Philemon 1:22 - Matu Chin New Testament 2006

²² Tecoengah kai hamla a huen pakhat ah pahoei roekbah oepsoeh, nangmi boeih kah thangthuina te Pathen lawng avan thung vetih kai he nangmi tengla m'pha sak koep ngai ai tila ka ngaiuep dawngah ni.

Matu Bible

²² Pahoi ah kai ham khaw pahnah rhoekbah lah. Nangmih kah thangthuinah rhangneh nangmih khodawkngai ham te ka ngaiuep.

Philemon 1:22 Iomraidhean Croise

Caeltueih 27:24

‘Pawl, lakueng boel! Sengpahrang sangluel haiah na pai ngaikhoek ai. Pathen he na sawah atheen dawngah nang oen aka cet haih thlaang boeih kah hingna te a thlung poen’ tila avan thui.

Caeltueih 28:23

Tedawngah ahimi lawng Pawl oen khawhin a tuntah u tih thlaang broe te tuntahna khawhin ah Pawl a pahna im la te cet u. Mincang kalawng thlemben toe Pathen ram kawng awlthang te a thui pe, tecoengah tawngha thli kah cathut oen Mosi Phungawl khuikah te athoel alaang pe tih Jesuh kawng te ahimi lawng a yaakming na ham a thui pe.

Rom 15:24

tahe tah nangmi tengah ka law thai poen ai tila ka ngaiuep. Sping ram la yin ka ceh vengah nangmi oen huh u ham ka ngaih tih nangmi tengah kawlkalh ka cam coengah tela te ceh ham tah nan bawm u ham ka ngaih.

2Korin 1:11

Tedawngah nangmi lawng kaimi ham na thangthui poepa u te Pathen lawng avan thung vetih kaimi he yotheenna n'peek ai, thlaang yahawh lawng a awl a huer u vetih kaimi ham awmngaih ciil a thui u ai.

Philipi 1:19

Metihtiah nangmi kah thangthuina rang oen Jesuh Khrih kah Muithla dawng kalawng aka law bawmna oen ka loeih ngai ai tila ka ming dawngah ni.

Philipi 2:24

Bawipa uepna oen kamah khaw nangmi tengla ka law yue ai tila ka ngaiuep.

Hebrew 13:19

Pathen lawngah nangmi tengla kai he ayuela n'tuih koep ham ah thinkaw thluembuekcala thangthui ham kan ceel u.

Hebrew 13:23

Mami kah manau Timote te thong khui kalawng a thlah u poen tite nangmi ming sak ham ka ngaih. Ka tengla avan pha yue atah nangmi kan hip vengah ahih te kavan law puei ai.

James 5:16

Tedawngah nangmi lawng na thawlhna te pakhat oen khat tengah phawng u lang khat oen khat hamla te thangthui uh, te atah nangmi na hoeih u ai. Thlaangdoeng kah thangthuina tah huham tharana awm.

2Johan 1:12

Nang tengah awl thui ham yahawh tangkiik awm de caram dawng catui cahaang oen ka thut nawh vetih mami awmngaih kawhoena asoepna ham ah nangmi oen pumpakla awlthui ham kamyin la nangmi teng law ham ka cai.

3Johan 1:14

Nangmi te ayuela huh ham ka ngaih, tevengah pumpakla mami lawng awl n'thui u badai.