Philipi 2:29 - Matu Chin New Testament 2006

²⁹ Tedawngah nangmi lawng ahih te Bawipa ah boenhui pakhat angla awmngaih oen van do uh. Ahih angla aka awm thlaang boeih te van hinyah uh,

Matu Bible

²⁹ Te dongah Boeipa ah omngaihnah cungkuem neh anih te doe uh lamtah anih bang te a khoelh la khueh uh.

Philipi 2:29 Iomraidhean Croise

Luka 9:5

Nangmi impahna aka pe nawh khaaw te ceh taak u langtah ahimi te ngaithuen peekna la na khow dawngkah laidiik te van khoek pe uh.” a tina.

Johan 13:20

Awltak kavan thui u, kai lawng ka tuih thlaang te aka do tah kai he khaw n'do van, kai he aka do tah kai tuihkung te khaw a do van.” a tina.

Caeltueih 2:46

Khawhin roekk ah Tempal bok-im ah te pum u, amami im ah buh veel haihna te a sai u tih lunghoeih lungpaih la awmngaihna thinkaw oen a caak u.

Caeltueih 28:10

Ahimi lawng kutdo moen m'peek u, ka ceh u vengah khaw lawngpueng ah kaimi kah angoe koei thaihu te tuisangphaw dawng avan khueh u.

Caeltueih 8:8

Tedawngah khawpui khuikah thlaang thli tah awmngaih u.

Rom 10:15

A thuikung laipai te tuih la a awm nawh atah metila awlthang te a phawng ai? Caciim lawng, “Awlthang Theen van khuenkung laipai thli kah a khow tah theen tangkiik hlang mah aw!” tila a thui angla awm tangtang.

Rom 16:2

Pathen thlaang thli tah pakhat oen khat na do tueng van angla Bawipa miing oen ah ahih te do u lang angoe boeih te nangmi lawng van bawm uh; ahih tah thlaang yahawh ham paya theen la awm tih kai hamla khaw awm van.

1Korin 16:10

Nangmi tengla Timote he avan pha vengah a awmdamna nawh hamla nangmi lawng atheenla ngawlh pai puei uh, ahih he kai angla Bawipa kah bii ni a bi.

1Korin 16:18

Nangmi te na kaw avan hoe sak u van angla te kai khaw ka kaw avan hoe sak u. He ang thlaang thli he tah koeh ham awm.

2Korin 10:18

Metihtiah Bawipa amah lawng thlaang theen la a pawm te ni a do, amah oen amah aka thangpawm u thlaang te tah do nawh.

2Korin 7:2

Nangmi thinkaw khuiah kaimi hamla ahuen van khueh u van lah. Kaimi lawng a-u khaw ka thena u nawh; a-u khaw ka rawk sak u nawh, a-u kah thaihu khaw atuueng nawh la lawh ham ka yawm u nawh.

Philipi 2:28

Tedawngah ni a hih he nangmi tengla tuih ham ka ngaih tangkiik tih, na huh u vengah na awmngaih u vetih kai kah kawthe khaw dip ai.

Kolosa 4:10

Kai oen thong ka tla haih Aristarkas lawngkhaw nangmi te n'toei u; tecoengah Barnabas kah nganca Mark lawngkhaw nangmi te n'toei u. (Mark he nangmi tengla a law atah anepla dodan ham kan uenna te na huh u poen)

1Thessalonika 5:12

Maya manau thli, khrihca hingna oen nangmi thuituen tih lawngpui aka nueh, nangmi tim ah bii aka bi thlaang thli te na hinyah u ham reenna kavan bih.

1Timothy 5:17

Mawtkung angla bii atheenla aka bi ahaamca lawngtah thapang te arepla a dang ham awm, awlpuila phungthuina oen cangpueina aka yawm lawng thapang a dang ngaai ham awm.

Hebrew 13:17

Nangmi aka mawtkung thli kah awl te ngaai u lang ahimi kah awl thui te vai uh. Ahimi lawngah amami kah biibina kawng te Pathen tengah thui ham koei la a awm dawngah duemdawng ohla nangmi kah hingna te a doen a cang u. Nangmi lawng a awl na ngaai pe u atah ahimi lawngah awmngaih kawhoe la bii te a bi u ai; a awl te na ngaai pe u nawh atah ahimi lawng kawthe ruila bii te a bi u vetih nangmi ham hoeikhangna awm manawh.

3Johan 1:10

Tedawngah kai ka law atah a sai thaihu boeih oen mami kawng a thui boeih te oen a hoem thui boeih te ka daih pe badai. Tecoengah he bueng muehla Khrihca maya manau thli a law ah khaw ahih lawng do nawh, ahimi te do ham aka ngaih thli te khaw a khang pe tih Khrihcabu khui kalawng ahimi te hek hamla a yawm mangkhak.