Olphong 8:12 - Matu Chin New Testament 2006

¹² Tecoengah vanthlaang apaliina lawng pengsara a tum vengah khawmik thloep thum ah thloep at tah see tlaih nawh tih thla khaw thloep thum ah thloep at, aisi thloep thum ah thloep at vaang tlaih nawh. A aangna thloep thum ah thloep at auh boeih. Yiin thloep thum ah thloep at, daai thloep thum ah thloep at ah aangna te awm tlaih nawh.

Matu Bible

¹² Puencawn a pali loh a ueng vaengah Khomik te hlop thum, hla te khaw hlop thum, aisi te khaw hlop thum te a hnaa. Te daengah ni amih hlop thum loh hmuep vetih khothaih hlop thum a phoe pawt eh. Te vaengah khoyin tah amah boeiloeih la om.

Olphong 8:12 Iomraidhean Croise

Mathai 24:29

“Te tila raina khawhin akhum coeng khoeng atah khaw yiin khoep ai, thla lawngkhaw hop ai, vaan kalawng aisi tla ai, vaan kah huham tharana thli boeih lawng hinghuen ai.

Mathai 27:45

Hingthun ah ram pum boeih te yiinna lawng a thiing khoep tih khawnoek pathum khui yiin khoep.

Marku 13:24

“Te kah patang raina atue khawhin coeng atah khawmik lawng yiin khoep ai, thla lawngkhaw vang tlaih manawh.

Marku 15:33

Hingthuntaang ah ram pum boeih te khawnoek pathum khui yiinna lawng a thiing khoep.

Luka 21:25

“Te atah khawmik, thla oen aisi thli dawngah, noekna alakloe te thoeng ai. Dilai sawkah ram boeih lawng tuitunlii kah tuisambaak awl oen tuilet thawh awl te a rih u vetih ngaihang khawbing la awm ai.

Caeltueih 2:20

Bawipa kah khawhin, ruep-awm oen alenduet te a pha thlan ah khawmik te yiin khup vetih thla lawngkhaw thisen angla lingduuk la awm ai.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

Olphong 12:4

Ahih lawngah vaan kah aisi thloep thum ah thloep at te a mai oen ah a khawl tih dilai la a voeih. Ruultluung lawngah camoe te a awm atah doelh pahoei hamla a ca awm tawm-alel hutaa haiah te pai.

Olphong 16:10

Tecoengah pa-ngaana vanthlaang lawng amah kah beeldung te satluung kah bawingawlhcoen dawngah a hok. Satluung kah ram pum te yiinna lawng a khuk muelh tih te ram kah thlaang thli lawng patang a khang uett ah a lai te a kueh u.

Olphong 6:12

Tecoengah Tuuca lawng tacik deng parukna te a awng te ka huh. Likluei angaih-hlangla hinghuen tih khawmik khaw himbai pawn amuuem angla muuem tih thla khaw apum boeih la thisen angla ling.

Olphong 9:15

Vanthlaang palii hue te a thlah u. Ahimi te he kum, he thla, he khawhin kah atue atang roe ah dilaipum kah thlaangmi thloep thum ah thloep at te ngawn hamla aka awm oepsoeh thlaang hue poen ni.

Olphong 9:18

Marang thli kah kaa khui kalawng aka thoeng hai, haikhu oen kat haialh tlawhtahaw pathum lawngah thlaanghing thloep thum ah thloep at te a ngawn boeih.