Philipi 2:1 - Matu Chin New Testament 2006

¹ Nangmi Khrih ah na hingna lawng tha a ra sak tih a lungna lawng nangmi kaw te a reem ahaal sak. Nangmi lawng Muithla oen pawlneengna na khueh u tih pakhat oen khat sawah lungna oen reenna te na khueh u.

Matu Bible

¹ Khrih dongah thaphohnah khat khat a om van akhaw, lungnah dongkah suemnah khat khat a om akhaw, mueihla dongah rhoinaengnah khat khat a om akhaw, sitlohnah neh sitlohnah khat khat a om akhaw,

Philipi 2:1 Iomraidhean Croise

Luka 2:25

Tevengah te Simeon aka miingna thlaang pakhat te Jerusalem ah awm. Ahih tah thlaangdoeng, Pathen aka rih thlaang la awm tih Israel thlaangphun thlawn la a awmna tue te a ring khuep. Ahih te ciim muithla lawng a awm puei tih,

Johan 14:18

“Kai lawng ka ceh atah namami bueng te kan ceh taak sut manawh; Nangmi tengla koep ka law ai.

Johan 14:27

Ngaimawngna kavan ceh taak u, te tah kamah kah ngaimawngna te ni kan peek u. Dilai kah peek te ang te kan pe nawh. Ngaihang lakueng oen khawthe boepla awm u boel; rihsakna khaw khueh u boel.

Johan 17:13

Tahe ah kai tah na tengla ka law poen ai, ahimi lawngah ka awmngaihna he a thinkaw khuiah aboet toela a khuehna u ham dilai ka awm veng he ah, he ang thaihu thli he ka thui pe.

Caeltueih 2:46

Khawhin roekk ah Tempal bok-im ah te pum u, amami im ah buh veel haihna te a sai u tih lunghoeih lungpaih la awmngaihna thinkaw oen a caak u.

Caeltueih 4:32

Oengca thli lawngah thinkaw oen lungbui khat la kang a khueh u. A-u lawngkhaw a khueh thaihu te kamah kah thaihu ni ti u tlaih nawh tih ahimi lawng a khueh thaihu boeih te khat oen khat avanpila ree u.

Rom 5:5

Pathen lawng a lungna te mami thinkaw khuiah Pathen amah kah kutdo Ciim Muithla oen ah avan toi poen dawngah he ngaiuepna lawng mami he kawpoek boet sak nawh.

Rom 8:26

Te tila mami tha a yoek dawngah mami bawmcem hamla Muithla tah va law. Mami lawng metila thangthui ham koei ti khaw m'ming u nawh dawngah awl oen thui thai nawh kopaangna oen Muithla lawng mami ham Pathen tengah avan bih.

1Korin 12:13

Tetih van angla mami boeih he tah Judah oen Gental thlaang khaw, sal oen thlaangcuem khaw, Muithla pakhat lawng pum pakhat dawngah baptisma m'peek tih awkk koeila Muithla pakhat te ni mami m'peek u.

1Korin 15:31

Maya manau thli, kai tah khawhin roekk ah pacil pahaai duek thlipit la ka awm poepa! Nangmi he tah mami kah Bawipa Khrih Jesuh oen pum khat la awmna ah ka pawmsangna la na awm u dawngah he tila ka thui ni.

1Korin 3:16

Nangmi tah Pathen tempal bok-im la na awm u tih Pathen Muithla nangmi kaw khuiah a awm te ataktang la na ming u!

2Korin 2:14

Tecakhaw Pathen tengah thang-theenna awm hawn seh! Metihtiah Khrih oen pumkhat la awmna rang oen ah Khrih kah taana ah aka cet thlaangping tim ah thongtla thlaang angla Pathen lawng mami he m'mawt u. Khrih kawng mingna te riimtuui baw angla ram tawm ah a puungna ham mami he Pathen lawng n'hawna.

Galati 4:6

Amah kah a ca-anau la awmna te a tuengna ham Pathen lawng a Capa kah Muithla te mami kah thinkaw lungbui khuiah avan tuih tih te Muithla lawngah, “Apa, Apa” tila paang.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 4:4

Pathen lawng nangmi n'khue vengah te ngaiuepna pakhat a awm van angla pum pakhat oen Muithla pakhat ni a awm.

Philipi 1:8

Khrih Jesuh lungbui dawngkah aka law boeih oen nangmi he kan thintlawhna ka ti vengah he awltak ka thui tih Pathen tah mingpueikung la awm.

Philipi 3:3

Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

Kolosa 3:12

Nangmi tah Pathen thlaang la na awm u; amah lawng nangmi te n'lungna tih amah hamla nangmi te n'tuek. Tedawngah thlaang kah hailam poekna, reenna, komyomna, boe-ngaaina, kawdawna oen ah khukdah u lah.

Hebrew 6:18

Tecoengah, he thaihu pahih awlkamna oen awltaap he tah thlauh thai koei nawh tih he kawngah Pathen lawng a hoem thui thai nawh. Tedawngah amah tengah ngaimawng ngaitoela aka awm mami lawng, mami haiah avan toen ngaiuepna te acakla phoeih ham n'tha thlue u.

1Peter 1:2

Jesuh Khrih awl te na ngaai tih amah kah thisen oen ciim sak hamla Pathen kah mengtengna angla nangmi tah tuek la na awm u tih amah Muithla lawng thlaangciim la n'sai u. Lungvatna oen ngaimawngna tah nangmi tengah asoepbirla awm hawn seh.

1Johan 3:24

A-u khaw Pathen kah awlpeek te aka vai tah Pathen oen pumkhatla awm tih Pathen khaw ahih oen ah pumkhatla awm. Te tila mami tengah Pathen kah peek Muithla rang oen ah Pathen tah mami oen pumkhatla awm tite m'ming u.

1Johan 4:12

Pathen te a-u lawngkhaw hu noek nawh, tede pakhat oen khat n'lung u atah Pathen tah mami oen pumkhatla awm tih a lungna tah mami dawngah soep.

1Johan 4:16

Te tila Pathen lawng mami n'lungna te kamami roeroe lawng ka ming u tih ka tangna u. Pathen tah lungna ni, a-u khaw lungna dawngah aka awm tah Pathen oen pumkhatla awm tih Pathen khaw ahih oen pumkhatla awm.