Philipi 1:20 - Matu Chin New Testament 2006

²⁰ Ka ngaihna oen ka ngaiuepna tah bii ka bi he meveng khaw tlawlh nawh ham ni, tede me ang atue atang ah khaw, tahe vengah khaw raltheenna oen betoet tih ka duek ka hing ah khaw, Khrih hinyahna hamla ka pum oen ka hingna boeih peek ham he ni.

Matu Bible

²⁰ Ka rhingoelnah neh ngaiuepnah vanbangla yah ka pok mahpawh. Tedae sayalhnah cungkuem neh hingnah lamlong khaw, dueknah lamlong khaw a yoeyah la ka pum dongah Khrih a oep van pawn ni.

Philipi 1:20 Iomraidhean Croise

Johan 21:19

(He tila a thui he tah Piter he me ang duekna oen a duek vetih Pathen ruep-awmna te a tueng sak ai tite thuinuetna ni.) Tecoengah Jesuh lawng, “Ka hu ah baang lah!” a tina.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 21:13

Tede ahih lawng, “Me tih na ti u, he tila na rah u he ka thin navan hoepp sak u! Jerusalem ah piin ayeen ham bueng oepsoehla ka awm nawh, te ah te Bawipa Jesuh kawngah duek ham pateng khaw oepsoehla ka awm poen.” a tina.

Caeltueih 4:31

Ahimi lawng a thangthui coeng boet atah ahimi a tunna ahuen te hinghuen. Ahimi tah Ciim Muithla oen betoet u tih Pathen awl te thin awm tangkiik la a thui u.

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

Rom 5:5

Pathen lawng a lungna te mami thinkaw khuiah Pathen amah kah kutdo Ciim Muithla oen ah avan toi poen dawngah he ngaiuepna lawng mami he kawpoek boet sak nawh.

Rom 6:13

Tecoengah na pumvaang ame ang mai te khaw thaihu the saina ah hawna hamla thawlhna ah pe u tlaih boel. Te lak atah duekna kalawng hingna ah n'thawh sak koep angla doengna sai ham na pum boeih te Pathen te pe u hawn.

Rom 6:19

(Nangmi lawng yaakmingna pumsa ben ah na khueh u nawh dawngah yaakming thai koei tihinhang kah awl ka hawna) N'cui veng atah nangmi lawng athe sai hamla aciimcaih nawh oen athe-arana ah na pum te sal la na peek u rapcaat. Tetih van la tahe tah aciimcaih saina hamla na pum te doengna sal la pe u rapcaat loeih.

Rom 8:19

Pathen lawng a ca-anau thli tengah a tueng sak ham koei te a thaihu suen boeih lawng ngaiuep tangkiik oen a lamtoen u.

Rom 9:33

Caciim lawngah, “Bueh lah! Zaion ah lungto pakhat ka khueh, te lungto lawng thlaang thli te a ploeng sak vetih, te lunghiim lawngah ahimi te a tlim sak ai. Tede a-u khaw ahih te a tangna atah yaraula awm tlaih manawh,” tila a thui.

1Korin 15:31

Maya manau thli, kai tah khawhin roekk ah pacil pahaai duek thlipit la ka awm poepa! Nangmi he tah mami kah Bawipa Khrih Jesuh oen pum khat la awmna ah ka pawmsangna la na awm u dawngah he tila ka thui ni.

1Korin 6:20

nangmi te aphu oen ni n'lai u. Tedawngah na pum te Pathen kah ruep-awmna ham hawna uh.

1Korin 7:34

Tedawngah ahih te kawngaihna pahih lawngah a doek. Vaa aka sa nawh hutaa, tihnawhtah hulaa cuem lawngtah a pum oen muithla pahih bok la peek ham a ngaih dawngah Bawipa kah bii dawngah nguenthuen; tede vaa aka khueh hutaa tah a vaa te kawhoe sak ham a ngaih dawngah dilai thaihu dawng nguenthuen.

2Korin 10:8

Bawipa lawngah kaimi m'peek saithaina aana akawng alam te apueh asawmla ka oekthloenna cakhaw ka yak nawh, te kah saithaina aana tah nangmi te phena ham nawh tih nangmi lawng na roengna ham ni.

2Korin 3:12

Mami lawng he ang ngaiuepna n'khueh u dawngah n'thin cak u.

2Korin 4:10

Mami kah pum dawngah amah kah hingna te a tueng thaina ham Jesuh kah duekna te mami kah aka duek thai pum dawngah n'khuen poepa.

2Korin 5:15

Khrih lawngah thlaang boeih hamla a duek he tah thlaanghing lawng a hing khuiah amah ham bueng la hing tlaih ohla ahimi ham duek tih aka tho koep thlaang hamla te hing ham ni.

2Korin 7:14

Kai lawng nangmi kawng te ahih tengah ka oekthloenna u poen, nangmi lawng kai he tha nan the sak u nawh. Kaimi lawng nangmi tengah awltak te ka thui yoeyah u tih te tila Titas tengah ka oekthloen u te khaw soeng.

2Korin 7:4

Nangmi te kan uep kan pangna tangkiik; Nangmi kawngah ka pawmsang u! Kaimi lawng raina soeprep ka tawng cakhaw thincak oen ka awm; Awmngaih kawhoena oen ka betoet.

Philipi 1:14

Tecoengah thong ka tlaakna lawngah he maya manau yahawh ngaai kah Bawipa a uepna te tare acak pe sak, tedawngah ahimi lawng a raal theen tare u tih rih ohla awlthang theen te a thui u.

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

1Peter 4:16

Tede khrihca la na awm u dawngah patang na khang u oh atah yak u roe boel, nangmi lawng Khrih miing te na lengkoena u dawngah Pathen te koeh u lah.

1Johan 2:28

Ka ca thli, amah oen pumkhatla awm uh, metihtiah amah a tueng vengah mami tah raltheenna oen m'be u vetih amah a lawna Khawhin ah ayahtoela a teng kalawng thuh-elh u ham ngoe tlaih manawh.