Philipi 2:15 - Matu Chin New Testament 2006

¹⁵ te tila te he dilai dawngah aka awm thlaangthe thli oen thlaangthawlh thli lakli ah Pathen kah thlaangsoep ca anau angla thawlhna aka awm nawh, aciim acaih thlaang la nangmi tah na awm u ai, hingna awl te ahimi na peek vengah te ahimi tim ah vaan ah aka vaang aisi angla aang u lah.

Matu Bible

¹⁵ Te daengah ni vilvak neh aka pamdah cadil lakli ah aka cuem Pathen kah a ca rhoek, a cuemthuek neh caepakyik la na om uh eh. Amih taengah khaw diklai dongkah a aa bangla na phoe uh eh.

Philipi 2:15 Iomraidhean Croise

Mathai 10:16

“Hutung u lah! metaang tim ah tuu angla nangmi he kan tuih u. Tedawngah ruul angla na cuih khueh u lang akhuu angla na kaw daw sak uh.

Mathai 17:17

Jesuh lawng, “Oengna aka khueh nawh nangmi thlaangthe hue! Metuek toe nangmi he kan awm puei u hun ai? Meveng tue toe kan nueh u hun ai? Camaw te ka tengla van khuen u lah,” a tina.

Mathai 5:45

Te atah Vaan ram ah aka awm na Pa kah a ca la na awm u ai. Ahih lawng atah thlaangthe thlaang theen sawah avan at la khaw a see sak, atheen aka sai oen athe aka sai sawah avan at la khaw a tlan sak.

Mathai 5:48

Vaan kah na Pa a soep van angla nangmi khaw na soep u van ham awm.”

Luka 1:6

Ahih rawi tah Pathen mik huh ah thlaangdoeng la bok awm hih tih Bawipa kah phungawl oen awlpeek boeih te asoepcala a vai hih.

Luka 6:35

Nangmi lawngtah te tila sai boel! Na raal thli te lungna langtah ahimi sawah theenna te sai peh; thaihu te pu u lah, dang koep ham ngaiuep hanlan tlaih boel. Nangmi lawng alentloe kutdo na dang u vetih Tloeng Khoelh Pathen kah ca anau la na awm u ai. Metihtiah ahih tah lungvatna aka ming nawh oen thlaangthaipalat thlaang thli sawah theenna te a sai pe.

Johan 5:35

Johan he tah haialh aka aang haivang oen lo u tih nangmi lawngah ahih kah aangna khuiah kawlkalh ni awmtheen ham na ngaih u.

Caeltueih 2:40

Piter lawng ahimi te awltloe khaw moen a thui pe tih, ‘He kah thlaangthe thli sawah aka law ham koei dantatna kalawng namami oen namami thlawn u lah!” a tina.

Caeltueih 20:30

Namami tim kah thlaang khatsut lawngah oengca thli te amami ben la mawt ham a ngaih dawngah hoem awl a thuina atue te a pha ai.

Rom 16:19

Nangmi lawng awlthang theen dawngah ueppang koeila na awm u te thlaang boeih lawng a yaak u, tedawngah he kawngah he nangmi sawah ka kaw hoe tangkiik. Nangmi te theenna ben atah thlaangcuih la awm ham, tede athe ben atah tu khaw aka ming nawh angla awm sak ham ka ngaih.

1Korin 1:8

Mami Bawipa Jesuh Khrih khawhin ah cawttbauh kap awm nawh hamla amah lawng aboet toela nangmi te n'cak sak ai.

2Korin 6:17

Tedawngah Bawipa lawng, “Nangmi lawng ahimi te ceh taak u lang ahimi teng kalawng athloekla thloeng uh. Nangmi lawng aka ciim nawh te ahimi oen sai haih u boel, te atah nangmi te kan do ai.

Ephesa 5:27

Te tila khrihcabu tah atheenna boeih boeih oen aka awm tih thawlhna aka awm nawh, atloe soepna nawh oen angaw-aha, aru-arii oen cawttbauh aka awm nawh la te amah tengah peek ham angaih dawngah ni.

