Philipi 1:1 - Matu Chin New Testament 2006

¹ Khrih Jesuh kah tuihyoeihthlaang Pawl oen Timote lawng, Khrih Jesuh ah pumkhat la aka awm Filipi khaaw kah Pathen thlaang boeih khrihcabu mawtkung hue oen bawmkung boeih tengah ca kavan pat.

Matu Bible

¹ Jesuh Khrih kah sal rhoi Paul neh Timothy loh Philipi ah aka om hiphoelkung rhoek, tueihyoeih rhoek neh Jesuh Khrih ah hlangcim rhoek boeih taengah kan yaak sak.

Philipi 1:1 Iomraidhean Croise

Marku 13:34

N'tu oen a lawh u ti atah, thlaang pakhat tah khawlawng thla la yin cet tih a tuihyoeihthlaang thli te bii a peek, ahimi pakhat rip te a sai ham koei bii te a peek coengah thawhka toetkung te khaw ngaithuen cala a toet ham a uen a tawn heet oen lo u.

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Caeltueih 1:20

“Saam cabu dawngah, ‘A im te imrongg dingratt la awm selang tah im khuiah a-u khaw awm boel seh’ tila a thut. Tecoengah, ‘Ahih kah bi yueng te thlaangtloe lawng bi seh’ tila a thut te khaw awm.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Caeltueih 9:13

Ananias lawng, “Bawipa, thlaang yahawh lawngah he kah thlaang kawng khaw, Jerusalem kah na thlaang thli tengah rih-awm thaihu a sai boeih kawng te khaw avan thui u.

Rom 1:1

Khrih Jesuh kah tuihyoeihthlaang, Pathen lawng Awlthang Theen phawng hamla n'tuek tih n'khue celtuih Kai Pawl lawng ca kavan pat.

Rom 1:7

Tedawngah Pathen lawng a lungna tih a thlaang la coengg ham a ceel Rom khawpui ah aka awm nangmi boeih tengah he ca he kavan pat. Pathen oen Bawipa Jesuh Khrih kah lungvatna oen ngaimawngna tah nangmi tengah awm hawn seh.

1Korin 16:10

Nangmi tengla Timote he avan pha vengah a awmdamna nawh hamla nangmi lawng atheenla ngawlh pai puei uh, ahih he kai angla Bawipa kah bii ni a bi.

2Korin 1:1

Pathen kawngaihna rang oen Khrih Jesuh kah celtuih la aka awm kai Pawl oen mami kah manau Timote lawng Kawrin khaw kah Pathen khrihcabu oen Akhaia peng pum ah aka awm Pathen thlaang thli tengah ca kavan pat u.

Galati 1:10

He tila ka thui he thlaanghing kawkhuekna dang ham aka yawm angla ka awm aw? Te tila dang ham ka yawm nawh! Pathen kah kawkhuekna te ni ka ngaih. Thlaanghing teng kah mik-hai theen te dang ham ka yawm aw? kai lawng te tila dang ham ka yawm khiing atah kai he Khrih kah tuihyoeihthlaang la ka awm manawh.

Galati 3:26

Khrih Jesuh ah pumkhatla awmna dawngah nangmi boeih lawng Pathen kah ca-anau la na awm u he tah oengna rang oen ni.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Ephesa 1:1

Pathen kawngaihna oen Khrih kah celtuih pakhat la aka awm kai Pawl lawngah, Khrih Jesuh oen pumkhatla awmna dawngah aka hing tih uep-awm la khaw aka sa Efesa khaaw kah Pathen thlaang thli nangmi tengah ca kavan pat u.

Ephesa 1:15

Nangmi lawng Bawipa Jesuh na oengna, Pathen kah thlaang boeih na lungna u kawng te ka yaak cuek veng kalawng,

Ephesa 6:24

Mami kah Bawipa Jesuh Khrih te aka duek nawh lungna oen ah aka lungna boeih sawah Pathen lungvatna awm hawn seh.

Philipi 2:19

Nangmi kawng awlthang te yaakna oen ka tha a thluena ham Bawipa lawng a kawngaih atah nangmi tengla Timote he kavan tuih yue ai tila ka poek.

Philipi 2:5

Khrih lawng a khueh kawpoek te nangmi lawngkhaw khueh ham awm.

Philipi 3:12

He ang thli dawngah he taana ka khueh poen, thlaangsoep la ka awm poen tina nawh ni. Khrih Jesuh lawng amah hamla kai he n'tuuk khak poen tih kai hamla avan khueh kutdo te dang hamla tha ka huer.

