Philemon 1:9 - Matu Chin New Testament 2006

⁹ Tede, kan lungna dawngah reenna kavan bih. Jesuh Khrih kah laipai, tahe Jesuh Khrih kawng ah thongtla kai Pawl lawng reenna kavan bih.

Matu Bible

⁹ Patong bangla aka om Paul long he lungnah neh lat kan hloep.

Philemon 1:9 Iomraidhean Croise

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

2Korin 5:20

Tedawngah kaimi lawng Khrih yueng la awl ka thui u; Pathen amah lawng nangmi te n'ceel angtoekla ni kaimi lawng kan ceel u. Nangmi lawngah Pathen kah raal la awmna kalawng a paya la awm u loeih tila kaimi lawng Khrih yueng ah kan ceel u.

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Galati 3:26

Khrih Jesuh ah pumkhatla awmna dawngah nangmi boeih lawng Pathen kah ca-anau la na awm u he tah oengna rang oen ni.

Ephesa 3:1

He kawngah ni Khrih Jesuh kah thongtla Kai Pawl lawng nangmi Gental thlaangphun ham Pathen tengah ka thangthui.

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Ephesa 6:20

Tahe ah kai he thong khuiah ka awm de, he awlthang theen ham laipai la ka awm. Ka thui ham tuueng awlthang theen kawng te raltheen oen ka thuina ham thangthui uh.

1Timothy 1:12

Bii ka bina dawngah tharana pekung Khrih Jesuh mami kah Bawipa tengah awmngaih ciil ka thui. Kai he amah kah bii bi hamla tueng aleng tila a poek tih bii m'peek dawngah ka uem tangkiik.

Titus 2:2

Tawngpa kum haam hue te amah oen amah kuemsuem uh, asoeng oengna dawngah awm uh, lungna oen uehthaina khueh uh, tila te thuituen.

Hebrew 13:19

Pathen lawngah nangmi tengla kai he ayuela n'tuih koep ham ah thinkaw thluembuekcala thangthui ham kan ceel u.

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.