Philipi 1:5 - Matu Chin New Testament 2006

⁵ Metihtiah awlthang theen bii bina ah a tong cuek kalawng tahe toe nangmi lawng nan bawm u dawngah ni.

Matu Bible

⁵ A tongcuek khohnin lamkah tahae duela olthangthen dongah nangmih kah bulbonah dongah ni.

Philipi 1:5 Iomraidhean Croise

Caeltueih 2:42

Ahimi lawngah celtuih hue tengah cangna, khat oen khat pawlneengna, beroep lopaang buh veelna, thangthuina ah amami kah atue te a hawna u.

Rom 11:17

Olif thingkung a liing u a beek thli khatsut te a tloek u tih te kah thingngaw dawngah te olif thingkung rawlrap a beek thli te oen a cong u. Te tila nangmi Gental thlaangphun khaw olif thing rawlrap angla na awm u tih, tahe tah Judah thlaangphun thli kah muithla ben hingna tharana te na bawn u van poen.

Rom 12:13

Khrihca na puei na paw thli kah a voetna ah te dodan u lang na im ah kamyin te pah sak uh.

Rom 15:26

Macidonia ram oen Akhaia ram kah Khrihcabu lawng Jerusalem ah aka awm Pathen thlaang thli timkah khawdeng lungma thli te kawthawh oen bawm hamla awl a tloek u tih thaihu peek a khueh u.

1Korin 1:9

A Capa Jesuh Khrih mami Bawipa oen pawlneeng haih hamla khuekung Pathen tah uep-awm ni.

2Korin 8:1

Maya manau thli, Macidonia ram kah khrihcabu boeih ah Pathen lungvatna lawng bii a bi te nangmi ming sak hamla ka ngaih u.

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Philipi 1:12

Maya manau thli, ka tengah aka thoeng thaihu he awlthang theen a puungna ham aka bawmcem tangtang la coengg ti he nangmi ming sak ka ngaih.

Philipi 1:16

Ahimi lawngtah lungna oen a thui u, metihtiah awlthang theen paipueina bii he Pathen lawng kai m'peek te a ming u dawngah ni.

Philipi 1:27

Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Philipi 2:12

Tedawngah ka lungna ka paya thli, nangmi oen haih ka awm vengah ka awl na ngaai u poepa angla te tahe athla hlang la ka awm vengah khaw, ka awl he na ngaai u ham awlpui koek la awm. Nangmi kah thlawnna asoepna ham birih haitawk oen bii te bi yoeyah uh,

Philipi 2:22

Ahih lawngtah bii te a palki tih kai oen Paca angla awlthang theen ham bii ka bi hih te nangmi lawng na ming u.

Philipi 4:3

Tecoengah, uep-awm biibipuei, thli nangmi lawngkhaw, he hutaa rawi he na bawm u hamla ka ngaih; metihtiah Klimen oen atloe biibipuei haih, Pathen kah hingna cabu khuiah a miing aka thuum thli boeih oen awlthang theen a puungna ham kai oen haih tha a huer hih tih bii aka bi rawi ni.

Philemon 1:17

Tedawngah kai he biibipuei la na poek atah kai nan do ham koei angla te ahih he do koep lah.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.