Philipi 1:10

Te dengah ni Khrih Khawhin ah ciimna nawh boeih oen thawlhpeelna boeih kalawng na loeih u ai.

Philipi 3:6

Kai tah ka tha thlue akcak tih khrihcabu te ka heem ka tek. Phungawl dawngkah awlpeek thli te vaina rang oen thlaangdoeng la awmna ben ah kai tah thawlhna roe awm nawh.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

1Timothy 3:10

Ahimi te lamhacuek ah noekdak la awm vetih cawttbauh koei a awm nawh atah bi u seh.

1Timothy 3:2

Khrihcabu mawtkung tah thawlhpalhna aka awm nawh tih a yu khat bueng aka khueh thlaang, mah oen mah aka uk u thai thlaang, mah oen mah kuemsuem thai thlaang, adoengla khaw aka sa thlaang, hinyah koei thlaang; kamyin kamlai aka lungna thlaang, thlaangtloe te riingtuuk thaihoen thai thlaang seh.

1Timothy 5:14

Tedawngah mami aka raalna thlaang thli lawng mami kawng he athela thuina tue khaw a dang nawh ham kumno huhai tumtee hue lawng vaa a sak tih ca-anau khueh ham, amami kah imkhuikaw te a cawm acah u ham ka ngaih.

1Timothy 5:20

Thlaangtloe hue lawngkhaw thawlh sai a rihna van ham thawlhna aka sai boeih te rangpui haiah toelthaam peh.

1Timothy 5:7

Ahimi te a-u lawngkhaw a thuitheet nawh ham he kah thuituenna he thui peh.

Titus 1:6

Ahaamca tah cawtbauh aka awm nawh thlaang seh; ahih tah a yu khat bueng aka khueh thlaang, a ca thli khaw Pathen aka oeng thlaang la awm u vetih cingpoh halang oen awl ngaaina nawh ben ah miing aka tueng nawh thlaang la awm seh.

Titus 2:10

a thaihu thli khaw huen pe u boel seh. Te lak atah ahimi lawng thlaang theen la a awmna, ueppang koeila a awm u te tueng sak u seh, teah ni ahimi kah saina boeih dawngah mami thlawnkung Pathen kawng cangpueina te a thangpawm u ai.

Titus 2:15

He awlkaa thli he cang puei langtah na awlthui hutung thli te tha na peek tih na toelthaam vengah saithaina aana na khueh boeih te haw nah. Nang te a-u lawngkhaw dapsit la n'hu roe boel seh.

Hebrew 7:26

Tedawngah Jesuh tah mami kah ngoena aka soep sak Khawsoeih Bawi ni. Ahih tah ciim; thawlhpalhna khueh nawh tih thawlhna khaw ahih dawngah awm nawh; ahih te thlaangthawlh tim kalawng a thloeng tih vaan khawhi sawah a pawmsang hang poen.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

1Peter 2:9

Tede nangmi tah a tuek thlaangphun, seng-pahrang kah khawsoeih, thlaangphun ciim, Pathen kah thlaangphun la na awm u. Yiinna khui kalawng amah kah aangna khuila nangmi khuekung Pathen lawng kawpoekrai a sai te thui sak ham nangmi te n'tuek u.

2Peter 3:14

Tedawngah ka paya thli, te Khawhin te na lamtoen u vengah Pathen huh ah aka ciim tih cawttbauh kap ohla awm ham yawm u lang amah oen roeproeicala awm uh.

Olphong 2:5

Metihtlukla adangla na tlaak thuk te poek lah! Na thawlhna te yut u lang acuekca kah na sai angla te sai lah. Nangmi lawng na thawlhna te na yut u nawh atah Nangmi tengla ka law vetih nangmi kah haivangna te huen tloe la kavan pawng poen ai.

Olphong 3:9

Hutung lah! Judah thlaang la ka awm ti u tih Judah thlaang tak nawh hoem thui hue te tah Seitan kah thlaang thli te nangmi haiah kavan law sak vetih na khow kungah ka buekuep sak ai. Nang kan lungna te ahimi boeih lawng a ming ai.