Philemon 1:17 - Matu Chin New Testament 2006

¹⁷ Tedawngah kai he biibipuei la na poek atah kai nan do ham koei angla te ahih he do koep lah.

Matu Bible

¹⁷ Te dongah kai he pueipo la nan khueh atah kai bangla anih te doe.

Philemon 1:17 Iomraidhean Croise

Mathai 10:40

“A-u khaw nangmi aka do thlaang tah kai aka do thlaang la awm tih a-u khaw kai aka do tah kai aka tuihkung te a do.

Mathai 18:5

A-u khaw ka miing oen he ang camaw pakhat he a do atah kai aka do thlaang ni.

Mathai 25:40

Sengpahrang lawng, ‘Atak tang kavan thui u; He kah ka boenhui huhsit koek pakhat tengah na sai u te ka sawah na sai u poen ni,’ a tina ai.

Caeltueih 16:15

Amah oen a imkhuikaw thlaang boeih lawng baptisma a huh u coeng atah, “Kai he Bawipa ah oengca taktak la nan poek u atah law u lang ka im ah pah uh.” tila n'ceel u. Tecoeng atah a im la ceh ham kaimi te n'tongnolh u.

2Korin 8:23

Titas tah kaimi oen biibipuei haih la awm tih nangmi bawm ham kaimi oen bii aka bi haih ni; ahih oen haih aka law atloe maya manau hue te tah khrihcabu thli kah laipai la awm u tih Khrih te a thaang aka theen sak ni.

Ephesa 3:6

Te awlhuep tah awlthang theen rang oen Gental thlaangphun lawng Judah thlaangphun oen haih Pathen kah yotheen kam awmna te a dang poen; ahimi tah pumkhat dawngah aka thuum haih van poen tih Jesuh Khrih rang oen ah Pathen kah awlkam te a dang poen.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

1Timothy 6:2

Bawimanghai thli te khrihca la a awm u atah ahimi khaw mami kah maya manau la awm van poen ti u boel selang sal thli lawngah te hinyah ohla awm u boel seh. Ahimi kah bii te atheenla a bi pe tare ham awm. Metihtiah ahimi kah biibina rang oen hoeikhangna aka dang te tah ahimi lawng a lungna khrihca thli van ni.

Philemon 1:10

Tedawngah, thong ka tlaak vengah he Muithla ben ah ahih kah anna pa la ka awm tih Khrih ah ka capa la aka awm Onisimas yuengla na tengah reenna kavan bih.

Philemon 1:12

Tahe ah namah tengla ahih he kavan tuih koep de ka thinkaw tah ahih tengah awm.

Philemon 1:18

Na sawah ahih lawng thawlhpalhna a sai tih laiba mai khaw a awm atah kai kah laiba la khueh mai hawn.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

Hebrew 3:14

Metihtiah mami lawng acuekca veng kah ngaikhuekna n'khueh te aboettoe acakla m'phoeih rapsaat atah mami boeih tah Khrih oen bii bi haih la ng' awm u.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

1Johan 1:3

Kaimi lawng ka huh u tih ka yaak u te nangmi tengah khaw kavan phawng u. Pathen oen a Capa Jesuh Khrih oen ah kaimi lawng ka khueh pawlneengna dawngah nangmi khaw na thuum thaina ham kaimi lawng ka huh tih ka yaak te nangmi tengah khaw kavan phawng u.