Philipi 1:30 - Matu Chin New Testament 2006

³⁰ Tahe ah nangmi tah raal kahna huen ah kai oen bawngyawng haih thai poen. N'cui vengah kai lawng raal ka teek na huh u te ang te, nangmi lawng na yaak u angla tahe toe ah raal ka teek khiing hun.

Matu Bible

³⁰ Kai dongah thingthuelnah aka khueh rhoek te amah la na hmuh uh tih ka khuikah te na yaak uh coeng.

Philipi 1:30 Iomraidhean Croise

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Philipi 1:13

He kawngah he, sengpahrang impui aka toet raalkapbu boeih oen he kah thlaangtloe boeih lawngah, Khrih kah tuihyoeihthlaang la ka awm dawngah thong ka tlaak he a ming u.

Kolosa 1:29

He bii ka bi vengah he Khrih kah peek, ka khuiah bii aka bi tha-awm tharana te hawna oen ka tho ka tat tih bii rai he ngah ngah ka bi.

Kolosa 2:1

Nangmi ham khaw Laudisia khaaw kah thlaang thli ham khaw, kai he pumpakla aka ming nawh thlaang boeih ham khaw patang palai ruila metila bii ka bi he nangmi lawng na ming u ham ka ngaih.

1Thessalonika 2:2

Tesalon khaaw ah nangmi tengla ka law thlan vengah kaimi he Filipi khaaw ah metihtlukla n'thena u tih raina mai awm cakhaw, amah teng kalawng aka law Awlthang Theen te nangmi tengah thui hamla Pathen lawng kaimi he thincakna m'peek u.

1Timothy 6:12

Oengna loeh-lang taana poei ah na tha khueh boeih oen heng lang dungyan hingna te namah ham lo lah; Pathen lawng nang n'khue tih mingpueikung sausi thlaang yahawh haiah na oengna te acakcala na phawng te tah dungyan hingna te huh sak ham ni.

2Timothy 4:7

Loehlangna poei ah khaw ka tha khueh boeih oen ka yawm poen, athla hlang aboet kheng toela ka heeng poen; oengna te ka phoeih rapsaat poen.

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.

Hebrew 12:4

Metihtiah nangmi lawng thawlhna oen na khoelh u vengah he tahe toe atah duekna tangtang oen tah na maneng u thlan.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.