Philipi 3:3

Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

1Thessalonika 1:1

Pawl, Silas oen Timote lawngah Pa Pathen oen Bawipa Jesuh Khrih kah thlaang la aka awm Tesalon khaw kah khrihcabu tengah ca kavan pat u. A lungvatna, ngaimawngna tah nangmi tengah awm hawn seh.

1Thessalonika 2:2

Tesalon khaaw ah nangmi tengla ka law thlan vengah kaimi he Filipi khaaw ah metihtlukla n'thena u tih raina mai awm cakhaw, amah teng kalawng aka law Awlthang Theen te nangmi tengah thui hamla Pathen lawng kaimi he thincakna m'peek u.

2Thessalonika 1:1

Pawl, Silas oen Timote lawngah mami kah Pa Pathen oen Bawipa Jesuh kah thlaang thli, Tesalon khaw kah khrihcabu tengah ca kavan pat u.

2Thessalonika 1:10

a lawna khawhin ah ahimi tah Bawipa teng kalawng ah thek u boeih ai. Nangmi tah kaimi lawng ka phawng awlthang te na tangna u dawngah Bawipa te ruep-awmna oen hinyahna aka pe thlaang thli tim ah na thuum u ai.

1Timothy 1:2

Oengna ah ka capa tangtang la aka awm Timote nang hamla ca kavan pat. Pa Pathen oen Bawipa Jesuh Khrih lawngah lungvatna, reenna oen ngaimawngna te m'pe hawn seh.

1Timothy 3:8

Khrihcabu khuikah bawmkung thli khawseh khawboe ramlang aka theen tih kawpoek ciim aka khueh thlaang seh; ahimi tah yuu aka aw nawh tih tangka ngaihmoekna aka khueh nawh thlaang seh;

Titus 1:1

Pathen kah tuihyoeihthlaang oen Jesuh Khrih kah celtuih kai Pawl lawng ca kavan pat. Pathen lawng a tuek thlaang thli kah oengna cak sak ham oen mami kah bokna oen awltak cangna ah ahimi te mawt hamla tuek la ka awm tih n'tuih.

Titus 1:7

Metihtiah Khrihcabu mawtkung tah Pathen kah biitungpui khuehkung la a awm dawngah cawttbauh aka kap nawh thlaang seh. Ahih tah amah oen amah thoemthai koek la aka ngaai u nawh, thin aka toi nawh, yuu aka aw nawh, khawpaw rang-au la aka awm nawh, tangka ngaihmoekna aka khueh nawh thlaang seh.

Philemon 1:1

Khrih Jesuh kawngah thongtla kai Pawl oen mami kah manau Timote lawng puei paw oen bii bi haih la aka awm Filemon oen,

Hebrew 13:23

Mami kah manau Timote te thong khui kalawng a thlah u poen tite nangmi ming sak ham ka ngaih. Ka tengla avan pha yue atah nangmi kan hip vengah ahih te kavan law puei ai.

James 1:1

Pathen oen Bawipa Jesuh Khrih kah tuihyoeihthlaang Jeem lawngah dilai peng tawm ah aka yan khonghak Pathen thlaang thli te kan toei u.

1Peter 2:25

Nangmi tah lawngpui aka hang tuu oen na lo u, tede tahe tah nangmi kah hingna Doenkung Tuudoen hu ah bang hamla nangmi te m'mel sak koep poen.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah:

Olphong 1:1

He cabu he tah Jesuh Khrih lawng a phawng thaihu kawng thutna ni. He awlphawng tah aka thoeng yue ham koei te a tuihyoeihthlaang thli tengah tueng sak ham Pathen lawng a peek. Khrih lawngah he thaihu thli he a tuihyoeihthlaang Johan te ming sak hamla vanthlaang te a tuih tih,

Olphong 1:20

Ka bantang kut dawngah na huh aisi pasarih oen sui haivangna pasarih kah thuingaihna awlhuep tah he tila awm: aisi pasarih hue he tah Khrihcabu thli pasarih kah vanthlaang tih haivangna pasarih tah Khrihcabu pasarih ni.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.

Olphong 2:12

Perkamum khaaw Khrihcabu kah vanthlaang tengah he tila thut lah: “He awl tah voei vang aka hatt samsen khuehkung kah awl ni.

Olphong 2:8

“Smarna khaaw Khrihcabu kah vanthlaang tengah he tila thut lah: “Lamhacuek oen hukhueng koek la aka awm; duek tih aka tho koep kah awl uen tah he tila awm.

Olphong 22:9

Tede ahih lawngah, “Te tila sai boel! Kai khaw nang oen nang kah maya manau tawngha thli oen ah he cabu khuikah awl aka vai thlaang boeih kah pueipaw van ni. Pathen te mah bok lah!” tila a thui.