Olphong 5:6 - Matu Chin New Testament 2006

⁶ Tecoengah tuuca pakhat bawingawlhcoen alungkir ah pai tih ramsa hing palii oen ahaamca thli lawng a veel khoep te ka huh. Te tuuca tah ngawn tangte angla awm. Te tuuca lawng ki pasarih oen mik pasarih a khueh tih; te mik pasarih tah dilai pum ah tuih la aka awm Pathen Muithla pasarih te ni.

Matu Bible

⁶ Te phoeiah ngolkhoel neh mulhing pali laklo neh patong rhoek lakli ah a ngawn tangtae bangla tuca a pai te ka hmuh tih ki parhih neh mik parhih a khueh. Te rhoek tah diklai pum la a tueih Pathen kah mueihla parhih ni.

Olphong 5:6 Iomraidhean Croise

Luka 1:69

Ahih lawngah amah kah tuihyoeihthlaang Devid cadil tha aka ra Thlawnkung avan tuih poen.

Johan 1:29

Avuen khawhin atah amah tengla Jesuh a law te Johan lawng a huh tih, “Dilai thawlhna aka phuei Pathen kah Tuuca ke bueh u lah!

Johan 1:36

Jesuh a yingyawi te a huh tih, “Pathen kah Tuuca ke bueh hih lah!” a tina.

Caeltueih 8:32

Ahih lawngah caciim awl a tae te tah: “Ngawn hamla a khuen tuuca angla a mawt u tih, a mul te a vawkk pe vengah awl kaa aka law nawh tuucano angla awm, ahih tah awl kam at khaw thui nawh.

Olphong 1:4

Johan teng kalawng, Asia ram khuiah aka awm Khrihcabu pasarih tengah: Aka awm lii, aka awm poen tih aka awm poe ham koei Pathen teng kalawng amah ngawlhcoen hai kah Muithla pasarih teng kalawng,

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 14:1

Tecoengah ka dan hang vengah Zaion Tlaang ah tuuca aka pai te ka huh; ahih kah miing oen ana Pa kah miing a tal ah aka thut thlaang thong yakhat coeng thong sawmlii palii hue tah tuuca oen awm haih u.

Olphong 17:14

Ahimi lawngah Tuuca te a teek u ai, tede tuuca oen amah lawng a khue tih a tuek thlaang thli oen uep-awm hubang thlaang thli lawngah ahimi te a taa ai, metihtiah ahih tah bawi boeih kah Bawipa oen sengpahrang boeih kah Sengpahrang la awm,” tila te a thui.

Olphong 21:22

Te khawpui khuiah tempal bok-im ka hu nawh, metihtiah Thara koek Bawipa Pathen oen Tuuca tah te kah tempal bok-im la awm poen.

Olphong 21:23

Te khawpui dawngah khawse oen thlavaang khaw ngoe tlaih nawh, metihtiah Pathen kah ruep-awmna te aang poen tih tuuca te haivang la awm poen.

Olphong 22:1

Tecoengah vanthlaang lawng hingna tui a laawngna tuiva te khaw n'huh sak. Te tuiva tah thlalang angla ciilrikla awm tih Pathen oen Tuuca kah bawingawlhcoen dawng kalawng va laawng tih khawpui khui alaklung ah te laawng.

Olphong 22:3

Pathen lawngah a tap avoep thaihu khatca khaw te khawpui khuiah awm manawh. Pathen oen Tuuca kah bawingawlhcoen tah te khawpui khuiah awm tih amah kah a tuihyoeih-thlaang thli lawngah ahih te a bok u.

Olphong 4:8

Ramsa hing palii boeih lawngah phe paruk rip a khueh u tih akhui oen adau ah mik hooeng la betoet. Ahimi lawngah yiin oen daai toeng tlaih ohla: “Aciim, aciim, aciim tah Bawilen koek Bawipa Pathen ni, Ahih tah aka awm poen, aka awm lii oen aka awm poe ham koei ni,” tila laa a sak u.

Olphong 5:11

Tecoeng ka bueh koep vengah vanthlaang toeklek toekna nawh kah awl te ka yaak! Ahimi lawngah bawingawlhcoen te khaw, ramsa hing palii oen ah ahaamca hue te a veel tih pai u,

Olphong 5:12

angaihhlangla laa a sak u tih: “A ngawn u Tuuca lawngah Huham tharana oen kuirangna, Cuihna oen tharana, hinyahna oen ruep-awmna oen ah thangpawmna tah dang hamla tuueng ta-ngak,” ti u.

Olphong 5:13

Tecoengah vaan ah aka awm boeih oen dilai dawngah khaw, dilai dangkah aka awm boeih, tuitunlii ah aka awm boeih oen Khawhipuempa kah aka hing boeih lawng: “Bawingawlhcoen dawngah aka ngawl tuuca tengah thaangtheenna oen hinyahna, ruep-awmna oen tharana tah yoeyahla dungyan toe awm hawn seh,” tila laa a sak te ka yaak.

Olphong 5:14

Ramsa hing palii hue lawngah te, “Amen!” tila a thui u tih ahaamca hue lawng buekuep u tih a bok u.

Olphong 6:16

Ahimi lawngah tlaang oen lungnu nala te “kaimi he n'naam langtah bawingawlhcoen dawng aka ngawl kah mik huh oen Tuuca kah thinsana kalawng ng'thlip u lah!