen thawlh ciimna a sai coengah, vaan ah Huham Thara sangkoek Pathen kah bantang ben ah te ngawl.

Hebrew 1:6

Tede Pathen lawng a Capa camiing awmthang dilai dawng avan tuih vengah, “Pathen kah vanthlaang boeih lawng ahih te a bok u ai” tila a thui.

Hebrew 1:8

A Capa kawng tah Pathen lawng: “Aw Pathen, namah kah ram tah dungyan toe cak ai! Nang lawngtah na thlaang thli te doengna oen na uk ai.

Hebrew 13:8

Jesuh Khrih tah n'thlem, tihin, dungyan toe amah moepoe la awm.

Olphong 21:6

Tecoengah ahih lawngah, “Bii ka coeng poen! Kai tah lamhacuek oen hukhueng koek, atongcuekna oen aboetna koek ni. A-u khaw tui aka hall tah hingna tuibaaptui te ayoela ka awkk sak ai.