Philipi 1:27 - Matu Chin New Testament 2006

²⁷ Tahe ah awlpui tah Khrih kah awlthang lawngah a kuek angla nangmi lawng na hing u ham awm, nangmi tengla ka law thai tih kan huh u vengah khawseh, ka law thai nawh tih kan huh u nawh vengah khawseh, mengtengna pakhat oen acakla na pai u tih awlthang theen oengna dawngah kawngaihna pakhat oen thik at la raal na teek u tite yaak ka ngaih.

Matu Bible

²⁷ Khrih olthangthen kah a tingtawk la dawk hing uh. Te daengah ni ka pawk tih nangmih kan hmuh vaengah khaw, lakhla vaengah khaw, nangmih kawng te ka yaak eh. Mueihla pakhat dongah na pai uh tih, olthangthen kah tangnah dongah pakhat la hinglu na cut uh te ta.

Philipi 1:27 Iomraidhean Croise

Mathai 12:25

Ahimi kah poekna te Jesuh lawng a ming tih ahimi tengah, “Ram pakhat ah a kawpoek vai u nawh tih athloekla pek u tih raal u kawinih asanhlang cak manawh. Tih van angla khawpui pakhat tihnawhtah imkhuikaw pakhat ah pek bo u tih raal u kawinih pai thai manawh.

Caeltueih 2:46

Khawhin roekk ah Tempal bok-im ah te pum u, amami im ah buh veel haihna te a sai u tih lunghoeih lungpaih la awmngaihna thinkaw oen a caak u.

Caeltueih 24:24

Khawhin meyoeh yun nuem a awm coeng atah Filik he a yu Judah nu Drusilla oen va law hih. Ahih lawng Pawl te a khue tih Pawl lawng Jesuh Khrih ah oengna kawng a thui te a hutung hih.

Caeltueih 4:32

Oengca thli lawngah thinkaw oen lungbui khat la kang a khueh u. A-u lawngkhaw a khueh thaihu te kamah kah thaihu ni ti u tlaih nawh tih ahimi lawng a khueh thaihu boeih te khat oen khat avanpila ree u.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 1:9

A Capa kawng Awlthang Theen te ka thinkaw lungbui boeih oen ka thui tih a bii ka bi he soeng tila Pathen tah kai kah sausi la awm. Ka thangthui roekk ah nangmi kan poek yoeyah te Pathen lawng a ming.

Rom 10:8

A thui awl lawngtah, “Pathen awl tah na tengah awm, na huui na kaa dawngah na thinkaw khuiah awm” a tite tah kaimi lawng ka phawng u oengna awlthang he ni.

Rom 15:16

Khrih Jesuh kah tuihyoeihthlaang la awmna te m'peek dawngah ni. Gental thlaangphun lawngah Pathen kah do koei luciik la a awmna ham oen ah Ciim Muithla rang oen Pathen tengah nawn koei thaihu la awmna ham Pathen tengkah, Awlthang Theen ka phawng vengah he khawsoeih angla bii ka bi.

Rom 15:29

Nangmi tengla ka law vengah Khrih kah yotheenna asoepbir oen ka law ai tila ka ming.

1Korin 1:10

Maya manau thli, mami Bawipa Jesuh Khrih kah saithaina aana oen nangmi boeih tengah reenna kavan bih u, nangmi tim ah pekbona a awmna nawh ham awlthui kaalai dawngah na kaw vai u sak. Poekna pakhat, mengtengna pakhat oen ah awm uh.

1Korin 15:58

Tedawngah ka lungna maya manau thli, paihuen net lang acakla pai uh. Bawipa kah bii na bi u te metuek ah khaw apoei-oepla awm nawh tih ahong-ahii nawh ni tite na ming u dawngah Bawipa bii na bina dawngah te tokthlue poepa uh.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Korin 9:13

Nangmi lawng he bii he na bina rang oen ah Khrih kah awlthang theen te acakla na phoeih u tih na pai u thai dawngah khawseh, nangmi lawng thlaangtloe thli oen ahimi te moeihoeihna oen na peek u dawngah khawseh, thlaang yahawh lawngah Pathen te a koeh u poen ai.

Galati 1:7

Ataktang atah, “awlthang theen atloe” awm nawh, tede he tila ka thui he tah, nangmi te ngaihangtum la n'khueh tih Khrih kah awlthang theen te thawveel hamla aka yawm thlaang khatsut a awm dawngah ni.

