Philemon 1:16 - Matu Chin New Testament 2006

¹⁶ Tahe ah ahih tah sal mailai tlaih nawh ni, tede ahih tah sal lak ah atheen ngaai Khrih ah mami kah lungna boenhui la ni a awm poen. Kai hamla tah ahih he aphu awm tangkiik, nang ham tah sal pakhat la khaw Khrih ah boenhui pakhat la khaw metila aphu a awm tare ai.

Matu Bible

¹⁶ Anih he sal voel pawt tih sal lakah olpuei la kai ham tah thintlo manuca la om coeng. Pumsa neh Boeipa ah nang ham muep lat hoeikhang coeng.

Philemon 1:16 Iomraidhean Croise

Mathai 23:8

Tede nangmi tah, ‘Saya’ tila khue ham ngaih u boel, nangmi tah boenhui la na awm u dawngah, ‘Saya’ tila khue ham pakhat bueng ni na khueh u.

Caeltueih 9:17

Tedawngah Ananias lawng cet tih Sawl a awmna im khuila te kuun tih a sawah kut a tloeng pe. Ahih lawng, “Ka manau Sawl, he la na law vengah lawngpueng ah te namah tengah aka phumpho Bawipa Jesuh amah lawng kai he n'tuih. Na mik te a tueng koep na ham Ciim Muithla oen na betoet na hamla ni kai he n'tuih.” a tina.

1Korin 7:22

Metihtiah Bawipa lawng a khue Sal pakhat he Bawipa kah thlaangcuem la awm poen; tetih van angla thlaangcuem a-u khaw Khrih lawng a khue atah ahih kah saltamnaa la ni a awm.

Kolosa 3:22

Sal thli aw, soeprep boeih ah dilai hankah na manghai bawi hue kah awl te ngaai pe uh. Nangmi lawng ahimi kah kawtlaakna te na ngaih dawngah a mik-huh bueng ah a awl te ngaai mai ohla Bawipa hinyahna oen ah na thinkaw tangtang oen a awl ngaai pe uh.

1Timothy 6:2

Bawimanghai thli te khrihca la a awm u atah ahimi khaw mami kah maya manau la awm van poen ti u boel selang sal thli lawngah te hinyah ohla awm u boel seh. Ahimi kah bii te atheenla a bi pe tare ham awm. Metihtiah ahimi kah biibina rang oen hoeikhangna aka dang te tah ahimi lawng a lungna khrihca thli van ni.

Hebrew 3:1

Pathen kah thlaangkhue, Khrihca thlaangciim maya manau thli! Mami kah bokna phung ben ah Khawsoeih Bawi la awm ham Pathen lawng avan tuih Jesuh kawng te poek u lah.

1Johan 5:1

A-u khaw Jesuh Khrih tah Messiah ni tila aka tangna tah Pathen kah a ca ni. A-u lawngkhaw ana Pa te a lungna atah, ana Pa kah a ca thli te khaw a lungna.