Philipi 1:15 - Matu Chin New Testament 2006

¹⁵ Thlaang khatsut lawng atah uet-eena thinkaw oen, khatsut lawngtah tawhthaam ngaihna kawpoek oen Khrih awlthang theen te a thui u tangtang, tede khatsut lawngtah thinkaw ciim oen a thui u.

Matu Bible

¹⁵ Hlangvang loh uethnetnah, tohhaemnah neh om uh ngawn dae hlangvang ngawn tah Khrih kawng te kolonah la a hoe uh.

Philipi 1:15 Iomraidhean Croise

Mathai 23:5

Thlaang kah huh theenna ham bueng thaihu soeprep a sai u. A luu oen a baan dawngah a yeen u Caciim bu ke bueh u lah! metihtlukla a bo tih a himbai hmoi metila a san.

Caeltueih 10:36

Thlaang boeih kah Bawipa la aka awm Jesuh Khrih rang oen ngaimawngna Awlthang Theen a thui tih Israel thlaang thli tengah Pathen lawng a peek te na ming u.

Caeltueih 11:20

Tede Saipras oen Sairi khaw kah thlaang, atloe oengca thli te Antiok la cet u tih Gental thlaangphun thli tengah khaw, awlthang te a phawng pe u tih Bawipa Jesuh kawng Awlthang Theen te a thui pe u.

Caeltueih 5:42

Khawhin roekk ah Tempal bok-im khuiah khaw, im ah khaw, Messiah Jesuh kawng Awlthang Theen te ahimi lawng a thui u tih a cang puei yoeyah u.

Caeltueih 8:35

Tecoeng atah Filip lawngah te kah caciim awl kalawng ah a tong pe tih Jesuh kawng Awlthang Theen te ahih tengah a thui pe.

Caeltueih 8:5

Filip tah Samaria ram kah khawpui la te cet tih te kah aka awm thlaang thli tengah Messiah kawng te a thui pe.

Caeltueih 9:20

Ahih lawng sinakok bok-im boeih ah te cet tih Jesuh tah Pathen Capa ni tite a thui.

Rom 2:8

Thlaang khatsut lawngtah amami ham bueng a poek u tih asoeng thaihu te a hoett, thaihu the saina te a vai u; Pathen lawng thinsana oen thinlingna te ahimi sawah a hok pe ai.

1Korin 1:23

Kaimi lawngah thinglam dawngkah a ngawn u Khrih te ka phawng u tih te awlthang te Judah thlaang thli ham tah tlimna lungto la awm tih Gental thlaang thli ham tah awlpoei la awm;

1Korin 13:3

Kai lawngah ka khueh thaihu boeih he khawdeng harah te ka rek ka ra boeih mai tih ka pum he luciik la thawthueng ham ka pe mai cakhaw lungna ka khueh nawh atah kai dawngah atheenna roe awm nawh.

2Korin 1:19

Metihtiah, Silas, Timote oen kamah lawngkhaw nangmi tengah kavan phawng u Pathen Capa Jesuh Khrih te tah “Oeih” ti oen ah, “Nawh ni” tila thlumthle awl aka thui nawh ni. Tetih ohla ahih tah Pathen kah, “Oeih” tina ni.

2Korin 11:13

Te ang thlaang thli te celtuih tangtang nawh ni, ahimi tah celtuih rawlrap thli ni, amami kah biibina kawngah hoem a thui u tih Khrih kah celtuih tangtang angla aka sa u mai ni.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

2Korin 4:5

Kaimi lawng kamami kawng he ka thui u nawh; kaimi lawng Jesuh Khrih tah Bawipa ni tila ka thui u tih Khrih hamla kaimi he nangmi kah tuihyoeihthlaang la ka awm u.

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Philipi 2:3

Nangmi lawngah mah ham bueng poekna, oekthloen ngaihna mai oen ah thaihu khat khaw sai boel, thlaangtloe he nangmi lak ah theen ngaai tila poek poepa langtah pakhat oen khat boe-ngai uh.

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.