Philipi 2:12 - Matu Chin New Testament 2006

¹² Tedawngah ka lungna ka paya thli, nangmi oen haih ka awm vengah ka awl na ngaai u poepa angla te tahe athla hlang la ka awm vengah khaw, ka awl he na ngaai u ham awlpui koek la awm. Nangmi kah thlawnna asoepna ham birih haitawk oen bii te bi yoeyah uh,

Matu Bible

¹² Te dongah ka thintlo rhoek, ol na ngai uh taitu vanbangla ka mikhmuh bueng ah pawt tih ka yinhnuk ah khaw muep ngai uh laeh. Rhihnah neh thuennah lamloh namamih kah khangnah te thoeng sak uh.

Philipi 2:12 Iomraidhean Croise

Mathai 11:12

Johan lawng phungthui a tongcuek veng kalawng tihin toe Vaan Ram he raalna oen thekhana angaihhlangla a ming tih aka raalna thli lawng taa hamla tha a huer u.

Mathai 11:29

Kai kah hawphueih he lo lang phuei u lah, kai tah kawdaw oen boe-ngaaina thinkaw ka khueh dawngah kai tengah cang u lah; ngaimawngna kan pe ai.

Caeltueih 16:29

Thong ukbawi lawng haithoei a tawh sak coengah thongim khuila te toklek la kuun phai tih Pawl oen Silas kah a khowkung ah rih oen thuen ruila te buekuep.

Caeltueih 9:6

Tede tho langtah khawpui khuila te cet lah, te ah te na sai ham koei te avan thui ai.” a tina.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

1Korin 15:58

Tedawngah ka lungna maya manau thli, paihuen net lang acakla pai uh. Bawipa kah bii na bi u te metuek ah khaw apoei-oepla awm nawh tih ahong-ahii nawh ni tite na ming u dawngah Bawipa bii na bina dawngah te tokthlue poepa uh.

1Korin 2:3

Tedawngah nangmi teng ka law vengah te ka tha yoek sut tih rihna oen ka thuen,

1Korin 4:14

Nangmi he yah sak hamla ka ngaih dawngah nawh tih ka lungna ca-anau angla toelthaam ham ka ngaih dawngah ni kavan thut.

2Korin 7:15

Ahih kah thuituenna awl te ngaai hamla nangmi te oepsoehla na awm u tih nangmi lawngah ahih te rihna oen na thuen u tih lakueng lalapla na do u te a poek vengah nangmi n'lungna te tlo tare.

Ephesa 6:5

Nangmi sal thli, namami kah thlaanghing bawi thli te birih haitawk oen a awl ngaai pe uh; Nangmi lawng Khrih kah bii aka bi angla thinkaw tak oen a bii te bi pe uh.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 1:29

Tedawngah amah te oeng doek ham bueng nawh tih ahih hamla patang khang ham khaw Khrih kah bii te nangmi m'peek u poen.

Philipi 1:5

Metihtiah awlthang theen bii bina ah a tong cuek kalawng tahe toe nangmi lawng nan bawm u dawngah ni.

Philipi 1:6

Tedawngah nangmi tim ah he ang bii theen aka tongkung Pathen lawng Khrih Jesuh Khawhin a pha toe he bii he a bi poe ai tila ka tangna.

Philipi 2:19

Nangmi kawng awlthang te yaakna oen ka tha a thluena ham Bawipa lawng a kawngaih atah nangmi tengla Timote he kavan tuih yue ai tila ka poek.

Philipi 4:1

Tedawngah ka lungna maya manau thli, kan lungduetna u tih kan ngaai u tangkiik! Nangmi kawngah ka kaw hoe tih ka awmngaih tangkiik! Ka lungna maya manau thli, Bawipa dawng na hingna ah te acakla pai uh.

Philipi 4:15

Nangmi Filipi khaaw kah thlaang thli lawng atheencala na ming u, Macidonia kalawng ka cet tih Awlthang Theen ka thui cuek vengah te nangmi khrihcabu bueng lawng ni bawmna nan peek u, nangmi bueng lawng ni ka thawnna oen ka sungna khaw nan talawng u.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

2Timothy 2:10

Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.

Hebrew 4:1

Tahe atah, Pathen lawng duemna huen a thui te pha thaina ham awlkamna m'peek poen. Te kah awlkam sut duemna khuiah te pha ohla awm hau nawh ham ngaithuen u sih.

Hebrew 4:11

Tedawngah awlkam duemna te dang thaina ham atlawh ngaaila tha huer u sih. Ahimi lawng oengna a khueh u nawh dawngah duemna a dang nawh angla te mami tah pakhat khaw te tila awm u boel sih.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.