Philipi 1:7 - Matu Chin New Testament 2006

⁷ Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Matu Bible

⁷ Nangmih thinko khuiah ka om dongah nangmih boeih yueng la poek ham he kai ham tah a dueng la om ngawn. Kai kah thongtlak dongah khaw, olthungnah dongah khaw olthangthen kah caksaknah dongah khaw lungvatnah te kai a bawn puei boeih na om uh.

Philipi 1:7 Iomraidhean Croise

Caeltueih 20:23

Ka phana boeih khaaw roekk ah Ciim Muithla lawng ah ngaithuenna m'peek tih thongtlaak oen raina lawng kai he n'ring khuep ti bueng he ni ka ming.

Caeltueih 21:33

Raalbawipa te Pawl tengla cet, a tuuk tih thiirui pahih oen a khih sak. Tecoengah ahih lawng, “He kah thlaang he a-u, n'tu thawlhna a sai?” tila a doet u.

1Korin 13:7

Lungna tah a kaw boet nawh tih oengna, ngaiuepna a khueh, a thin san tih a kaw daw.

1Korin 9:23

He ang thli boeih he awlthang theen kawngah ni ka sai, awlthang theen dawngkah yotheen kam-awmna te rek-ara thaina ham ni.

2Korin 3:2

Nangmi he kaimi kah cathut la na awm u poen. thlaang boeih lawng ming ham oen ah tae hamla kaimi kah thinkaw lungbui ah thut la na awm u.

2Korin 7:3

He tila ka thui he nangmi te sal-aphaamna ham ka thui moenih; kaimi lawngah nangmi oen duek haih hing haih hamla ka thinkaw ah kan tleng-elh u tite n'hu vengah kavan thui u poen.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Ephesa 3:1

He kawngah ni Khrih Jesuh kah thongtla Kai Pawl lawng nangmi Gental thlaangphun ham Pathen tengah ka thangthui.

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Ephesa 6:20

Tahe ah kai he thong khuiah ka awm de, he awlthang theen ham laipai la ka awm. Ka thui ham tuueng awlthang theen kawng te raltheen oen ka thuina ham thangthui uh.

Philipi 1:12

Maya manau thli, ka tengah aka thoeng thaihu he awlthang theen a puungna ham aka bawmcem tangtang la coengg ti he nangmi ming sak ka ngaih.

Philipi 1:13

He kawngah he, sengpahrang impui aka toet raalkapbu boeih oen he kah thlaangtloe boeih lawngah, Khrih kah tuihyoeihthlaang la ka awm dawngah thong ka tlaak he a ming u.

Philipi 1:14

Tecoengah thong ka tlaakna lawngah he maya manau yahawh ngaai kah Bawipa a uepna te tare acak pe sak, tedawngah ahimi lawng a raal theen tare u tih rih ohla awlthang theen te a thui u.

Philipi 1:5

Metihtiah awlthang theen bii bina ah a tong cuek kalawng tahe toe nangmi lawng nan bawm u dawngah ni.

Philipi 2:22

Ahih lawngtah bii te a palki tih kai oen Paca angla awlthang theen ham bii ka bi hih te nangmi lawng na ming u.

Philipi 4:14

Tede raina ka tawng vengah nan bawm u he nangmi kah theenna ni.

Philipi 4:15

Nangmi Filipi khaaw kah thlaang thli lawng atheencala na ming u, Macidonia kalawng ka cet tih Awlthang Theen ka thui cuek vengah te nangmi khrihcabu bueng lawng ni bawmna nan peek u, nangmi bueng lawng ni ka thawnna oen ka sungna khaw nan talawng u.

Philipi 4:3

Tecoengah, uep-awm biibipuei, thli nangmi lawngkhaw, he hutaa rawi he na bawm u hamla ka ngaih; metihtiah Klimen oen atloe biibipuei haih, Pathen kah hingna cabu khuiah a miing aka thuum thli boeih oen awlthang theen a puungna ham kai oen haih tha a huer hih tih bii aka bi rawi ni.

Kolosa 4:18

Pawl lawng kan toei u ti he kamah kut roe oen he capat he ka thut. Thiirui oen n'khih u he van hilh u boel! Pathen lungvatna nangmi sawah awm hawn seh.

Kolosa 4:3

Te tila na thangthui u vengah Khrih awlhuep phawngthaina ham, Pathen tengkah atue theen ka dang thaina u hamla kaimi ham khaw thangthui u van. Tahe thong ah ka tlaak he khaw awlhuep ka phawng dawngah ni.

1Thessalonika 5:5

Nangmi boeih tah aangna dawngkah thlaang, khawthaih thlaang la na awm u. Mami he tah khawyiin thlaang, yiinna thlaang nawh ni.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

2Timothy 2:9

Metihtiah kai lawng Awlthang Theen ka phawng dawngah patang ka khang tih lumlai aka hu thlaanghuuen angla thiirui oen n'khih u. Tede Pathen kah awl tah thiirui oen khit thai nawh.

Philemon 1:13

Awlthang theen kawngah thong ka tlaak veng he ah nang yuengah kai bawmcemkung la ahih he ka tengah awm sak ka ngaih.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

2Peter 1:13

Ka hing khui roekk atah he kawng he nangmi kan yaak sak poepa hamla aka soeng ni tila ka poek.

1Johan 3:14

Mami tah duekna n'ceh taak u poen tih hingna khuila n'kuun poen tite m'ming u; te tila m'mingna tah mami lawng maya manau n'lungna dawngah ni. A-u khaw lungna aka khueh nawh tah duekna khuiah ni a awm hun.