Philipi 2:26 - Matu Chin New Testament 2006

²⁶ Ahih lawng nangmi te n'ngaai tangkiik u tih a sa ding nawh tila na yaak u dawngah te a kaw hoe nawh.

Matu Bible

²⁶ Nangmih rhoek boeih te n'ngaidam tih a om dongah omdam tih tlo tila na yaak uh.

Philipi 2:26 Iomraidhean Croise

Mathai 11:28

“Thalrih aka phuei tih tha aka hoengg thli boeih ka tengla law u lah, kai lawngah duemdawngna kan pe u ai.

Mathai 26:37

Jesuh lawng Piter oen Zebedi capa rawi te a ceh puei. A kaw caalla the tih lakueng sut.

Caeltueih 21:13

Tede ahih lawng, “Me tih na ti u, he tila na rah u he ka thin navan hoepp sak u! Jerusalem ah piin ayeen ham bueng oepsoehla ka awm nawh, te ah te Bawipa Jesuh kawngah duek ham pateng khaw oepsoehla ka awm poen.” a tina.

Rom 1:11

Metihtiah nangmi oen muithla ben yotheenna te veel haih tih tharana awm sak ham ka ngaih dawngah nangmi te huh ham ka ngaih tangkiik.

Rom 12:15

Awmngaih thlaang thli tengah awmngaih u van. Rungrah oen aka awm thlaang thli tengah rap u van.

Rom 9:2

Ka thlaangphun ka thi ka sa la aka awm thli hamla ka kaw the tangkiik tih ka thinphatna lawng boet nawh.

1Korin 12:26

Pum dawngkah a beek pakhat lawng nganbawh a yaak atah a beek boeih nganbawh a yaak puei u; a beek pakhat te thangpawm la a awm atah atloe boeih lawng a awmngaih puei u.

2Korin 9:14

Tedawngah Pathen lawng a lungvatna te acoeih pawk la nangmi tengah avan lun poen dawngah ahimi lawng nangmi te n'thintlawhna vetih nangmi ham thangthui u poen ai.

Galati 6:2

Pakhat oen pakhat thalrih phueih te talawng takai u langtah, te tila te Khrih kah phungawl te vai uh.

Ephesa 3:13

Tedawngah nangmi ham patang ka khang dawngah na kaw boet sak u mai boel tila reenna kavan bih; he ang thli he nangmi kah theenna ham boeih ni.

Philipi 1:3

Nangmi kan poek vengah nangmi ham awmngaih awl ka thui poepa;

Philipi 1:8

Khrih Jesuh lungbui dawngkah aka law boeih oen nangmi he kan thintlawhna ka ti vengah he awltak ka thui tih Pathen tah mingpueikung la awm.

Philipi 2:25

Mami kah manau Epafroditas he nangmi tengla tuih ham angoe tila ka poek, ahih tah kai oen biibipuei, ceem raal aka tloek haih van tih kai he bawmkung la nangmi lawng na van tuih laipai ni.

Philipi 2:27

Ahih tah duek dalh toela tlo tangtang. Tede Pathen lawng a reen, ahih bueng nawh tih kai khaw n'reen van tih ka tengah kawthena bohlang aka law ham koei dawng kalawng ka sa avan sueng sak.

Philipi 4:1

Tedawngah ka lungna maya manau thli, kan lungduetna u tih kan ngaai u tangkiik! Nangmi kawngah ka kaw hoe tih ka awmngaih tangkiik! Ka lungna maya manau thli, Bawipa dawng na hingna ah te acakla pai uh.

1Peter 1:6

Nangmi lawng khawdeng patang phun soeprep te na khang u dawngah tahe veng kawlkalhca tah na kaw the u de, thlawnna kawngah he awmngaih u lah.