Olphong 7:2 - Matu Chin New Testament 2006

² Tecoeng ah aka hing Pathen kah tacik deng aka pawm vanthlaang pakhat lawng khawcuuk ben kalawng a law hang te ka huh. Ahih lawng dilai oen tuitunlii sawah patang khang sak thaina aka khueh vanthlaang palii hue te angaihhlangla paang tih a khue.

Matu Bible

² Te phoeiah aka hing Pathen kah kutnoek aka pom puencawn pakhat te khomik kah khocuk lamloh ha thoeng te ka hmuh. Anih taengah diklai neh tuitunli te hmalaem sak ham a paek tangtae puencawn pali te ol ue neh a doek.

Olphong 7:2 Iomraidhean Croise

Mathai 16:16

Simon Piter lawng, “Nang tah aka hing Pathen Capa Messiah ni,” a tina.

Mathai 26:63

Tede Jesuh lawng n'tu khaw thui nawh. Khawsoeih Bawi lawng pai koep tih, “Aka hing Pathen miing ka phoei tih kan doet: Nang he Pathen Capa Messiah tang aw thui lah?” a tina.

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

2Korin 1:22

amah koe la awmna miknoekna te mami sawah a deng tih mami ham a toen oepsoeh boeih te aamahkhanna ham mami thinkaw ah Ciim Muithla pekung tah Pathen amah ni.

Ephesa 1:13

Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

1Thessalonika 1:9

Nangmi tengah kamyin la ka law u vengkah kaimi metila nan do nan dan u kawng te khaw, kutsaimuei te na hoett u tih Pathen te metila na pan u tite khaw, aka soeng tih aka hing Pathen kah bii te bi ham oen ah,

2Timothy 2:19

Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

Hebrew 12:22

Tede nangmi ngoen tah Zaion Tlaang vanthlaang toeklek toekna oen a awmna, vaan Jerusalem aka hing Pathen kah khawpui la te na law u.

Olphong 1:3

He cabu aka tae thli tah a kam awm phoeih tih tawngha kah awlthang awl aka hutung thli oen he cabu khuiah a thut he aka vai tah yotheen a dawng u. Metihtiah he thaihu boeih a thoengna ham atue tah yoeii tengkek poen.

Olphong 10:1

Tecoengah tha aka ra vanthlaang atloe pakhat vaan kalawng a rum thuk te ka huh. Ahih lawngah muui oen yaawl u tih a luu te malpacung oen a yeen; A mik-hai tah khawmik oen lo u tih a khow rawi tah aka alh hai tuung angla awm.

Olphong 10:4

Khawhumm pasarih kah awlthui te thut hamla ka kamthlah vengah vaan kah awl lawngah “khawhumm pasarih kah awl te awlhuep la khueh, thut boel de!” a ti te ka yaak.

Olphong 16:12

Tecoengah aparukna vanthlaang lawng amah kah beeldung te Yufratis tuivapui dawngah te a hok. Tuivapui te kak rup tih khawcuuk ben kalawng aka law sengpahrang thli ham lawngpui a awng pe.

Olphong 5:2

Tecoengah tha aka ra tangkiik vanthlaang pakhat ka huh tih te vanthlaang lawng, “A-u nuem he thawhcang heen aka phe tih cayaawl thlam ham aka tuueng?” tila angaihhlangla a paang awl te ka yaak.

Olphong 8:3

Atloe vanthlaang pakhat riimtuui huihthlutna pakhat aka pawm te law tih bokna-thaang tengah te pai. Bawingawlhcoen haiah aka awm sui oen a sai bokna-thaang dawngah Pathen thlaang boeih kah thangthuina oen nawn haih ham riimtuui yahawh hlang ahih te a peek.

Olphong 9:14

Te awl lawngah pengsara aka tum vanthlaang aparukna te, “Yufratis tuivapui ah a khawh mangkhak vanthlaang palii hue te thlah loeih,” a tina.

Olphong 9:4

Te kah khaurang thli te dilai han kah ramtliim khaw thingkung rawkung oen atloe thingkung khaw, phe ham awl pe nawh tih a tal ah Pathen kah tacik deng aka awm nawh thlaang thli bueng ni te thli lawng a phe thai ai.