Philemon 1:10 - Matu Chin New Testament 2006

¹⁰ Tedawngah, thong ka tlaak vengah he Muithla ben ah ahih kah anna pa la ka awm tih Khrih ah ka capa la aka awm Onisimas yuengla na tengah reenna kavan bih.

Matu Bible

¹⁰ Tedae Khrih Jesuh kah thongtla long khaw ka ca ham te nang kan hloep coeng. Amah Onesimas he hloong dongah ni ka sak.

Philemon 1:10 Iomraidhean Croise

Marku 9:17

Thlaangping tim kah thlaang pakhat lawng, “Saya, ka capa raaithe lawng a tuuk tih awl khaw a cal thai nawh dawngah nang tengla kavan law puei.

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

1Korin 4:14

Nangmi he yah sak hamla ka ngaih dawngah nawh tih ka lungna ca-anau angla toelthaam ham ka ngaih dawngah ni kavan thut.

1Korin 4:15

Metihtiah nangmi kah Khrihca khawsakna dawngah doenkung thli thongha na khueh u mai cakhaw na Pa tah pakhat bueng ni na khueh u. Metihtiah Khrih Jesuh oen pumkhatla na hingna dawngah Khrih Awlthang Theen nangmi tengah kavan khuenna rang oen na pa tah kai ni.

Galati 4:19

Ka lungna ka ca ka nau thli! Nangmi kah thinkaw ah Khrih moeiboe a awm thlantoe tah hutaa lawng camoe a awm vengah tlawhna a ming angla te ka ming koep hun ai.

Kolosa 4:9

Ahih oen haih Onisimas khaw va law van ai. Onisimas he ka lungna tih ka uepna ka manau, nangmi tim ah aka thuum van ni. He kah thaihu boeih aka coengg hang he ahih rawi lawng avan thui ai.

1Timothy 1:2

Oengna ah ka capa tangtang la aka awm Timote nang hamla ca kavan pat. Pa Pathen oen Bawipa Jesuh Khrih lawngah lungvatna, reenna oen ngaimawngna te m'pe hawn seh.

Titus 1:4

Mami cuutna u oengna dawngah ka ca taktakla aka awm Titas, nang tengah ca kavan pat. Pa Pathen oen mami thlawnkung Jesuh Khrih lawngah lungvatna, ngaimawngna te m'pe hawn seh.

Philemon 1:11

N'hu vengah tah nang hamla ahih he cawmthawkk nawh, tede tahe tah nang oen kai ham la cawmthawkk poen.

Philemon 1:13

Awlthang theen kawngah thong ka tlaak veng he ah nang yuengah kai bawmcemkung la ahih he ka tengah awm sak ka ngaih.

3Johan 1:4

Ka ca thli te awltak dawngah awm u tila ka yaak thloei ah kai awmngaih sak tare ngai atloe awm nawh.