Philipi 2:3 - Matu Chin New Testament 2006

³ Nangmi lawngah mah ham bueng poekna, oekthloen ngaihna mai oen ah thaihu khat khaw sai boel, thlaangtloe he nangmi lak ah theen ngaai tila poek poepa langtah pakhat oen khat boe-ngai uh.

Matu Bible

³ Koevoeinah neh khueh uh boeh, hoemdamnah la om boeh. Tedae tlayaenah neh khat neh khat taengah amamih te tanglue la poek uh.

Philipi 2:3 Iomraidhean Croise

Luka 18:14

Nangmi tengah kavan thui u, mangmu cawikung lawng Pathen haiah doengna te a huh tih im la meel. Farasi thlaang lawng atah doengna te hu nawh. A-u khaw amah oen amah a pawmsang u atah adangla tla vetih a-u khaw amah oen amah te adangla aka awm tah a pawmsang u ai.

Rom 12:10

Pakhat oen khat Khrihca maya manau angla lung u the lang thinkaw tak oen ah pakhat oen khat hinyahna te tueng sak uh.

Rom 13:13

Hingthun khawse ah aka awm thlaang thli angla mami lawng akoeih avaihla hing u sih, khawpaw rang au la awm u boel, yuuruui buh hah oen awm tlaih u boel, hutaa tawngpa thawlhna, boethe halangna awm boel seh, tawhsina oen uett-eena awm boel seh.

Rom 2:8

Thlaang khatsut lawngtah amami ham bueng a poek u tih asoeng thaihu te a hoett, thaihu the saina te a vai u; Pathen lawng thinsana oen thinlingna te ahimi sawah a hok pe ai.

1Korin 15:9

Metihtiah celtuih boeih khuiah kai tah cawmthawk nawh koek la ka awm, kai lawng Pathen khrihcabu te ka heem ka tek dawngah celtuih ti ham pateng ka koeih nawh.

1Korin 3:3

metihtiah nangmi tah tahe toe he dilai thlaang thli angla ni khaw na sak u hun. Nangmi tim ah uett-eena awm tih khat oen khat na tawh na thaam u vengah te nangmi tah dilai thlaang la na awm u tih dilai phung la khaw na sak u tite tueng sak nawh aw?

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

Galati 5:15

Tede nangmi lawngah ramsa aka sann angla na awm u tih khat oen khat te na ngeet u tih na khoelh u atah, an noek mai lah, namami oen namami te na phe u kang poen ai.

Galati 5:26

Mami lawngah oekthloen ham awm nawh, khat oen khat te thinsa sak ham awm nawh, khat oen khat uett-ee u ham awm nawh.

Ephesa 4:2

Boe ngaai yoeyah uh, amueltuett la awm uh, na kaw daw sak uh. Nangmi lawng lungna te khat oen khat reenna oen tueng sak uh.

Ephesa 5:21

Nangmi lawng Jesuh Khrih te na hinyah u dawngah nangmi pakhat oen khat awl ngaai u lah.

Philipi 2:14

Soeprep boeih te caitoek ohla, oelhtaih u muehla sai uh,

Kolosa 3:12

Nangmi tah Pathen thlaang la na awm u; amah lawng nangmi te n'lungna tih amah hamla nangmi te n'tuek. Tedawngah thlaang kah hailam poekna, reenna, komyomna, boe-ngaaina, kawdawna oen ah khukdah u lah.

Kolosa 3:8

Tede tahe tah he ang thaihu thli thinsana, thinthena oen thlaang thina boeih te nangmi lawng na hoett boeih ham awm. Thlaang thekhana awl, tapvoepna awlthe awlkha he na hui na kaa dawng kalawng thoeng boel seh.

1Timothy 6:4

Oekk-thloen u tih n'tu khaw aka ming nawh thlaang ni. Ahih lawngah awllung kawngah oelhtaih u ham oen tawhsi ngaihna kawpoek theen nawh te a khueh tih, he lawngah uett-eena, awlpuungna, thekhana, atheen nawh uepvoetna, aboet tlaih nawh awlpuungna te a thoeng sak,

1Peter 3:8

Hukhueng ah awl uen hamla ka ngaih tah; Nangmi boeih lawng thinkaw lungbui poekna te khat la kang khueh uh, maya manau angla khat oen khat lung u langtah reenna oen boe-ngaaina oen ah awm uh.

1Peter 5:5

Te tih van la te nangmi roengthaai kumno hue lawng ahaamca thli kah awl te na ngaai u ham awm. Nangmi boeih lawngah boe-ngaaina himbai te bai u langtah pakhat oen khat bawmcem u lah; metihtiah caciim lawngah, “Pathen lawng aka oekthloen u te tah amah khak tih boe-ngaai thlaang teng atah mik-hai a thlampaan sak,” tila a thui.