Philipi 2:2 - Matu Chin New Testament 2006

² Tedawngah nangmi te he tila kan uen, poekna pakhat la khuehna, pakhat oen khat lungna, thinkaw lungbui khat la khuehna oen ah ka awmngaihna te soep sak u lah.

Matu Bible

² amah thikat la na poek uh, amah thikat la lungnah na khueh uh, ko-at thin-at ca neh pakhat la na poek uh te ni omngaihnah la ka kum mai coeng.

Philipi 2:2 Iomraidhean Croise

Johan 3:29

Vaa aka sa tuemnu hulaa te tah yulokung cadawng kah thlaang ni; tede yulokung kah paya tah a tengah pai tih awl a hutung, yulokung kah awl te a yaak vengah awmngaih. Kai kah awmngaih soepna khaw te tila ni a awm.

Caeltueih 1:14

Ahimi tah Jesuh kah a manu Meri oen khaw, hutaa thli oen khaw, Jesuh kah a manu thli oen khaw huh u poepa tih thangthui u.

Caeltueih 2:1

Pentikos hin a pha vengah oengca thli boeih te ahuen pakhat ah kang tun u.

Caeltueih 2:46

Khawhin roekk ah Tempal bok-im ah te pum u, amami im ah buh veel haihna te a sai u tih lunghoeih lungpaih la awmngaihna thinkaw oen a caak u.

Caeltueih 5:12

Celtuih hue lawngah thlaangping tim ah kawpoekrai miknoekna oen kawpoekrai thaihu te broela a sai u. Oengca thli boeih tah Solomon Imthloeih ah te kueng tun u.

Rom 12:16

Pakhat oen pakhat roeproei patoeng uh. Oekthloen u boel; tede huhsit koei bii te khaw bi uh. Namah oen namah te thlaangcuih la poek u boel.

1Korin 1:10

Maya manau thli, mami Bawipa Jesuh Khrih kah saithaina aana oen nangmi boeih tengah reenna kavan bih u, nangmi tim ah pekbona a awmna nawh ham awlthui kaalai dawngah na kaw vai u sak. Poekna pakhat, mengtengna pakhat oen ah awm uh.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

2Korin 2:3

Tedawngah ni ca ka thut tih nangmi tengla kavan pat. Kai he kaw aka hoe sak nangmi lawng kawtheboepla na awm u lak atah nangmi tengah law nawh hamla te ka ngaih. Metihtiah kai ka awmngaih atah nangmi boeih khaw na awmngaih u van tite ka ming.

2Korin 7:7

Titas a law dawngah kaimi he awmngaih sak te bueng nawh tih ahih te nangmi lawng tha navan peek u dawngah khaw ka awmngaih u. Nangmi lawng kai he huh hamla na ngaih u tangkiik, metihtlukla na kaw a the u tih nangmi lawng kai he nan pai puei u tite Titas lawng kaimi tengah avan thui tih tahe ah ka awmngaih tare ngai.

Philipi 1:4

nangmi boeih ham ka thangthui vengah awmngaihna oen ka thangthui,

Philipi 2:16

Te tila na sai u atah Khrih khawhin ah nangmi rang oen mik-hai theen ka dang ai, metihtiah kai lawng ka yawmna boeih oen ka bi boeih te apoei-oep nawh ni tite na tueng sak ni.

Philipi 2:20

Ahih bueng oen ah ka kawpoek cah ahih tih nangmi tengah a ngaai huett tangtang.

Philipi 4:2

Eodia oen Sintikhe, reenna kavan bih, Bawipa ah boeinau la na awm hih van angla thinkaw thik-at ham yawm hih.

Kolosa 2:5

Kai he ka pum tah nangmi oen athlahlangla ka awm de Muithla atah nangmi oen haih ka awm tih nangmi lawng Khrih na oengna dawngah thinkaw melh tih thin at kaw at oen thik at la na pai u te ka huh vengah ka awmngaih.

2Thessalonika 2:13

Bawipa lawng a lungna maya manau thli, nangmi kawngah kaimi lawng Bawipa tengah awmngaih awl thui poepa ham awm. Metihtiah Muithla kah huham tharana rang oen Pathen kah aciim thlaanghing la coeng ham oen ah nangmi lawng awltak te na oengna rang oen thlawnna te na dangna u ham Pathen lawng nangmi te lamhacuekla n'tuek u.

2Timothy 1:4

Nang kah mikphi te ka hilh nawh tih awmngaihna oen ka betoet thaina ham nang te huh ham ka ngaih tangkiik.

Philemon 1:20

Tedawngah ka manau, Bawipa mik-hai te yahna mai lang kavan bih he tah reenna oen van sai mai; Khrih ah boenhui pakhat angla ka kaw van hoe sak mai.

2Johan 1:4

Pa lawngah mami awl m'peek angla na ca thli khatsut tah awltak dawngah a hing u te ka huh vengah ka awmngaih tangkiik.

3Johan 1:4

Ka ca thli te awltak dawngah awm u tila ka yaak thloei ah kai awmngaih sak tare ngai atloe awm nawh.