Philipi 1:21 - Matu Chin New Testament 2006

²¹ Hingna he n'tu nuem? Kai ham tah hingna he Khrih ni. Tedawngah kai ham tah duekna he tharana ni.

Matu Bible

²¹ Kai ham tah ka hing khaw Khrih tih ka duek te khaw ka hoeikhangnah ni.

Philipi 1:21 Iomraidhean Croise

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

1Korin 3:22

Pawl, Apollos oen Piter khaw, he dilai khaw, duekna oen hingna khaw, tahe san he khaw, hai ben kah aka law koei san khaw seh he thli boeih he nangmi kah koe-ava ni,

2Korin 5:1

He dilai dawngah mami kah awmna mami pum riim-im he phe la awm atah, mami awmna ham Pathen amah kah sai dungyan aka cak im, vaan ah avan khueh ai tila mami lawng m'ming u.

2Korin 5:6

Tedawngah mami lawng thincak oen n'awm u poepa. He pumtaksa im dawngah mami n'awm khui roekk atah Bawipa kah im oen ah n'thla u tite m'ming u.

2Korin 5:8

Mami tah thincak oen n'awm u tih pumtaksa he ceh taak tih Bawipa oen im ah awm haih hamla te n'ngaih u.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Galati 6:14

Tede, kai tah mami Bawipa Jesuh Khrih kah thinglam bueng ni ka oekthloenna ai; metihtiah kai ham tah Khrih thinglam rang oen ah dilai he duek poen; kai khaw dilai ham tah ka duek poen.

Philipi 1:20

Ka ngaihna oen ka ngaiuepna tah bii ka bi he meveng khaw tlawlh nawh ham ni, tede me ang atue atang ah khaw, tahe vengah khaw raltheenna oen betoet tih ka duek ka hing ah khaw, Khrih hinyahna hamla ka pum oen ka hingna boeih peek ham he ni.

Philipi 1:22

Tede kai lawng ka hingna rang oen aphu aka awm bii te ka bi thai koei atah ame ang nuem ka tuek lah ai ka ngaai hang sut.

Philipi 1:23

He pahih lawngah kai he n'doek. He hingna he ceh taak tih Khrih oen awm haih ka ngaih tangkiik, te tah atheen ngaai thaihu ni;

Philipi 2:21

Tlaang tloe hue tah amami kah bii bueng te a khuituuk u, Jesuh Khrih kah bii te bi u nawh.

Kolosa 3:4

Nangmi kah hingna tangtang tah Khrih ni, amah a law veng atah nangmi khaw amah oen haih na phumpho u vetih amah kah ruep-awmna te na dang u van ai.

Olphong 14:13

Tecoengah vaan kah awl pakhat ka yaak tih, “He he thut lah! tahe kalawng atong vetih Bawipa kah bii te a bi dawngah aka duek tah yotheen aka dawng thlaang ni” tila a thui. Muithla lawngkhaw, “Oeih, soeng tang tang! Bii rai bina kalawng duem u poen ai. Metihtiah a biibi phu tah ahimi oen awm haih poen ai,” tila a thui.