Ephesa 1:13

Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

Ephesa 1:15

Nangmi lawng Bawipa Jesuh na oengna, Pathen kah thlaang boeih na lungna u kawng te ka yaak cuek veng kalawng,

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Philipi 1:5

Metihtiah awlthang theen bii bina ah a tong cuek kalawng tahe toe nangmi lawng nan bawm u dawngah ni.

Philipi 2:12

Tedawngah ka lungna ka paya thli, nangmi oen haih ka awm vengah ka awl na ngaai u poepa angla te tahe athla hlang la ka awm vengah khaw, ka awl he na ngaai u ham awlpui koek la awm. Nangmi kah thlawnna asoepna ham birih haitawk oen bii te bi yoeyah uh,

Philipi 2:24

Bawipa uepna oen kamah khaw nangmi tengla ka law yue ai tila ka ngaiuep.

Philipi 3:18

He kawng he n'hu vengah khaw kavan thui poepa u poen de, tahe ah mikphi oen kavan thui koep: Thinglam dawngah Khrih kah duekna te a hingna oen ah aka raalna thlaang yahawh awm.

Philipi 3:20

Tede mami tah vaan ram thlaang la n'awm u tih mami Thlawnkung Bawipa Jesuh Khrih vaan kalawng a law thuk te huerh n'lamtoen u.

Philipi 4:1

Tedawngah ka lungna maya manau thli, kan lungduetna u tih kan ngaai u tangkiik! Nangmi kawngah ka kaw hoe tih ka awmngaih tangkiik! Ka lungna maya manau thli, Bawipa dawng na hingna ah te acakla pai uh.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Kolosa 1:4

Metihtiah Khrih Jesuh ah nangmi kah oengna Pathen kah thlaang boeih na lungna u te ka yaak u dawngah ni.

1Thessalonika 3:6

Tahe ah Timote tah va meel koep poen tih nangmi kah oengna oen lungna kawng awlthang te avan khuen. Kaimi he atheen benla na poek poepa u tih kaimi lawng nangmi te huh kan ngaih u van angla nangmi lawngkhaw kaimi he huh ham na ngaih u van tite avan thui.

1Thessalonika 4:1

Aboetna ah maya manau thli, Pathen kawhoena ham metila na hing u ham a awm tite kaimi tengah na cang u poen. Kaimi tengkah na cang u angla te na hing u hamla awm tih yahawh ngaaila na hingna tare ham Bawipa Jesuh miing oen ah kan ceel u.

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.

1Timothy 1:19

Thlaang khatsut lawng athetheen mingna kawpoek te n'tu la sak u nawh tih amami kah a oengna te a phe u.

2Timothy 4:7

Loehlangna poei ah khaw ka tha khueh boeih oen ka yawm poen, athla hlang aboet kheng toela ka heeng poen; oengna te ka phoeih rapsaat poen.

Titus 2:10

a thaihu thli khaw huen pe u boel seh. Te lak atah ahimi lawng thlaang theen la a awmna, ueppang koeila a awm u te tueng sak u seh, teah ni ahimi kah saina boeih dawngah mami thlawnkung Pathen kawng cangpueina te a thangpawm u ai.

Philemon 1:5

Metihtiah Pathen kah thlaang boeih na lungna oen Bawipa Jesuh na oengna kawng ka yaak dawngah ni.

James 3:18

Roepna saikung thli lawng roepna oen a tuh amu-ati dawngkah athaih apai tah theenna te ni.

2Peter 3:11

He tila thaihu boeih he phe ham a awm dawngah nangmi lawng me ang thlaang la na awm u lah ai? Nangmi tah hingna aka ciim tih Pathen tengah pum aka pe thlaang la na awm u ham awm.

2Peter 3:14

Tedawngah ka paya thli, te Khawhin te na lamtoen u vengah Pathen huh ah aka ciim tih cawttbauh kap ohla awm ham yawm u lang amah oen roeproeicala awm uh.

Jude 1:3

Ka lungna ka paya thli, mami lawng n'dang rip thlawnna kawng he nangmi tengah ca oen thut hamla ka yawm. Pathen lawng a thlaang thli tengah vaikhatla khoekkoeng ham a peek oengna dawngah acakla pai ham nangmi tengah ca thut pahoei tih thaphawh ham ka poek.